Бугуннинг гапи      Бош саҳифа

Нархни сунъий оширишга қандай жазо бор?

Рамазон ойи бошланиши муносабати билан бозорларда бу ойда харидоргир бўладиган айрим маҳсулотларнинг нарх-навосини тижоратчилар сунъий равишда ошираётгани ҳақида таҳририятимизга мурожаат бўлди. Шу масалага ойдинлик киритиш учун Ўзбекистон мусулмонлар идорасига мурожаат қилдик.

Нархни сунъий оширишга  қандай жазо бор?

Исомиддин АҲРОРОВ,

Ўзбекистон мусулмонлар идораси ходими:

— Рамазон рўзадорлар учун барча шароитлар яратиладиган, уларнинг рўза ибодатини тўла-тўкис, қийналмасдан адо этишига кўмаклашиладиган ой. Жумладан, рўзадорга кенгфеъллик ва саховат кўрсатиб, саҳарлик ва ифтор қилиб бериш, эҳтиёжмандларга моддий ёрдамлар кўрсатишга имкон қадар камарбаста бўлишимиз керак. Ҳадиси шарифда Пайғамбаримиз (алайҳиссалом) яримта хурмо (садақа қилиш) билан бўлса ҳам ўзингизни дўзах оловидан қутқаринглар, дея марҳамат қилганлар.

Шунингдек, бу ойда қилинган ҳар бир яхшилик учун савоблар бир неча баробар кўпайтириб берилади. Инсон саҳардан шомгача рўзадор ҳолда бўлар экан, унинг бу амали кун бўйи муттасил савобларга нойил бўлишига сабабдир.

Инсонларга оғирлик қилиб, азият етказадиган ишни қилиш Рамазондан бошқа ойларда ҳам мумкин эмас.

Айниқса, озиқ-овқат молларини нарх кўтарилганда сотиш учун ушлаб туриш ёки улар нархини сунъий равишда оширишдан шариатимиз қатъий қайтарган.

 Бу бозорларда айрим маҳсулотларга сунъий танглик пайдо бўлишига ҳам олиб келади. Тижоратчи агар ўз вазифасини сидқидилдан ҳалол ва холис бажарса, жуда катта савобларга эга бўлади. Ҳатто жаннатда Пайғамбаримиз (алайҳиссалом) билан бир сафда бўлиши ҳам ҳадисларда алоҳида таъкидланган.

Кўплаб тижоратчилар савдо молининг устига қанча миқдорда нарх қўйиб сотиш кераклигини сўрашади. Шариатимизда бу миқдор айнан бирон аниқ рақам билан белгилаб қўйилмаган. Аммо тижоратчи молнинг таннархи ва бошқа харажатларини ҳисоблаб чиқиб, ўзи учун қанча кам фойдани кўзласа, бунда ёлғон ва ғирромликни аралаштирмаса, молининг айбини яширмасдан, айтиб-билдириб сотса, харидорлар ундан рози бўлади. Тижоратнинг баракаси пул ва молнинг кўплигида эмас, унинг инсоф билан қилингани, ҳалол ва холислигидадир.                    




Ўхшаш мақолалар

Ойликка яшайдиган одам

Ойликка яшайдиган одам

🕔16:44, 08.11.2018 ✔48

Тўй қилиш учун борини йиғади, пул топади. Орзу-ҳавас учун фарзандига тўй қилади. Энг қизиғи, тўйга пулни қариндош-уруғ ва танишларидан қарз олиб тўплайди.

Батафсил
«Ҳоким келибди...»

«Ҳоким келибди...»

🕔16:43, 08.11.2018 ✔46

Уйимизга узоқ қариндошимиз меҳмон бўлиб келди. Уч-тўрт кун туриб, ўғлини институтга жойлаб, қишлоққа қайтиб кетди. Аммо институтда ташкилий ишлар туфайли боласи учун бозор-ўчар қилиб, шу ҳафта охирида яна қайтиб келди.

Батафсил
Ирода

Ирода

🕔16:43, 08.11.2018 ✔36

Бундан анча йил аввал дадам қийналиб қолган бир одамга: «Қўлингдан келса, косиблик қил», — дея маслаҳат берганларида у бу ишдан ор қилгани ёдимда.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Ойликка яшайдиган одам

    Ойликка яшайдиган одам

    Тўй қилиш учун борини йиғади, пул топади. Орзу-ҳавас учун фарзандига тўй қилади. Энг қизиғи, тўйга пулни қариндош-уруғ ва танишларидан қарз олиб тўплайди.

    ✔ 48    🕔 16:44, 08.11.2018
  • «Ҳоким келибди...»

    «Ҳоким келибди...»

    Уйимизга узоқ қариндошимиз меҳмон бўлиб келди. Уч-тўрт кун туриб, ўғлини институтга жойлаб, қишлоққа қайтиб кетди. Аммо институтда ташкилий ишлар туфайли боласи учун бозор-ўчар қилиб, шу ҳафта охирида яна қайтиб келди.

    ✔ 46    🕔 16:43, 08.11.2018
  • Ирода

    Ирода

    Бундан анча йил аввал дадам қийналиб қолган бир одамга: «Қўлингдан келса, косиблик қил», — дея маслаҳат берганларида у бу ишдан ор қилгани ёдимда.

    ✔ 36    🕔 16:43, 08.11.2018
  • «Ўзбекнинг кимлигини кўрсатиб қўйдим»

    «Ўзбекнинг кимлигини кўрсатиб қўйдим»

    Оддий аскар ўзбекни тинглашга мажбур қилди. Майор тилини тишлаб қолди.

    ✔ 72    🕔 18:56, 01.11.2018
  • Қимматга тушаётган арзон уйлар

    Қимматга тушаётган арзон уйлар

    «Марҳамат,  янги уй!  Аммо таъмирлаб оласиз».  Бунга ким қандай изоҳ беради?

    ✔ 48    🕔 18:56, 01.11.2018
Ҳаммасини кўриш 

Фойдали манбаалар