Жиноят ва жазо      Бош саҳифа

Еттинчи пушаймон

Яна у суднинг қора курсисида ўтирибди. Демак, илгари содир этган жиноятларидан тўғри хулоса  чиқармаган...

Кўпчилик жиноятлар сабабини тарбия билан боғлайди. Албатта, бу фикрда жон бор: ахлоқсиз одамда жиноятга мойиллик кўпроқ бўлади.

Яқинда бир жиноят ишини Зангиота туман ИИБ биносида ­сайёр суд тартибида кўриб чиқишга тўғри келди. Айбланувчи бундан олдин олти марта — 1985, 1992, 2000, 2002, 2008, 2010 йилларда турли жиноят содир этиб, судланган, умрининг саккиз йилини панжара ортида ўтказган. Эътибор беринг, олти марта-я?!

Бундан ташқари, ўша йилларда яна 1 йилу 6 ой синов муддати, 3 йил муддатга ахлоқ тузатиш ишлари жазосини ҳам олган.

Афсуски, шундан кейин ҳам у тавба қилиб, тўғри йўлга қайтмаган. Яна суднинг қора курсисида ўтирибди. Демак, илгари содир этган жиноятларидан тўғри хулоса  чиқармаган...

...2017 йил 5 декабрь. Зангиота тумани ИИБ ходимларига тезкор маълумот келиб тушади. Шунга кўра, профилактика инспектори шошилинч равишда Ғани Алиевнинг (исм-фамилия ўзгартирилган) уйига етиб боради. Инспектор Ғанидан наша истеъмол қилган ёки қилмаганини сўрайди. У эса, нашани қовурилган ҳолда истеъмол қилганини айтади. Ҳеч тап тортмай, дадил берилган жавобдан сўнг ички ишлар ходимининг тегишли чорани қўллаши натижасида икки нафар холис қўшни иштирокида Ғани Алиевнинг хонадонида тинтув ўтказилади. Тинтув давомида қора елим халтада қовурилган наша ўсимлиги  топилади. Гумонланувчи ушбу гиёҳванд моддани ўзининг эҳтиёжи учун сақлагани ва уни истеъмол қилиб юришини айтади.

Ғанидан уйда яна шунга ўхшаш гиёҳванд моддалар бор-йўқлиги тўғрисида сўралганда, у  ётоқхонасига яшириб қўйган қозонни кўрсатади. Қозондан эса, тахминан 30-40 грамм миқдорда қовурилган гиёҳванд модда чиқади.  Бундан ташқари, хонада 30 грамм оғирликда наша ўсимлигининг уруғи сақланаётгани ошкор бўлади.

Суриштирув давомида Ғани Алиевнинг иқрор бўлишича, уйида сақланаётган гиёҳванд моддани дала жойларида қуриб қолган ёввойи наша ўсимлигидан териб олган экан. У қовурилган ва майдаланган нашани тахминан ўн йилдан буён истеъмол қилиб келган. Бу моддадан бошқаларга бермаган ёки сотмаган. Суд жараёнида қилмишидан пушаймон эканини билдирди. Айбига тўлиқ иқрорлиги, II гуруҳ ногирони эканини инобатга олиб,  имкон қадар енгил жазо беришни сўради.    

Аслида бундай такрор ва такрор жиноят содир этган шахсга қандай жазо турини қўллаш ҳақида бир тўхтамга келиш қийин. Чунки, биринчи бор жазоланмаяпти-да!

Ғани Алиевга уч йил озодликни чеклаш жазоси қўлланилди. У сутканинг кечки соат 20:00 дан тонгги 6 гача бўлган вақтида яшаш жойидан чиқиши чекланди. Шу вақт давомида оммавий тадбирларда қатнашолмайди. Алкоголь ичимликлар истеъмол қилиш буткул тақиқланди. Алоқа воситаларидан, жумладан, интернетдан фойдаланиш ҳам мумкин эмас. Яна унга нисбатан маҳкумларни назорат қилувчи органнинг розилигисиз, яшаш жойини ўзгартирмаслик ҳамда ҳудудидан ташқарига чиқмаслик каби қўшимча чеклашлар қўлланилди. 

Халқимизда оғзи куйган қатиқни ҳам пуфлаб ичади, деган гап бор. Юқорида жиноий иши кўрилган фуқаро ҳам, гарчи оғзи бир неча марта куйган бўлса-да, тўғри йўлга қайтмаган. Кўр ҳассасини бир марта йўқотади, деган гапга амал қилмаган бу одам ё чин пушаймонлик билан тўғри йўлга қайтади ёки букрини гўр тўғрилайди.

 

Абдулла ТУРАПОВ,

Жиноят ишлари бўйича

Оҳангарон шаҳар суди раиси




Ўхшаш мақолалар

Бешик йиғлаган оқшом

Бешик йиғлаган оқшом

🕔17:39, 11.10.2018 ✔36

Она қорнига сиққан, тор бешикка сиққан, аммо кенг дунёга сиғмаган бадбахт болалар!

Батафсил
Еттинчи пушаймон

Еттинчи пушаймон

🕔17:38, 11.10.2018 ✔25

Яна у суднинг қора курсисида ўтирибди. Демак, илгари содир этган жиноятларидан тўғри хулоса  чиқармаган...

Батафсил
Баднафслик тузоғи

Баднафслик тузоғи

🕔11:42, 06.09.2018 ✔106

Ўз нафсини Ватан мудофаасидан устун қўйганлар қилмиши.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

Ҳаммасини кўриш 

Фойдали манбаалар