Туризм      Бош саҳифа

Сурхоннинг санъат кошонаси

Бу ерда македониялик Александрга тегишли бўлган ваннани ҳам учратиш мумкин.

Сурхоннинг санъат кошонаси

Яқинда йўлим Сурхон томонларга тушди. Дастлаб, Амударё соҳилида жойлашган Ат-Термизий мақбарасини ҳамда унга туташ қадимий кент харобаларини томоша қилдим. Ушбу манзилдаги қалъа қолдиқлари ҳамда бошқа осори-атиқалар кишини мозий сари етаклайди. Зиёратдан сўнг Термиз археология музейига бордим. Санъат кошонаси экспонатларга жуда бой. Уларнинг «мағзини чақиш»ни ҳамма ҳам эплайвермайди.

Музей Сурхон заминидаги Тешиктош ғори, Мачай ғори ва Термиз харобаларидан топилган етти юздан ортиқ археологик ёдгорликлар билан тўлиб-тошган. Музей икки қаватдан иборат бўлиб, биринчи қаватда экспонатлар, иккинчи қаватда хронологик тартибда жойлаштирилган тўққизта осори-атиқа ўрин олган. Айниқса, тош ва бронза даври, Бақтирия маданияти, Грек-Бақтирия даврларига оид экспонатлар ёнида узоқ туриб қолишингиз аниқ. 85 минг 881 та экспонатнинг 26 минг 526 таси тангалардан иборат. Ўзида 17 мингта нодир китобларни жамлаган шарқона кутубхонани ҳам бой хазинага қиёслаш мумкин. Умуман, бу сингари ноёб экспонатларни кўргани уммон ортидан ҳам кўплаб сайёҳлар келади. Япониянинг Решол университети олимлари мазкур музей ҳамда Қоратепа сингари ёдгорликлар жойлашган ҳудудларда ҳам изланишлар олиб борган.

Музей залларини айланиб юрганимда, унча катта бўлмаган ванна тоғораси эътиборимни тортди. Буни сезган музей ходимаси тушунтира кетди. Унинг айтишича, мазкур ванна тоғораси македониялик Александрга тегишли бўлган экан. Ванна чидамли металдан ясалгани туфайли шу кунга қадар етиб келган.

Етмишинчи йилларда Далварзинтепада олтин хазинаси ва унинг яқинидан Будда иншооти топилган эди. У жойдан чиққан ноёб ҳайкаллар кўпгина хорижлик олимлар сингари япон профессори Кюдзо Катони ҳам қизиқтириб қўйган. Буддавийлик даври акс этган осори-атиқалар ер юзида ниҳоятда кам учрайди. Ростдан ҳам, улардаги манзаралар, кўринишлар, турфа хил буюмлар нафақат юртимиз ўтмиши, эҳтимол қатор давлатларнинг қадимги ҳаёти, турмуши, анъана ва урф-одатлари ҳақида қимматли маълумотлар беради. Бир вақтлар қадимшунослар томонидан ноёб металдан ишланган ванна тоғораси топилганининг ўзиёқ дунёда катта шов-шувга сабаб бўлган эди. Денов туманидаги Холчаён қишлоғидан кавлаб олинган ажойиб нақшлар билан безатилган сарой биноси экспонатлари ҳам музей залларини тўлдириб турибди.

 

Улуғбек ЖУМАЕВ




Ўхшаш мақолалар

Ахсикентнинг учар арғумоқлари

Ахсикентнинг учар арғумоқлари

🕔11:30, 26.04.2019 ✔110

Санкт-Петербургнинг марказида, мавжланиб оқаётган Нива дарёси соҳилидаги хиёбонни кезиш одамга ўзгача кайфият бағишлайди. 

Батафсил
Боғишамолдаги бебаҳо жавоҳир

Боғишамолдаги бебаҳо жавоҳир

🕔12:01, 07.03.2019 ✔191

Андижоннинг Боғишамол ҳудуди ўзининг тоза ҳавоси ҳамда хушманзара табиати билан Хуросондан тортиб, Чин ўлкасига қадар машҳур. Ундаги баландликка чиқиб бориш учун хийла тер тўкишга тўғри келади. Тепаликдан хур-хур шабада эсиб туради. Юқори нуқтадан узоқ-узоқлардаги қишлоқлар кафтдек кўзга ташланади.

Батафсил
«Илон ўтди» дараси  ёки Амир Темур дарвозаси

«Илон ўтди» дараси ёки Амир Темур дарвозаси

🕔16:08, 22.02.2019 ✔239

Жиззах заминидан кўҳна Буюк Ипак йўли ўтгани учун ҳам мазкур кент жаҳон тамаддунида жуда катта аҳамият касб этиб келган. 

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Ахсикентнинг учар арғумоқлари

    Ахсикентнинг учар арғумоқлари

    Санкт-Петербургнинг марказида, мавжланиб оқаётган Нива дарёси соҳилидаги хиёбонни кезиш одамга ўзгача кайфият бағишлайди. 

    ✔ 110    🕔 11:30, 26.04.2019
  • Боғишамолдаги бебаҳо жавоҳир

    Боғишамолдаги бебаҳо жавоҳир

    Андижоннинг Боғишамол ҳудуди ўзининг тоза ҳавоси ҳамда хушманзара табиати билан Хуросондан тортиб, Чин ўлкасига қадар машҳур. Ундаги баландликка чиқиб бориш учун хийла тер тўкишга тўғри келади. Тепаликдан хур-хур шабада эсиб туради. Юқори нуқтадан узоқ-узоқлардаги қишлоқлар кафтдек кўзга ташланади.

    ✔ 191    🕔 12:01, 07.03.2019
  • «Илон ўтди» дараси  ёки Амир Темур дарвозаси

    «Илон ўтди» дараси ёки Амир Темур дарвозаси

    Жиззах заминидан кўҳна Буюк Ипак йўли ўтгани учун ҳам мазкур кент жаҳон тамаддунида жуда катта аҳамият касб этиб келган. 

    ✔ 239    🕔 16:08, 22.02.2019
  • Улоқни учирган қуюн

    Улоқни учирган қуюн

    Қулқудуқ овулида Тулкибой чолнинг ҳангисига етадигани йўқ. Жониворнинг жуссаси анча йирик, салкам отдай келади.

    ✔ 248    🕔 23:24, 06.02.2019
  • Писта чақар балиқлар

    Писта чақар балиқлар

    Баъзида табиат ишига қойил қолмасдан илож йўқ. 

    ✔ 258    🕔 11:10, 31.01.2019
Ҳаммасини кўриш 

Фойдали манбаалар