Ёшлар      Бош саҳифа

Ёшлар учун йигирма етти туҳфа

Фарзандининг билимли инсон бўлиб улғайишини истаган ота-она унинг қўлига китоб тутади.

Ёшлар учун йигирма етти туҳфа

Китоб расталари атрофида айланиб юрсам, бир онанинг икки фарзандини етаклаб, дўконма-дўкон бир нарса излаётганига кўзим тушди. Кейин билсам, «Алпомиш» достонини қидираётган экан. Ўн яшар ўғлининг бу нодир достонни ўқишни шунчалар истаётгани ҳайратимни оширди. Аёлнинг фарзандлари тарбиясида қадим анъана ва қадриятларга таяниш истаги ҳақиқатан ҳам одил қарор, шундай эмасми?

Жамиятимизда дилбандининг билим олиши, ўқиши учун жон куйдираётган шундай ота-оналарнинг борлиги нақадар қувонарли.  Аммо баъзан айрим асарларни топиш учун анча куч ва вақт сарфлашга тўғри келиши ҳам сир эмас. Тўғри, ўқишли, қизиқарли китобнинг бозори чаққон бўлади. Лекин китобхонларнинг талабини ўз вақтида қондириш ҳам жуда муҳим.    

Шу мақсадда Ўзбекистон ёшлар иттифоқи ташаббуси билан Ўзбекистон Республикаси Мустақиллигининг 27 йиллигига бағишлаб «Ўзбекистон ёшлар иттифоқидан 27 туҳфа» сифатида бадиий китоблар тўплами чоп этилди. Бу юртимиз ёшлари учун энг катта байрам туҳфаси бўлди.

— 2017 йилда Ўзбекистон ёшлар иттифоқи Марказий Кенгаши ёшлар ташаббуси ва таклифлари асосида «Ёшлар кутубхонаси» лойиҳасини ишга туширди, — дейди Ўзбекистон ёшлар иттифоқи мутахассиси Гулчеҳра АШУРОВА. — Лойиҳанинг асосий мақсади ёшлар ўртасида китоб мутолааси ва китобхонлик маданиятини ошириш, таълим муассасаларининг бадиий китобларга бўлган эҳтиёжини қондиришга кўмаклашишдан иборат. Эзгу ниятлар сари илк қадамлар ташланди.

Лойиҳа доирасида ҳар бир китоб камида ўн минг нусхадан чоп этилиб, республикадаги барча мактаб, коллеж, академик лицей ва олий таълим муассасалари кутубхоналарига бепул тарқатилади. Жорий йилда Ўзбекистон ёшлар иттифоқи Марказий Кенгаши томонидан лойиҳа учун 10 миллиард сўм маблағ ажратилган. Йил охирига қадар ҳар бир таълим муассасаси кутубхонасига 100 номдаги бадиий китоблар етказиб бериш режалаштирилган.

Ўзбекистон ёзувчилар уюшмаси, Матбуот ва ахборот агентлиги, Халқ таълими ҳамда Олий ва ўрта махсус таълим вазирликлари тавсияси ва ўқувчи-талабаларнинг истаги асосида 2018-2019 йилларда чоп этиладиган 200 номдаги китоблар рўйхати шакллантирилди.

Жумладан, жаҳон адабиётига оид 65 дона, ўзбек адабиётига доир 135 дона нодир асарлар чоп этилиши режалаштирилган. Бу китобларнинг 45 фоизи 20 ёшдан катталар учун, 25 фоизи 7-14 ёшдаги болалар учун ҳамда 30 фоизи 15-20 ёшдаги ўсмирлар учун чоп этилади. Қолаверса, бадиий асарларнинг  50 фоизи замонавий адабиёт, 15 фоизи классик адабиёт, ХХ аср адабиёти эса 35 фоизни ташкил этади.

Китоблар Ўзбекистон Республикаси Президенти фармонига мувофиқ, Ўзбекистон ёшлар иттифоқи қошида ташкил этилган «Ёшлар нашриёт уйи» томонидан нашрга тайёрланмоқда.

Ҳа, бадиий асар мутолааси болани кенг фикрлашга, теран мушоҳада қилишга ўргатади. Билим олиш, ўрганишнинг ҳеч бир шакли унинг ўрнини боса олмаслиги ҳақиқат. Бугун фарзандининг қўлига турли техник воситалар тутаётган, энг илғор технологиялар асосида илм олишига шароит яратиб бераётган ота-оналар ҳам буни вақти келиб тушуниб етиши аниқ. Бола қачонки табиатни ҳис қилса, яқинларининг, атрофдагиларнинг меҳрини туя олса, чин дилдан кулишни, сиқилганда йиғлашни, ғам келганда уни енгиб ўтишни билса, ўзининг ҳақиқий инсон эканини тушуниб етади. Ўзи ҳам бу ҳаётдан завқ олиб яшайди, бошқаларга ҳам яхшилик илинади.

Санаб ўтилган фазилатлар сари борадиган йўл эса фақат китоб орқалидир. Шу мақсадда ташланаётган кичик қадамлар вақти келиб ёшлар маънавияти оламида улкан натижага айланишига ишончимиз комил.

 

Шаҳноза РАҲИМХЎЖАЕВА,

«Оила даврасида» мухбири




Ўхшаш мақолалар

Имтиёзли кредитлар кимлар учун

Имтиёзли кредитлар кимлар учун

🕔11:42, 20.09.2018 ✔8

Янги иш бошлаш остонасидаги қўрқув ва иккиланишларни енгиб ўтишнинг ўзи биринчи муваффақият дегани.

Батафсил
Ёшлар учун йигирма етти туҳфа

Ёшлар учун йигирма етти туҳфа

🕔11:25, 13.09.2018 ✔34

Фарзандининг билимли инсон бўлиб улғайишини истаган ота-она унинг қўлига китоб тутади.

Батафсил
Яна имконият берилди

Яна имконият берилди

🕔11:24, 13.09.2018 ✔26

70 нафар ёш «рўйхат»дан чиқарилди. Уларнинг эндиги тақдири кимнинг қўлида?

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Имтиёзли кредитлар кимлар учун

    Имтиёзли кредитлар кимлар учун

    Янги иш бошлаш остонасидаги қўрқув ва иккиланишларни енгиб ўтишнинг ўзи биринчи муваффақият дегани.

    ✔ 8    🕔 11:42, 20.09.2018
  • Ёшлар учун йигирма етти туҳфа

    Ёшлар учун йигирма етти туҳфа

    Фарзандининг билимли инсон бўлиб улғайишини истаган ота-она унинг қўлига китоб тутади.

    ✔ 34    🕔 11:25, 13.09.2018
  • Яна имконият берилди

    Яна имконият берилди

    70 нафар ёш «рўйхат»дан чиқарилди. Уларнинг эндиги тақдири кимнинг қўлида?

    ✔ 26    🕔 11:24, 13.09.2018
  • Яхши ғоя — яхши натижа

    Яхши ғоя — яхши натижа

    Бугун ёш тадбиркорларнинг сафи кундан-кунга кўпаймоқда. Улар ўз бизнес-режаларини яхши пишитиб, оилавий тадбиркорликни ҳам йўлга қўймоқда.

    ✔ 26    🕔 11:24, 13.09.2018
  • Қарс икки қўлдан

    Қарс икки қўлдан

    Иш сизни излаб келмайди, сиз ишни топинг ва меҳнат қилишдан қочманг.

    ✔ 98    🕔 12:07, 02.08.2018
Ҳаммасини кўриш 

Фойдали манбаалар