Туризм      Бош саҳифа

Келинчак тоғи

Фориш марказига етиб олиш учун машина пойлаб турибман. Аксига олиб бирорта улов ўтмаса денг. Начора, сабр қилишга тўғри келади. Атроф бийдай дала. Турган жойимдан Айдаркўл аниқ-равшан кўриниб тураркан. Қуёш чиқадиган ёқдаги қоялар эса, қордан дўппи кийган. Ўша томонга узоқ тикилиб қолдим.

Келинчак тоғи

— Ҳа, меҳмонжон! Тоғларга узоқ тикилиб қолдингиз? — деди шу ерлик қария.

— Ўзим шунчаки. Бу ердан чиройли кўринаркан, — дедим.

 — Бу келинчак тоғи бўлади, — дея тушунтира кетди мўйсафид. — Қаранг, кўриниши худди келинчакка ўхшайди-а? Шу  сабаб шундай ном олган.

Халқ орасида Келинчак тоғи билан боғлиқ кўплаб ривоят, афсоналар юраркан. Сўзга чечан, очиқкўнгил отахондан ўша ривоятлардан бирортасини сўзлаб беришини сўрадим.

— Ривоят қилишларича, қадимда биз турган қишлоқда ақл-фаросатли, меҳнаткаш, ҳусну малоҳатда тенгсиз бир гўзал қиз яшаган экан, — дея ҳикоясини бошлади отахон. — У тиккан сўзана-ю, палаклар жуда чиройли бўлиб, тез сотилиб кетар экан. Қиз шикорга ишқибоз экан. У бир куни тоғу  тошларда ов қилиб юрганида, қишлоғини ёғий босибди. Сон жиҳатидан анча кўп бўлган ёв бир зумда қишлоқ кулини кўкка совуриб, эркакларни ўлдирибди. Қиз-жувонларни оёқости қилибди. Худди шу пайт қиз овдан қайтиб қолибди. Қайтибди-ю кўзи ёвга тушибди ва дарҳол тоққа қочибди. Душман аскарлари ҳам қиз ортидан  изма-из бораверибди. Қиз қоча туриб, ортидан келаётган душманининг анча-мунчасини камондан ўқ отиб қулатибди. Кейин қизнинг камон ўқлари тугабди. Душман эса, жуда яқинлашиб қолган. Шунда қиз Худога: ёлвориб: «Ёғий қўлида асир бўлгандан тошга айланиб қолганим яхши!» дея нола қилибди. Қизнинг оҳу ноласи ижобат бўлиб, тоққа айланибди...

Чиндан ҳам, юртимиз тоғларида жуда кўплаб сир-синоат, ғаройиботлар яширин. Уларнинг ҳар бири ҳақида афсона-ю ривоятлар эл орасида оғиздан-оғизга кўчиб юради. Отахоннинг ривояти ўзгача таассурот қолдираркан. Аммо сўзлаб бериш маҳоратига ҳам тан бермай илож йўқ...

Бу тоғ Нурота тумани, «Нурота» қоракўлчилик хўжалигида жойлашган.

 

Улуғбек АКТАМОВ




Ўхшаш мақолалар

«Илон ўтди» дараси  ёки Амир Темур дарвозаси

«Илон ўтди» дараси ёки Амир Темур дарвозаси

🕔16:08, 22.02.2019 ✔4

Жиззах заминидан кўҳна Буюк Ипак йўли ўтгани учун ҳам мазкур кент жаҳон тамаддунида жуда катта аҳамият касб этиб келган. 

Батафсил
Улоқни учирган қуюн

Улоқни учирган қуюн

🕔23:24, 06.02.2019 ✔41

Қулқудуқ овулида Тулкибой чолнинг ҳангисига етадигани йўқ. Жониворнинг жуссаси анча йирик, салкам отдай келади.

Батафсил
Писта чақар балиқлар

Писта чақар балиқлар

🕔11:10, 31.01.2019 ✔46

Баъзида табиат ишига қойил қолмасдан илож йўқ. 

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • «Илон ўтди» дараси  ёки Амир Темур дарвозаси

    «Илон ўтди» дараси ёки Амир Темур дарвозаси

    Жиззах заминидан кўҳна Буюк Ипак йўли ўтгани учун ҳам мазкур кент жаҳон тамаддунида жуда катта аҳамият касб этиб келган. 

    ✔ 4    🕔 16:08, 22.02.2019
  • Улоқни учирган қуюн

    Улоқни учирган қуюн

    Қулқудуқ овулида Тулкибой чолнинг ҳангисига етадигани йўқ. Жониворнинг жуссаси анча йирик, салкам отдай келади.

    ✔ 41    🕔 23:24, 06.02.2019
  • Писта чақар балиқлар

    Писта чақар балиқлар

    Баъзида табиат ишига қойил қолмасдан илож йўқ. 

    ✔ 46    🕔 11:10, 31.01.2019
  • Айдаркўл — Қизилқум денгизи

    Айдаркўл — Қизилқум денгизи

    Ўтган аср бошларида  «Катта тузли кўл», «Тузкон», деган номлар билан юритиб келинган Айдаркўлни бугунги кунда кўпчилик Қизилқум денгизи дея таърифлайди.

    ✔ 129    🕔 09:07, 21.12.2018
  • «Гуноҳкор» касб эгалари

    «Гуноҳкор» касб эгалари

    Этнограф Г.П.Снесарев Хоразм воҳасининг ўтмиши ҳақида ёзаркан, бу хусусда шундай дейди:

    ✔ 150    🕔 17:26, 13.12.2018
Ҳаммасини кўриш 

Фойдали манбаалар