Даромад манбаи      Бош саҳифа

Битта эчкидан 5 литр сут?

Йилқичилик билан шуғулланиб келаётган «Бухоро Темур отлари» масъулияти чекланган жамияти янги йўналиш — эчкичилик тармоғида ҳам яхши натижаларга эришмоқда.

Битта эчкидан 5 литр сут?

Ўтган йили ёзда Польшадан 400 бош альп ва заанин зотли эчкилар келтирилди. Бунда тадбиркорга банк томонидан ажратилган                         1 миллиард сўм миқдоридаги кредит қўл келди.

—  Эчки сути таркибида оқсил мўллиги, ёғлилик даражаси юқорилиги билан аҳамиятлидир, —  дейди «Бухоро Темур отлари» МЧЖ раҳбари Акмал ҒУЛОМОВ. —  Хориждан келтирилган зотли эчкилар ўзимиздаги жайдари турдошларига нисбатан маҳсулдорлиги билан ажралиб туради. Дастлаб, жониворлар бизнинг иқлимга мослаша олмайди, дегувчилар ҳам бўлди. Соҳа мутахассислари ва польшалик ҳамкорлар билан маслаҳатлашиб, эчкиларни маҳаллий иқлим хусусиятларини ҳисобга олган ҳолда парвариш қилдик. Меҳнат бесамар кетмади — эчкилар шароитга мослашди. Натижа шубҳаларга ўрин қолдирмайдиган даражада яхши бўлди.

Жорий йил баҳорда 200 бош улоқ олинди. Бу эчкиларнинг маҳаллий иқлимга мослашуви тажрибадан ўтган дастлабки йил учун яхши кўрсаткич. Улоқчалар яхши ўсмоқда. Ҳозирда ҳар бир эчкидан кунига 2,5 литрдан ортиқ сут соғиб олинмоқда.

Шифобахшлик хусусиятига эга эчки сутининг бозори чаққон. Маҳсулотнинг асосий қисми аҳолига сотилмоқда. Бир қисми қайта ишланиб, қатиқ, қаймоқ тайёрланяпти.

Эчкиларнинг иқлимга тўла мослашадиган навбатдаги авлодида маҳсулдорлик янада юқори бўлади. Мутахассислар фикрича, кейинчалик ҳар бир бош эчкидан кунига ўртача 5 литрдан сут олиш мумкин экан.

Ишбилармон айни пайтда сутни қайта ишлаш замонавий технологияси билан жиҳозланган цех ташкил этиш ва тайёрланадиган сариёғ, қатиқ, пишлоқ, бринза каби маҳсулотларни ички бозорга, кейинчалик эса, экспортга чиқариш режаси устида ишламоқда. Ҳозир корхонада 10 киши меҳнат қилмоқда. Ишлаб чиқариш лойиҳаси амалга ошиши ва туёқ сони кўпайиши жараёнида яна 15 янги иш ўрни яратилади.

Маълумот

Зотли эчкилар, асосан, сути учун боқилса-да, яхши парваришланса, ҳар бири ўртача 70 килограммгача тош босиши мумкин.

Албатта, маҳсулдорлик бевосита озуқа базасига ҳам боғлиқ. Бу борада тадбиркорда муаммо йўқ. Туман ҳокимлиги корхонага 30 гектар унумдор ер ажратган. Бу ерда беда ва тариқ етиштирилмоқда.

Эркин ЁДГОРОВ,

ЎзА




Ўхшаш мақолалар

6 туп токдан 3 тонна узум

6 туп токдан 3 тонна узум

🕔16:56, 18.10.2018 ✔6

Элимиз жуда меҳнатсевар, фидойи, омилкор. Бугун томорқачиликдан яхши даромад топаётган минглаб оилалар фаровон ҳаёт кечирмоқда.

Батафсил
Нақшларнинг ҳар бири ўзига хос

Нақшларнинг ҳар бири ўзига хос

🕔17:42, 11.10.2018 ✔30

Бу ҳунарда бир-бирини такрорлайдиган нусхалар бўлмайди. Ҳар бири асл нусха — ягона.

Батафсил
Полвоннинг қовоғи  ҳам полвон

Полвоннинг қовоғи ҳам полвон

🕔17:42, 11.10.2018 ✔33

Муҳаммаджон ака палакда пишиб етилган қовоқни узиб олди. Қарийб 50 килограммча келади.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

Ҳаммасини кўриш 

Фойдали манбаалар