Даромад манбаи      Бош саҳифа

Қўрқманг, аввало бошланг

Ишни бошлагач, кредит олиш умуман қўрқинчли эмаслигини тушунасиз.

Қўрқманг, аввало бошланг

Аксарият юртдошларимиз банкдан кредит олиш катта таваккалчилик, деб ўйлайди. «Кейин қарзни қайтара олмай қолсам, нима бўлади?», деган ўй унда ҳадик ҳиссини уйғотади. Ана шу қўрқув яхшигина ғояси бор кишини ҳам ҳаракатсизлантириб қўйиши мумкин. Аммо банкдан кредит олиб, уни вақтида, ҳатто, муддатидан анча олдин қайтараётган юртдошларимиз билан суҳбатлашганда бунинг мутлақо тескарисини кўрамиз. Хўш, унда гап нимада?

Психологларнинг айтишича, ўзига нотаниш иш ёки кейин нима бўлишини билмаслик инсонда қўрқув, хавотир ҳиссини уйғотар экан. Бунга яна «Банкка борсам-у, улар кредит бермай, қайтариб юборишса, нима қиламан?», деган ҳадикни ҳам қўшинг. Бундай дунёқарашга эга киши, албатта, ҳаракатсизликни танлайди. «Ҳеч нима қилмаяпсанми, демак, хато ҳам қилмайсан. Оч қорним, тинч қулоғим» қабилида. Бироқ дунёқарашни ўзгартиришнинг вақти аллақачон келган.

— Агар аниқ бизнес-режангиз бўлса, кредит олишдан умуман чўчимайсиз, — дейди Қибрай тумани Хўжақўрғон қишлоғида истиқомат қилувчи тадбиркор Зулфия ­ШЕРБОЕВА. — Негаки, пухта режа қилиб олгансиз, унинг натижасини ва келгусида берадиган самарасини олдиндан биласиз. Ана шу нарса қўрқув ва иккиланишни йўқотади. Ишга киришгач, банкдан кредит олиб, шахсий тадбиркорликни йўлга қўйиш умуман қўрқинчли эмаслигини тушуниб оласиз. Ахир, давлатимиз томонидан шунча қулайлик ва имкониятлар берилмоқда. Улардан оқилона фойдаланмаслик нотўғри. Бундан давлатга ҳам, тадбиркорнинг ўзига ҳам наф келади.

Ўзингиз ҳам банкдан кредит олганмисиз?

— Албатта. Яқинда шахсий томорқамизда иссиқхона ташкил этиш учун имтиёзли кредит олдим. Айни пайтда ерни тайёрлаяпмиз. Июлда 1 сотих ерга иссиқхона қурамиз. Насиб қилса, август ойида кўчатларини келтириб, помидорнинг жуда серҳосил ва иссиқхонабоп навларини экишни ният қилиб турибмиз. Хуллас, дастлабки хомаки ҳисоб-китобларимга кўра, 2020 йилгача муддат билан олинган кредитни 1,5 йил ичида узса бўлади.

— Шахсий томорқангизга яна нималар экилган?

— Болалигимдан ерда ишлашни яхши кўраман. Томорқамиз 4 сотих аслида. Унда мевали дарахтлардан олма, гилос, ёнғоқ, анжир экилган. Анор шу йил ҳосилга кирди. Шунингдек, томорқага картошка, пиёз, помидор, бодринг, булғор қалампири, бақлажон каби экинларни экканмиз. Тўғри, бозорга олиб чиқмаймиз, лекин рўзғор эҳтиёжига бемалол етади.

— Қурадиган иссиқхонадан неча марта ҳосил олишни мўлжаллаяпсиз?

— Аввало, иссиқхонани кичикроқ бўлса-да, замонавий қилиб қуришни режалаштиряпмиз. Ундан уч марта ҳосил олиш мумкин. Кейин ерга дам бериш учун тўртинчисига гул экиш мумкин. Бу январь ойига тўғри келади. Эрта баҳорда эса, манзарали гулларга талаб анча катта бўлади.

 

Нурпўлат НУРҚУЛОВ

ёзиб олди.




Ўхшаш мақолалар

Ёш фермернинг  муваффақиятли одимлари

Ёш фермернинг муваффақиятли одимлари

🕔17:31, 13.12.2018 ✔245

Қуйичирчиқлик ёш фермер Дилмурод Тўрақулов «Ёшларкелажагимиз» давлат дастури доирасида банкдан имтиёзли кредит олиб, ўз фаолиятини кенгайтирди. У бугун энг омадли фермерлардан бири.

Батафсил
Кимларнинг қарзи  кечиб юборилди?

Кимларнинг қарзи кечиб юборилди?

🕔17:31, 13.12.2018 ✔204

Тадбиркор фаолияти давомида баъзан таваккал қилишига тўғри келади. Шундай пайтда у «куйиб» оқибатда қарзга ботиб қолиши ҳам ҳеч гап эмас. Айтиш керакки, бугун давлатимиз бундай аҳволга тушиб қолган тадбиркорларга ёрдам тариқасида оғирини енгил қилмоқда.

Батафсил
Бир ҳовлидаги ризқ

Бир ҳовлидаги ризқ

🕔16:08, 29.11.2018 ✔344

Қўй-эчкиларнинг жойи алоҳида. Бунга «нозиктаъб» эчкиларнинг уришқоқлиги сабаб.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Ёш фермернинг  муваффақиятли одимлари

    Ёш фермернинг муваффақиятли одимлари

    Қуйичирчиқлик ёш фермер Дилмурод Тўрақулов «Ёшларкелажагимиз» давлат дастури доирасида банкдан имтиёзли кредит олиб, ўз фаолиятини кенгайтирди. У бугун энг омадли фермерлардан бири.

    ✔ 245    🕔 17:31, 13.12.2018
  • Кимларнинг қарзи  кечиб юборилди?

    Кимларнинг қарзи кечиб юборилди?

    Тадбиркор фаолияти давомида баъзан таваккал қилишига тўғри келади. Шундай пайтда у «куйиб» оқибатда қарзга ботиб қолиши ҳам ҳеч гап эмас. Айтиш керакки, бугун давлатимиз бундай аҳволга тушиб қолган тадбиркорларга ёрдам тариқасида оғирини енгил қилмоқда.

    ✔ 204    🕔 17:31, 13.12.2018
  • Бир ҳовлидаги ризқ

    Бир ҳовлидаги ризқ

    Қўй-эчкиларнинг жойи алоҳида. Бунга «нозиктаъб» эчкиларнинг уришқоқлиги сабаб.

    ✔ 344    🕔 16:08, 29.11.2018
  • «Муҳими — ўзим, келиним  ва синглим ишлимиз»

    «Муҳими — ўзим, келиним ва синглим ишлимиз»

    Бир неча йилдан бери тадбиркор сифатида иш бошлашни режалаштириб юрган қизилтепалик Истат НОРҚУЛОВА ниҳоят банкдан кредит олиб тикув цехи ташкил этди. ​​​​​​​

    ✔ 226    🕔 16:08, 29.11.2018
  • Энди саҳрода тарвуз етиштирилади

    Энди саҳрода тарвуз етиштирилади

    «Агар ишонмасангиз, эрта баҳорда келинг ва ўз кўзларингиз билан кўринг».

    ✔ 285    🕔 17:31, 22.11.2018
Ҳаммасини кўриш 

Фойдали манбаалар