Даромад манбаи      Бош саҳифа

Биринчи экиндан 25 миллион

Чўп суқса, кўкарадиган заминимизнинг ҳар бир қаричидан унумли фойдаланмаслик нотўғри.

Биринчи экиндан 25 миллион

Томорқачиликда вақтида экиш ҳам жуда муҳим. Бугун бир кун кечикилса, эртага ҳосил олиш 15-20 кунга кечикади. Қибрайлик деҳқон Шавкат Инсопов ҳам ер билан тиллашадиган деҳқон. 25 сотих ерда ­оилавий деҳқончилик билан шуғулланади.

— Биринчи экин ҳосилини олиб бўлгач, ерни дарров такрорий экин учун ҳозирладик, — дейди томорқачи ­Шавкат ИНСОПОВ. — Томорқамиз ҳовлимиздан хийла олисроқда жойлашган. Ёзда у ерга чайла қуриб, мен, аёлим ва кичик ўғлим ишлаймиз. Худога шукр, ер ҳам ризқимиз, даромадимизни бериб турибди. Асосийси, ишдан қочмаслик.

— Сир бўлмаса, биринчи экин ҳосилидан қанча даромад олдингиз?

— 25 миллионлар атрофида даромад қилдик. Бунда қулупнайнинг янги, йирик ва серҳосил навини экканимиз, агротехникасини тўғри амалга оширганимиз қўл келди. Очиғи, ҳар бир навга алоҳида ёндашув керак бўлар экан.

— Такрорий экинларга нималар эккансиз?

— Шу йилнинг 27 июлида картошка, сабзи ва кечки бодринг экдик. 15 сотих ерга картошканинг серҳосил «Пикаро» ва «Санта», 10 сотихга сабзининг «Мирзойи сариқ» навини, уларнинг бир четига узун қилиб кечки бодринг экканмиз.

— Дейлик, бир туп картошкадан қанча ҳосил олиш мумкин?

— Агар ўз тажрибамдан келиб чиқиб айтадиган бўлсам, 4-5 килограммгача. 10 сотих сабзидан ҳам 4-5 тонна ҳосил олиш мумкин. Бодрингнинг 1 тупидан 2 кило­граммгача ҳосил териб олиш мумкин.

— Ана шу такрорий экинлардан қанча даромад олишни кўзлаяпсиз?

— Бу борада олдиндан бирон нима дея олмайман. Бу бозордаги нархга боғлиқ. Агар сиз эккан маҳсулот бозорда кўп бўлса, нархлар арзонлашиб кетади. Кам бўлса, баландроқ бўлади. Аммо етиштирган маҳсулотингиз арзонлашиб кетган тақдирда ҳам хафа бўлиш керак эмас. Чунки ўша маҳсулотлар билан рўзғорингиз таъминланган бўлади. Сиз эса, ортиқчасини бозорга олиб чиқасиз. Уни арзонга берсангиз ҳам, барибир даромад ҳисобланади. Лекин ҳамиша бозордан хабардор бўлиб туриш керак.

 

Нурбек ҒАФФАРОВ

ёзиб олди.




Ўхшаш мақолалар

Бир ҳовлидаги ризқ

Бир ҳовлидаги ризқ

🕔16:08, 29.11.2018 ✔56

Қўй-эчкиларнинг жойи алоҳида. Бунга «нозиктаъб» эчкиларнинг уришқоқлиги сабаб.

Батафсил
«Муҳими — ўзим, келиним  ва синглим ишлимиз»

«Муҳими — ўзим, келиним ва синглим ишлимиз»

🕔16:08, 29.11.2018 ✔41

Бир неча йилдан бери тадбиркор сифатида иш бошлашни режалаштириб юрган қизилтепалик Истат НОРҚУЛОВА ниҳоят банкдан кредит олиб тикув цехи ташкил этди. ​​​​​​​

Батафсил
Энди саҳрода тарвуз етиштирилади

Энди саҳрода тарвуз етиштирилади

🕔17:31, 22.11.2018 ✔83

«Агар ишонмасангиз, эрта баҳорда келинг ва ўз кўзларингиз билан кўринг».

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

Ҳаммасини кўриш 

Фойдали манбаалар