Даромад манбаи      Бош саҳифа

Янгиободда Италия гилоси

Маҳсулотни сақлаш муҳим. Хўш, бунинг камхаражат йўли борми?

Янгиободда Италия гилоси

Жиззах вилоятининг энг чекка тумани — Янгиободда ҳам истиқболли лойиҳалар амалга оширилмоқда. Жумладан, Хўжамушкентсой канали бўйлаб фаолият юритаётган турли шаклдаги мулкдорлар 168 гектарда мева, 205 гектарда узум, 200 гектарда полиз, 170 гектарда сабзавот, 80 гектарда экспортбоп булғор қалампири, 70 гектарда ловия, 578 гектарда нўхат, 30 гектарда маккажўхори, 60 гектарда озуқабоп экинлар етиштирмоқда.

Масалан, 7 гектар майдонда олхўри, 2 гектарда олма, 60 сотихда гилос, 50 сотихда ўрик, 5 гектарда узум етиштираётган «Совот мевазори» фермер хўжалигида дастлабки хирмон кўзга ташланиб қолди.

— Ўтган йили олхўридан 6 тонна ҳосил олган эдик, бу йил 10 тоннани мўлжаллаяпмиз, — дейди «Совот мевазори» фермер хўжалиги иш бошқарувчиси Мавлонқул ТОҒАЕВ. — Дарахтлар чангланишини яхшилаш учун асаларичиликни йўлга қўйдик. Ҳали боғимиз мевага тўлиқ киргани йўқ. Токзор ҳам янги. Даромад яқин йилларда бир неча баробар ортади, албатта. Айни пайтда паррандачилик ва чорвачилик йўналишидаги янги лойиҳаларни амалга ошириш устида ҳам иш олиб бораётирмиз.

Аграр соҳада амалга оширилаётган ислоҳотлар фақат маҳсулот етиштиришда эмас, балки уни сақлаш, қайта ишлаш ва экспорт қилиш тармоқларида ҳам кенг қулоч ёймоқда. Чунончи, «Совотагроголд» масъулияти чекланган жамияти жамоаси 100 гектар ерда узум, 500 гектарда экспортбоп сабзавот етиштиришни ҳамда 1000 тоннали мева-сабзавотни сақлаш имкониятига эга совитгич қуришни режалаштирган. «Совотагроэкспорт» МЧЖ эса, 50 гектар майдонда томчилатиб суғоришни жорий этиб, ёнғоқ ва гилоснинг Италиядан келтирилган навларини экишга ҳозирлик кўрмоқда. Шунингдек, туманда 2019 йили 4 гектар ерда гидропоника усулида помидор етиштириш йўлга қўйилади. 500 тоннали мева сақлаш совитгичи ва 3 тонна мевани қайта ишлаш цехи ишга туширилади.

«Янгиободузумсервис» масъулияти чекланган жамияти 295 гектарда узум етиштираётир. Келгуси йилдан ҳар гектар токзордан 10 тоннадан узум олишни мўлжаллаётган жамоа ҳосилнинг бир қисмини сақлаш учун 177 миллион сўмлик совитгич қурмоқда. Ҳосилнинг қолган қисмини майиз сифатида экспорт қилиш режалаштирилган.

— Германиядан 135 миллион сўмлик технология келтириб, узумни қайта ишлашни йўлга қўймоқчимиз, — дейди «Янгиободузумсервис» ҳисобчиси Абдусалом РУСТАМОВ. — Бунинг учун бино ҳам ҳозирлаб қўйдик. Шунингдек, 35 миллион сўмга ток устунлари — шпалерлар ишлаб чиқарадиган ускуна келтириш бўйича ҳам иш олиб боряпмиз. Келгуси йилдан 95 гектар майдонда томчилатиб суғоришга ўтамиз. Ушбу лойиҳаларни амалга ошириш учун банкдан 3 миллиард сўм кредит олиш режалаштирилган.

 

Тошқул БЕКНАЗАРОВ,

ЎзА




Ўхшаш мақолалар

6 туп токдан 3 тонна узум

6 туп токдан 3 тонна узум

🕔16:56, 18.10.2018 ✔6

Элимиз жуда меҳнатсевар, фидойи, омилкор. Бугун томорқачиликдан яхши даромад топаётган минглаб оилалар фаровон ҳаёт кечирмоқда.

Батафсил
Нақшларнинг ҳар бири ўзига хос

Нақшларнинг ҳар бири ўзига хос

🕔17:42, 11.10.2018 ✔30

Бу ҳунарда бир-бирини такрорлайдиган нусхалар бўлмайди. Ҳар бири асл нусха — ягона.

Батафсил
Полвоннинг қовоғи  ҳам полвон

Полвоннинг қовоғи ҳам полвон

🕔17:42, 11.10.2018 ✔33

Муҳаммаджон ака палакда пишиб етилган қовоқни узиб олди. Қарийб 50 килограммча келади.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

Ҳаммасини кўриш 

Фойдали манбаалар