Долзарб мавзу      Бош саҳифа

Сифат, адолат ва шаффофлик

Таълимнинг бош мезонига айланадиган уч тамойил.

Сўнгги бир йил ичида Халқ таълими вазирлиги тизимида 207 мингдан зиёд турли текширувлар ўтказилган.

Ўқитувчининг қоғозбозликка сарфланган вақти ўрта ҳисобда 4 соатни ташкил этади.

Халқ таълими вазирлигига уч кун ичида 3 мингдан ортиқ мурожаат, муаммо ва таклифлар билдирилган.

Халқ таълими вазири ­Шерзод Шерматов журналистлар билан учрашув чоғида шу ва шу каби масалалар хусусида тўхталиб ўтди.

— Халқ таълими вазирлигининг асосий мақсади юқори малакали ва ҳар томонлама баркамол авлодни етиштиришдан иборат, — деди вазир Шерзод Шерматов. — Бунинг учун таълим сифати, адолат ва шаффофлик тамойилларига алоҳида аҳамият қаратилиши зарур. Шу мақсадга хизмат қилмайдиган ортиқча ва беҳуда ишларга чек қўйиш фурсати етди. Жамиятда ўқитувчилар ва зиёлиларнинг обрўсини кўтармай туриб, таълимда бирон натижага эришиб бўлмайди. Бу борада ҳамма биргаликда иш тутиши керак. Шу жумладан, оммавий ахборот воситалари ҳам.

Дарҳақиқат, ўқитувчилик энг улуғ ва шарафли касб. Эндигина тетапоя бўлиб, мактабга чиққан болакайлар дунёдаги ҳамма яхшиликларни, аввало, ўқитувчи тимсолида кўради. Унга ҳавас қилади ва ўз келажагини ҳам шундай тасаввур этади. Аммо тан олиш керак, ўтган бир неча йил давомида ўқитувчилик моддий фаровонликка олиб чиқувчи бошқа бир қанча касблар  панасида қолиб кетди. Шундай пайтларда ёшлар ўқитувчи ва зиёли бўлишдан кўра, топармон-тутармон бўлиш орзусида қолганини ҳам инкор этиб бўлмайди. Аслида моддий фаровонлик ва жамиятдаги ҳар қандай соҳанинг қаддини ростлаш, аввало, таълим тизимини ислоҳ қилиш ҳамда ўқитувчининг қадри ва нуфузини ошириш билан бўлади. Жамиятнинг ҳар бир аъзоси, ҳар бир фуқаро устоз-мураббийга ҳурмат-эҳтиром кўрсатмас экан, ёш авлод таълим-тарбиясида бирон ижобий натижага эришиб бўлмайди.

— Афсуски, таълим соҳасига ўринсиз аралашиб, дарс жараёнларига халақит бериш, ҳатто, ота-оналарнинг ўқувчилар олдида ўқитувчига дўқ-пўписа қилиб, ҳурматсиз муносабатда бўлиши кузатилган, — деди вазир Ш.Шерматов. — Бундай ҳолатлар таълим сифатига жиддий салбий таъсир кўрсатади. Шунингдек, жамиятда ўқитувчиларнинг обрў-эътибори йўқолишига сабаб бўлади.

Учрашувда ўқитувчи ва ўқувчи орасидаги моддий муносабатлар, соҳада педагог-кадрларнинг етишмаслиги, айрим синфларда ўқувчилар сонининг ҳаддан ташқари кўплиги, юқори синф ўқувчиларининг билими сезиларли даражада пасайиб бораётгани, таълим муассасаларининг бошқарув тизими ва моддий-техник базаси қайта кўриб чиқилиши каби долзарб масалалар муҳокама қилинди.




Ўхшаш мақолалар

Нон нархи ошди. Буни мутасаддилар қандай изоҳлайди?

Нон нархи ошди. Буни мутасаддилар қандай изоҳлайди?

🕔11:49, 20.09.2018 ✔31

Нон нархи нега бирданига салкам икки баробарга қимматлашиб кетди? Бунинг асл сабаби нимада? Xs.uz онлайн нашри бу саволларга  мутасаддиларнинг фикрини ўрганди.

Батафсил
«Ечим рапорти» ёки муаммо қолиб журналистдан кир ахтариш тўғрими?

«Ечим рапорти» ёки муаммо қолиб журналистдан кир ахтариш тўғрими?

🕔11:48, 20.09.2018 ✔23

Мақоладан сўнг ёрдамга муҳтож оила тақдирида ўзгариш бўлдими?

Батафсил
Танқиддан сўнг Сирдарёда нима ўзгармоқда?

Танқиддан сўнг Сирдарёда нима ўзгармоқда?

🕔11:48, 20.09.2018 ✔29

Газетамизнинг 2018 йил 12 июлдаги 28-сонида чоп этилган «Шифокорга муҳтож поликлиникалар» сарлавҳали мақолада Сирдарё вилоятидаги оилавий поликлиникалар хусусида сўз юритилган эди. Ушбу мақола юзасидан Ўзбекистон Республикаси Соғлиқни сақлаш вазирлиги муносабат билдирди.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

Ҳаммасини кўриш 

Фойдали манбаалар