Мустаҳкам оила      Бош саҳифа

Оилабоши ғўр бўлса, турмуш қандай кечади?

Уларни яраштириш фақат маърузабозлик билан бўлиши керак эмас.

Оилабоши ғўр бўлса, турмуш қандай кечади?

Эшик қўнғироғи чалинди. Тун бўйи ишда навбатчилик қилган эр ҳориб уйга келди. Икки нафар жажжи боласининг инжиқликларидан асаби таранглашган аёл эса, бор аламини турмуш ўртоғидан олмоқчи бўлиб, рўзғордаги кам-кўстдан, муаммолардан гапира кетди. Силласи қуриган одамга икир-чикир гап малол келади. Хотиннинг эса, куюниб гапирган сўзларини эшитиб, эътиборсиз ҳолда ёнбошлаганча уйқуга кетган эрдан роса жаҳли чиқди. Ўзига-ўзи: «Ҳамма чоп-чоп, рўзғор менинг зиммамда экан-да. Болаларига бирозгина қарай демайди-я. Камига, инқиллаб бозорликни ҳам ўзим қиламан. Дардимни айтсам, эшитмайди», дея ғудранди...

Бундай гап-сўзлар ва гиналардан кейин аёл ва эркак ўртасидаги муносабатларга ҳам совуқчилик оралайди. Қарабсизки, кечагина не-не орзу-умидлар билан оила қурган икки инсоннинг бир-биридан кўнгли совийди. Гап талашади, тортишади. Жамиятнинг энг катта иллатларидан бири бўлган ажримларга ҳам кўпинча мана шундай кўз илғамайдиган арзимас сабаблар олиб келади.

Психологларнинг таъкидлашича, оилавий турмушнинг дастлабки беш-олти йили эр-хотиннинг бир-бирига мослашиш даври ҳисобланар экан. Шунинг учун ҳам улар ўртасида турли келишмовчилик, низоли ҳолатлар тез-тез учраб тураркан. Бундай синовли даврдан муваффақиятли ўтган жуфтлар кейинчалик ўзаро келишиб, бахтли яшаб кетишлари тажрибада кўп кузатилган ҳолат. Айнан шу нуқтаи назардан ҳам ота-оналар эндигина турмуш қурган фарзандларининг оилавий муносабатларида муҳим роль ўйнайди. Маслаҳатини аямайди, йўл-йўриқ кўрсатади. Жамиятимизда ҳам, айниқса, ёш оилаларнинг оёққа туриб кетиши, муаммоларига кўмаклашишга катта эътибор қаратилади. Имтиёзли ипотека, истеъмол кредитлар ажратилиши ана шундай хайрли мақсадга қаратилгани билан аҳамиятлидир.

Маълумотларга кўра, бугунги кунда юртимиздаги ёш оилалар сони 1 миллион 793 мингдан ортиқни ташкил этади. Шу боис уларнинг манфаатларини ҳимоя қилиш, қўллаб-қувватлашга устувор аҳамият берилмоқда. Янги ташкил этилаётган «Ёш оилаларга Ўзбекистон ёшлар иттифоқининг кўмаги» лойиҳаси ҳам ана шундай ғамхўрликнинг яна бир намунаси бўлди.

Ўзбекистон ёшлар иттифоқи марказий кенгашидан маълум қилишларича, ёшлар ўртасидаги эрта никоҳ, эрта туғуруқ ҳамда оилавий ажримларнинг олдини олишга қаратилган мажмуавий чора-тадбирлар мамлакатимизнинг барча ҳудудларида тизимли амалга оширилади. Хусусан, ёш оилалар ўртасида маънавий-ахлоқий муҳитни соғломлаштириш, низоли ҳолатларга барҳам бериш, оилавий муносабатларни мустаҳкамлаш ва менталитетимизга зид бўлган турли ёт хавф-хатарлар олдини олиш мақсадида нотинч ва муаммоли, айниқса, оғир ижтимоий аҳволга тушиб қолган ёш оилалар билан алоҳида суҳбатлар ташкил этилиб, уларга амалий ёрдам кўрсатилади. Қолаверса, ёшларни оилавий ҳаётга тайёрлаш, намунали оилани шакллантириш, унинг маънавий-ахлоқий негизлари ва анъанавий оилавий қадриятларини ёшлар онгига сингдириш мақсадида «Соғлом оила — соғлом жамият» концептуал ғояси асосида манзилли тарғибот тадбирларини ўтказиш кўзда тутилган.

— Мақсадимиз ёшларни онгли равишда оилага тайёрлаш, ҳар бир ёш оиланинг муаммоларига имкон қадар ечим топишга ёрдам бериш, уларни қўллаб- қувватлашдир, — дейди Ўзбекистон ёшлар иттифоқи Жиззах вилоят кенгаши Ёш оилалар билан ишлаш бўлими масъул ходими Ойдин ЭГАМҚУЛОВА. — Бахтли оилаларимиз кўпайса, жамиятимиз фаровонлиги янада ошади. Бу масъулиятли вазифани бажариш бизнинг зиммамизга ҳам катта масъулият юклайди.  

Дарҳақиқат, катта ҳаёт остонасида турган ҳар бир ёш учун мутахассис кўмаги жуда муҳим. Айниқса, психологнинг оилавий муносабатларни тўғри йўлга қўйиш борасидаги маслаҳати эндигина турмуш қурган келин-куёв учун жуда катта мактаб демакдир. Агар оилада ўзаро келишув, бир-бирини тушуниш, ҳурмат бўлмас экан, бахтга эришиш мушкул. Бу каби тушунчаларни эса, баъзан яқинларимиздан кўра, ўз соҳасининг устаси тўғри ва таъсирчанроқ тушунтириб бера олади. Масаланинг айни шу жиҳатлари инобатга олиниб, ёш оилаларга юридик ва психологик маслаҳатлар бериш мақсадида ҳафтада бир марта психолог ҳамда ҳуқуқшунослар қабули ташкил этиладиган бўлди.

Баъзан мутасадди ташкилотлар ташаббуси билан ўтказиладиган тадбирларда кўтарилган масалалар, уларнинг ечимига доир вазифалар ижроси қоғозларда қолиб кетади ёки хўжакўрсинга ҳар замонда бир эслаб қўйилади, холос. Агар жуда долзарб саналган мавзуга виждонан ёндашиб, ҳаракат қилинса, албатта, ўзининг ижобий натижасини кўрсатиши аниқ. Бунинг учун ёш оилаларни бир жойга йиғиб, маърузабозлик қилишдан ташқари, хонадонига ҳам кириб, шарт-шароити билан танишиш, лозим бўлса, турмуш тарзини кузатиш ҳам керакдир эҳтимол.   

Биз кўпинча ташқаридан туриб хулоса чиқаришга, масалага юзаки баҳо беришга ўрганиб қолганмиз. Сўзимиз аввалида айтганимиздек, ишни, аввало, йигит ва қизларни турмушга тайёрлашдан бошлаш зарур, назаримизда. Ҳар бир ёш ўзининг оиладаги вазифа ва бурчлари нимадан иборат эканини чуқур англаб етсагина, ортиқча гап-сўзга ҳожат қолмайди. Айниқса, бу борада йигитларнинг билимини бойитиш, оилавий шароитга доир қарашларини теранлаштиришга эҳтиёж тобора ортмоқда.

Ёшлар иттифоқи юртимиз ёшларини бирлаштирадиган катта куч, йирик тузилма сифатида масаланинг айни шу жиҳатига ҳам эътибор қаратиши мақсадга мувофиқ, деб ўйлаймиз. Зеро, оилабошилар деганимиз ўз оиласи, турмуш ўртоғи ва фарзанди олдидаги масъулиятни ҳис этган эркаккина ортиқча муаммога ўрин қолдирмайди.    

 

Шаҳноза РАҲИМХЎЖАЕВА,

«Оила даврасида» мухбири




Ўхшаш мақолалар

МУРОСА – ТОТУВЛИК КАФОЛАТИ

МУРОСА – ТОТУВЛИК КАФОЛАТИ

🕔11:13, 27.05.2020 ✔64

Шунақа экан – Бағдод туманининг Қирқволида маҳалласида яшовчи Мусаевлар оиласининг бошлиғи айтди шу гапни! Иймани-и-и-иб ўтирмади, ҳижолат тортмади, қандай тушунаркин, деб ўйламадиям. Шартта айтди-қўйди: «Гоҳида янгангизнинг гапигаям хўп деймиз, сизники маъқул, деймиз. Хонадонимиздаги файз, тинчлик-тотувликнинг сабаби – шу», дейди Мўминжон ака.
 

Батафсил
Оилаларни ажратаётган учунчи қўл

Оилаларни ажратаётган учунчи қўл

🕔10:26, 13.03.2020 ✔1119

— Шерзод, икки кундан бери нега мактабга бормаяпсан? Ёки дарслар ёқмаяптими?..
Аввалига у бироз жим қолади, саволга жавоб бергиси келмайди. Лекин яна нимадандир ташвишланиб, бошини эгганича секин гап бошлайди:

Батафсил
ҚАЙНОНА-КЕЛИН МУНОСАБАТЛАРИНИНГ ХОРАЗМЧА «ДЕМОКРАТИЯСИ»

ҚАЙНОНА-КЕЛИН МУНОСАБАТЛАРИНИНГ ХОРАЗМЧА «ДЕМОКРАТИЯСИ»

🕔14:45, 29.12.2019 ✔2638

Бугунги кунда қайнона-келин муносабатлари жуда катта ижтимоий муаммога айлангандек гўё. Буни телесериаллар ва телекўрсатувларнинг кундалик мавзуси бўлиб қолаётганидан ҳам англаш мумкин. Айрим телелавҳалар кўп жойларда келинларга хизматкор сифатида қаралаётганини яққол кўрсатиб қўймоқда. Келинларнинг эри, қайнота ва қайнонасига тавозе билан чой қуйиб узатиши, қўлларига сув қуйиши каби одатлар миллатимизга шу қадар сингиб кетганки, бунинг туб негизида «зулм» борлигини, афсуски кўпчилик англаб етмайди.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • МУРОСА – ТОТУВЛИК КАФОЛАТИ

    МУРОСА – ТОТУВЛИК КАФОЛАТИ

    Шунақа экан – Бағдод туманининг Қирқволида маҳалласида яшовчи Мусаевлар оиласининг бошлиғи айтди шу гапни! Иймани-и-и-иб ўтирмади, ҳижолат тортмади, қандай тушунаркин, деб ўйламадиям. Шартта айтди-қўйди: «Гоҳида янгангизнинг гапигаям хўп деймиз, сизники маъқул, деймиз. Хонадонимиздаги файз, тинчлик-тотувликнинг сабаби – шу», дейди Мўминжон ака.
     

    ✔ 64    🕔 11:13, 27.05.2020
  • Оилаларни ажратаётган учунчи қўл

    Оилаларни ажратаётган учунчи қўл

    — Шерзод, икки кундан бери нега мактабга бормаяпсан? Ёки дарслар ёқмаяптими?..
    Аввалига у бироз жим қолади, саволга жавоб бергиси келмайди. Лекин яна нимадандир ташвишланиб, бошини эгганича секин гап бошлайди:

    ✔ 1119    🕔 10:26, 13.03.2020
  • ҚАЙНОНА-КЕЛИН МУНОСАБАТЛАРИНИНГ ХОРАЗМЧА «ДЕМОКРАТИЯСИ»

    ҚАЙНОНА-КЕЛИН МУНОСАБАТЛАРИНИНГ ХОРАЗМЧА «ДЕМОКРАТИЯСИ»

    Бугунги кунда қайнона-келин муносабатлари жуда катта ижтимоий муаммога айлангандек гўё. Буни телесериаллар ва телекўрсатувларнинг кундалик мавзуси бўлиб қолаётганидан ҳам англаш мумкин. Айрим телелавҳалар кўп жойларда келинларга хизматкор сифатида қаралаётганини яққол кўрсатиб қўймоқда. Келинларнинг эри, қайнота ва қайнонасига тавозе билан чой қуйиб узатиши, қўлларига сув қуйиши каби одатлар миллатимизга шу қадар сингиб кетганки, бунинг туб негизида «зулм» борлигини, афсуски кўпчилик англаб етмайди.

    ✔ 2638    🕔 14:45, 29.12.2019
  • ОИЛА БАХТИ – ЖАМИЯТ БАХТИ

    ОИЛА БАХТИ – ЖАМИЯТ БАХТИ

    оила муаммоси – жамият аъзолари, яъни барчамизнинг муаммомиздир

    ✔ 3434    🕔 17:40, 29.11.2019
  • «ИБРАТЛИ  ОИЛА» ҒОЛИБИ МИСРГА  САЁҲАТ  ҚИЛАДИ

    «ИБРАТЛИ ОИЛА» ҒОЛИБИ МИСРГА САЁҲАТ ҚИЛАДИ

    Бугун давр биздан оила институтини мустаҳкамлаш масалаларига чуқур илмий ёндашувни, соҳада илмий-тадқиқот муассасалари ва жамоат ташкилотлари билан яқин амалий ҳамкорликда иш олиб боришни талаб этмоқда. 

    ✔ 3500    🕔 17:39, 29.11.2019
Ҳаммасини кўриш 

Фойдали манбаалар