Туризм      Бош саҳифа

«Асакада «Чўнтак» чойхона...

Девзирани йигирма тўрт хил усулда дамлашни ким билади?

«Асакада «Чўнтак» чойхона...

Ҳарбий хизматдаги дўстим Сарваржон қўнғироқ қилиб, укасининг тўйига таклиф қилди. Тўй яхши ўтди, дастурхон тўкин-сочин бўлди. Эртасига мезбонлар мени қўярда-қўймай, далага бошлади. Сўрасам: «Андижонга қадам ранжида қилган меҳмон, албатта, Асакадаги машҳур «Чўнтак» чойхонасини бир бор кўриши керак», деб қўйди.

«Чўнтак» шаҳарнинг энг баланд нуқтасида бўлиб, бу жойдан пастдаги қишлоқлар аниқ-тиниқ кўриниб тураркан. Чойхонага туташ маданият ва истироҳат боғининг шундоқ ёнидан Шаҳрихонсой оқиб ўтади. Бу сокин ва бир қадар тинч гўшага ташриф буюрувчилар кўп. Ёзнинг иссиқ кунларида ҳам бу ерда ҳарорат анча паст бўларкан. Доим ғир-ғир шабада эсиб туради.

Ана шу жойда девзира гуручдан ош дамлаб, меҳмоннинг кўнглини олиш, хушнуд этиш азалий одат. Бу жой тарихи узоқ мозийга бориб тақалади. «Чўнтак»нинг моҳир ошпазига, қозон-товоғи, ўтин-чўпи, масаллиғи, суви-ю табиатигача — бари-барисига Аллоҳнинг назари тушган, дейишади. Чиндан ҳам, ошнинг мазасига гап йўқ. Фақат ўзига ишонган пазанда қўлига капгир олиб ош дамлашга журъат эта олади. Ҳатто, девзирани йигирма тўрт хил усулда дамлаш ҳам фақат «Чўнтак» ошпазининг қўлидан келаркан. Ҳар йили бу сўлим гўшада «Ош сайли»ни ўтказиш анъана тусини олган.

«Чўнтак» чойхонаси жойлашган ва маҳаллий халқ орасида Хонсупа деб юритиладиган тепалик акс этган тасвир Буюк Британиядаги музейлардан бирида сақланмоқда. XVIII аср бошларида номаълум муаллиф томонидан яратилган мазкур тасвир энди «Чўнтак» чойхонаси тўридан жой олган. Маҳаллий ва хорижлик саёҳатчиларни ана шу тасвир ўзига оҳанрабодек тортса, қозон остига ўтин қалаб пиширилган ошнинг мазаси оғиздан кетмайди. Сайёҳлар паловнинг тайёрланишини бошдан охирига қадар катта қизиқиш билан кузатадилар. Биз Америка, Хитой, Бразилиядан ош егани келган сайёҳларни ҳам учратдик. Улар ошда халқнинг миллийлиги акс этиб туришини, ажойиб ва бетакрор таъмни туюшганини қайд этадилар. Агар мижоз хоҳласа, моҳир ошпазлар майизли, нўхатли, қази-қартали, пўстдумбали паловларни ҳам бир зумда пишириб беради. Сайёҳларни айнан шу кўпроқ қизиқтиради.

 

Улуғбек АКТАМОВ




Ўхшаш мақолалар

Боғишамолдаги бебаҳо жавоҳир

Боғишамолдаги бебаҳо жавоҳир

🕔12:01, 07.03.2019 ✔46

Андижоннинг Боғишамол ҳудуди ўзининг тоза ҳавоси ҳамда хушманзара табиати билан Хуросондан тортиб, Чин ўлкасига қадар машҳур. Ундаги баландликка чиқиб бориш учун хийла тер тўкишга тўғри келади. Тепаликдан хур-хур шабада эсиб туради. Юқори нуқтадан узоқ-узоқлардаги қишлоқлар кафтдек кўзга ташланади.

Батафсил
«Илон ўтди» дараси  ёки Амир Темур дарвозаси

«Илон ўтди» дараси ёки Амир Темур дарвозаси

🕔16:08, 22.02.2019 ✔85

Жиззах заминидан кўҳна Буюк Ипак йўли ўтгани учун ҳам мазкур кент жаҳон тамаддунида жуда катта аҳамият касб этиб келган. 

Батафсил
Улоқни учирган қуюн

Улоқни учирган қуюн

🕔23:24, 06.02.2019 ✔96

Қулқудуқ овулида Тулкибой чолнинг ҳангисига етадигани йўқ. Жониворнинг жуссаси анча йирик, салкам отдай келади.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Боғишамолдаги бебаҳо жавоҳир

    Боғишамолдаги бебаҳо жавоҳир

    Андижоннинг Боғишамол ҳудуди ўзининг тоза ҳавоси ҳамда хушманзара табиати билан Хуросондан тортиб, Чин ўлкасига қадар машҳур. Ундаги баландликка чиқиб бориш учун хийла тер тўкишга тўғри келади. Тепаликдан хур-хур шабада эсиб туради. Юқори нуқтадан узоқ-узоқлардаги қишлоқлар кафтдек кўзга ташланади.

    ✔ 46    🕔 12:01, 07.03.2019
  • «Илон ўтди» дараси  ёки Амир Темур дарвозаси

    «Илон ўтди» дараси ёки Амир Темур дарвозаси

    Жиззах заминидан кўҳна Буюк Ипак йўли ўтгани учун ҳам мазкур кент жаҳон тамаддунида жуда катта аҳамият касб этиб келган. 

    ✔ 85    🕔 16:08, 22.02.2019
  • Улоқни учирган қуюн

    Улоқни учирган қуюн

    Қулқудуқ овулида Тулкибой чолнинг ҳангисига етадигани йўқ. Жониворнинг жуссаси анча йирик, салкам отдай келади.

    ✔ 96    🕔 23:24, 06.02.2019
  • Писта чақар балиқлар

    Писта чақар балиқлар

    Баъзида табиат ишига қойил қолмасдан илож йўқ. 

    ✔ 113    🕔 11:10, 31.01.2019
  • Айдаркўл — Қизилқум денгизи

    Айдаркўл — Қизилқум денгизи

    Ўтган аср бошларида  «Катта тузли кўл», «Тузкон», деган номлар билан юритиб келинган Айдаркўлни бугунги кунда кўпчилик Қизилқум денгизи дея таърифлайди.

    ✔ 196    🕔 09:07, 21.12.2018
Ҳаммасини кўриш 

Фойдали манбаалар