Мустаҳкам оила      Бош саҳифа

Буви тарбиясини олган қиз

Келин бўлиш арафасида турган қизларга бир-биридан гўзал таърифлар айтилади. Қизнинг ҳаёсию ибоси, ширинсўзлиги, чиройда танҳолигию, чеварликдан хабардорлиги ҳам қолиб кетмайди. Бир гап борки, бу таъриф бўй етган қизнинг харидорини янаям оширади, остона супурувчилари кўпаяди.

Буви тарбиясини олган қиз

Яъни, «бувисининг тарбиясини олган қизлар» ҳамманинг эътибор марказида бўлишади. Улар рўзғорбоп, тадбиркор, чаққон келин бўлиб, борган жойини яшнатиб юради, деган қараш ҳануз ўзини оқлаб келади. Чунки қизлар улғайгани сайин ақл чироғи равшан тортиб бораверади, ҳаётнинг турли чиғириқларига тушиб, катталардан оила тутумини ўрганишади. Одамлар билан муросаю мадорани, қўшничилик муносабатларида одоб ва интизомни, оилада бурч ва масъулиятни эса бувижонларимиз қойиллатиб ўргатишади…

Эсимда, бувим ҳар баҳор дарвозахонадан тортиб пешайвон ёқаси бўйлаб икки қатор анвойи гуллар экарди. Биринчи қаторда ўтган йилги уруғликка асраб қўйган райҳоннинг турфа навларидан навбати билан сепиб чиқарди. Кафтдеккина ердан боғ-боғ чиққан ўсмаси қишлоғимиз аёллари ва қақажон қизчаларнинг қошига бирам ярашарди. Ҳовлимизга кирган борки, бувижоним гул-райҳондан бир даста қилиб, камига қошларни суғориб туринг, дея ўсмадан ҳам бир кафтлик узиб берарди. Бувим ўзига оро бериб, ораста юрганларни жуда алқарди. Бизни ҳам шунга ўргатди. «Сочи тўзиган, хамир қоришни билмайдиган, бир иш буюрсанг, эрта баҳордан бошлаб, кеч кузда тугатадиган қиздан эпли хотин чиқмайди», деган ўгитларини кўп бор эшитганман. Яна ҳар қандай ҳолатда ҳам қозон бошига рўмол билан юборарди. Улғайиб, бунинг ҳикмати қанчалар улуғ эканини тушуниб етдим.

Ҳеч эътибор берганмисиз, бувиси бор хонадонларда тежамкорликка қаттиқ риоя қилишади. Фарзандларини ҳам увол қилмасликка рўзғор тутумида пухта ва саранжомликка ўргатишади. Бу йиллар давомида қизойимларнинг қулоғига сингиб, ҳаракатларига кўчиб ўтгандагина мева бера бошлайди. Қиз бола янги оиласидан раҳмат эшиттиргандаги ҳузур-ҳаловатни бошқа нарсага қиёслаб бўлмайди.

Бир куни болаларни олиб уйга бордим. Опа-сингилларим ҳам фарзандлари билан келишган экан. Қиз невараларини атрофига ўтирғизиб олган онам уларга Турсуной Содиқованинг «Ортимизда ким қоляпти?» деган китобини ўқиб беряпти. Безовта қилмайин, деб мен ҳам қулоқ осдим: «Одоб атрофдагиларни севиш, аяшдир! Одоб ўз-ўзини тинмай тафтиш қилиш ва бировга ботмайдиган бўлиб, ўз-ўзини силлиқлаб боришдир. Болаларимизга биздан шу бойлик қолсин. Болаларимиз бахтни гўзал муросадан, тили, меҳри, меҳнати билан атрофга ёқиб олишдан топадилар…»

 Ҳа, оқилона айтилган сўзлар. Онам ҳам бувим сингари ўз набираларига одоб-ахлоқ ҳақидаги ўгитларини улашяпти. Биримас-бири барибир қулоғига ўрнашиб қолишига ишонадилар.

Замон шиддати ҳамманиям тезкорликка, ўзбилармонликка ҳар қанча ундамасин, кечанинг гапи бугунга тўғри келмай турса-да, катталар сал эскичароқ ўйлайдиган бўлиб туюлса-да, ёши улуғ отахон ва онахонларнинг насиҳатини ерда қолдириш керак эмас. Ўғил-қизлар отага тик келмайдиган, онанинг ҳурматини жойига қўядиган, инсонларга мурувватли бўлиши учун ҳам уларни нуроний ва мунис ота-оналарингиз қўлига топшириб туринг.

 

Садоқат НАБИЖОНОВА,

Поп туманидаги 6-умумтаълим мактаби  ўқитувчиси




Ўхшаш мақолалар

АЁЛ КИШИНИНГ МАРТАБАСИ

АЁЛ КИШИНИНГ МАРТАБАСИ

🕔13:10, 28.08.2020 ✔200

Кўнглимдан кечган бу ўй-фикрларимни муҳтарама опа-сингилларимга атадим. Зеро, мен англаб етган ҳақиқат шуки, ҳаётда аёл киши учун энг улуғ мартаба, энг катта бахт бу – аёллик саодатини ҳис қилиб яшаш экан.
 

Батафсил
ОИЛАДАГИ АҲИЛЛИК шукр ва қаноат қилишга боғлиқ

ОИЛАДАГИ АҲИЛЛИК шукр ва қаноат қилишга боғлиқ

🕔13:08, 28.08.2020 ✔208

Айрим оилаларда пайдо бўладиган жанжаллар яхшилаб ўйлаб кўрилса, ўта оддий, арзимас сабаблардан келиб чиққан бўлади.
 

Батафсил
ДУНЁНИ КИПРИКДА КЎТАРГАН ОНАМ

ДУНЁНИ КИПРИКДА КЎТАРГАН ОНАМ

🕔10:12, 17.08.2020 ✔357

Мен на шоир, на ёзувчи, на хонандаман. Юртимизнинг олис қишлоқларида яшовчи муштипар бир онанинг фарзанди сифатида юрагимнинг қатларига яширганим, ҳеч кимга, ҳатто, онажонимга ҳам айтолмаган қалб сўзларимни сизга илингим келди.
 

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • АЁЛ КИШИНИНГ МАРТАБАСИ

    АЁЛ КИШИНИНГ МАРТАБАСИ

    Кўнглимдан кечган бу ўй-фикрларимни муҳтарама опа-сингилларимга атадим. Зеро, мен англаб етган ҳақиқат шуки, ҳаётда аёл киши учун энг улуғ мартаба, энг катта бахт бу – аёллик саодатини ҳис қилиб яшаш экан.
     

    ✔ 200    🕔 13:10, 28.08.2020
  • ОИЛАДАГИ АҲИЛЛИК шукр ва қаноат қилишга боғлиқ

    ОИЛАДАГИ АҲИЛЛИК шукр ва қаноат қилишга боғлиқ

    Айрим оилаларда пайдо бўладиган жанжаллар яхшилаб ўйлаб кўрилса, ўта оддий, арзимас сабаблардан келиб чиққан бўлади.
     

    ✔ 208    🕔 13:08, 28.08.2020
  • ДУНЁНИ КИПРИКДА КЎТАРГАН ОНАМ

    ДУНЁНИ КИПРИКДА КЎТАРГАН ОНАМ

    Мен на шоир, на ёзувчи, на хонандаман. Юртимизнинг олис қишлоқларида яшовчи муштипар бир онанинг фарзанди сифатида юрагимнинг қатларига яширганим, ҳеч кимга, ҳатто, онажонимга ҳам айтолмаган қалб сўзларимни сизга илингим келди.
     

    ✔ 357    🕔 10:12, 17.08.2020
  • «ОТАНГ КЕЛСИНЛАР, БОЛАМ,  кейин овқатланамиз»

    «ОТАНГ КЕЛСИНЛАР, БОЛАМ, кейин овқатланамиз»

    Оила деб аталмиш ҳаёт мактабида ўқитувчи «роли» асосан эркак киши зиммасига тушади. Тўғри, оилада аёл кишининг ҳам ўрни беқиёс. Аммо ўша ўриннинг беқиёслиги ҳам эркакка боғлиқ. Ҳаётда ўз «рол»ини ақл ва маҳорат билан ўйнаган эркакка ҳаётнинг ўзи «оила устуни», «суюкли ёр», «севимли дадажон», «жонажон бобожон» унвонларини бериб қўяди.
     

    ✔ 359    🕔 10:11, 17.08.2020
  • «УНИ АСРАНГ, УНИ АВАЙЛАНГ»

    «УНИ АСРАНГ, УНИ АВАЙЛАНГ»

    бозорда сотилмайди, тиллога топилмайди

    Инсон ҳаётда ҳаракат қилиб ҳамма нарсага эришиши мумкин, дейишади. Лекин неча йиллардан буён фарзанд умидида юрган инсоннинг қалб малҳами бормикан?..

    ✔ 522    🕔 13:45, 25.07.2020
Ҳаммасини кўриш 

Фойдали манбаалар