Спорт      Бош саҳифа

Орзулар рўёби сари йўл

Биргина инсон сабаб жамиятда кўпчиликнинг ҳаёти ўзгариб кетиши мумкин. Айниқса, катта ютуқларни қўлга киритаётган, ўз муваффақиятлари билан юрт байроғини халқаро майдонларда юқори кўтараётган иқтидор ва маҳорат эгаларининг ёшларга кўрсатадиган таъсири жуда катта.

Орзулар рўёби сари йўл

Ҳавас ва ижобий маънодаги тақлид сабаб ўз йўлини топганлар ҳам анчагина. Айниқса, спорт ана шу яхши маънодаги тақлидда ўзига хос ўрин эгаллайди. 

2008 йил 8 август — дзюдочимиз, икки карра жаҳон чемпиони, уч карра Олимпия ўйинлари совриндори Ришод Собиров Хитойнинг Пекин шаҳрида ўтган ёзги Олимпия ўйинларида жамоамиз ҳисобига мусобақалардаги биринчи медални тақдим этган эди. Бу қувончли хабар Сарварнинг спортга бўлган меҳри янада аланга олишига сабаб бўлди.

Боладаги қизиқиш ва ҳавасни кўрган ота-онаси Сарварни Навоий вилояти Қизилтепа туманидаги 20-умумий ўрта таълим мактаби томон етаклаб борди. Бу ерда у биринчи мураббийи Нурмурод Тоировдан кураш спорт тури сирларини ўргана бошлади. Сарварнинг катта спортга кириб келиши мана шу нуқтадан бошланди.

Кейинчалик у ўқишни Навоий олимпия заҳиралари коллежида давом эттирди. Устозлари кўмаги билан белбоғли кураш, миллий кураш ва дзюдо бўйича турли нуфузли мусобақаларда қатнашиб, мунтазам равишда шоҳсупаларга кўтарила бошлади.

2015 йилнинг сентябрь ойи унинг ҳаётида янги саҳифани очиб берди. Сарвар Икромов Ўзбекистон давлат жисмоний тарбия ва спорт университети талабаси бўлди. Энди унга болаликда чиқишларини кўриб завқ олгани, «Худди унингдек дзюдочи бўламан», дегани Ришод Собиров мураббийлик қила бошлади. Орзулар ушалади, деганлари шу бўлса керак-да. Шу билан бирга, университетда унга Баҳодир Узакберганов ҳам мураббийлик қилиб келмоқда. Айни вақтда Сарвар Икромов шу университетнинг 4-курсида таҳсил олмоқда.

Сарвар Икромов ҳисобида мамлакатимизда ўтказилган турли мусобақалардан ташқари чет давлатларда ҳам бўлиб ўтган турнир ва чемпионатларда эришилган ютуқлар бисёр. У 2013 йилда белбоғли кураш бўйича Татаристоннинг Нижнекамск шаҳрида ўтказилган ёшлар ўртасидаги мусобақада 3-ўринни, 2016 йилда миллий кураш бўйича Ҳиндистоннинг Кочи шаҳрида ёшлар ўртасида ўтказилган VIII жаҳон чемпионатида 2-ўринни эгаллаган. Ютуқлари орасида 2016 йилда Чирчиқ шаҳрида ўтказилган Осиё кубоги баҳсларининг 3-ўрини учун берилган медаль ҳам бор.

Шу билан бирга, Сарвар Икромов спортнинг «Қозоқ кураши» тури билан ҳам шуғулланиб келмоқда. Бу борада ҳам совринлар ўзини кўп куттирмади. Жорий йилнинг 26 августида Қозоғистоннинг Астана шаҳрида ўтказилган Осиё чемпионатидаги 3-ўрин ва 2-8 сентябрь кунлари Қирғизистоннинг Чўлпонота шаҳрида ўтказилган Бутунжаҳон кўчманчи халқлар ўйинларидаги 2-ўрин сўзимизнинг исботидир.

 

Алишер УМЕДОВ




Ўхшаш мақолалар

«Буви дейсизми, унда етиб олинг!»

«Буви дейсизми, унда етиб олинг!»

🕔13:05, 16.11.2018 ✔15

У айни пайтда 43 ёшда. Шунга қарамай, ҳамон спортда: профессионал фаолиятини давом эттирмоқда. Айримлар «Спортда барча нарсага эришгансиз, нега ҳанузгача гимнастикадасиз?» деб сўраганида, доим битта гапни айтади: «Шунчаки менга ёқади!»  

Батафсил
Қиличбозларимиз «санчиб» қўйишга тайёрми?

Қиличбозларимиз «санчиб» қўйишга тайёрми?

🕔13:03, 16.11.2018 ✔13

Машҳур қиличбозларнинг эътироф этишича, ушбу спорт ва «ақл гимнастикаси» ўртасида ўхшаш жиҳатлар кўп.

Батафсил
Мағлубият ва муваффақият ораси

Мағлубият ва муваффақият ораси

🕔16:28, 08.11.2018 ✔33

Баъзан турли ташвишлардан чарчаб, ўзингизни чалғитиш мақсадида ойнаи жаҳон қаршисига михланасиз. Шу тобда спорт телеканалларининг бирортасида албатта қайсидир евроматч эфирга узатилаётган бўлади. Уни шунчаки кузатасиз аввалига. Бироқ...

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • «Буви дейсизми, унда етиб олинг!»

    «Буви дейсизми, унда етиб олинг!»

    У айни пайтда 43 ёшда. Шунга қарамай, ҳамон спортда: профессионал фаолиятини давом эттирмоқда. Айримлар «Спортда барча нарсага эришгансиз, нега ҳанузгача гимнастикадасиз?» деб сўраганида, доим битта гапни айтади: «Шунчаки менга ёқади!»  

    ✔ 15    🕔 13:05, 16.11.2018
  • Қиличбозларимиз «санчиб» қўйишга тайёрми?

    Қиличбозларимиз «санчиб» қўйишга тайёрми?

    Машҳур қиличбозларнинг эътироф этишича, ушбу спорт ва «ақл гимнастикаси» ўртасида ўхшаш жиҳатлар кўп.

    ✔ 13    🕔 13:03, 16.11.2018
  • Мағлубият ва муваффақият ораси

    Мағлубият ва муваффақият ораси

    Баъзан турли ташвишлардан чарчаб, ўзингизни чалғитиш мақсадида ойнаи жаҳон қаршисига михланасиз. Шу тобда спорт телеканалларининг бирортасида албатта қайсидир евроматч эфирга узатилаётган бўлади. Уни шунчаки кузатасиз аввалига. Бироқ...

    ✔ 33    🕔 16:28, 08.11.2018
  • Орзулар рўёби сари йўл

    Орзулар рўёби сари йўл

    Биргина инсон сабаб жамиятда кўпчиликнинг ҳаёти ўзгариб кетиши мумкин. Айниқса, катта ютуқларни қўлга киритаётган, ўз муваффақиятлари билан юрт байроғини халқаро майдонларда юқори кўтараётган иқтидор ва маҳорат эгаларининг ёшларга кўрсатадиган таъсири жуда катта.

    ✔ 34    🕔 16:28, 08.11.2018
  • Терма жамоамиз йиғинни қаерда ўтказади?

    Терма жамоамиз йиғинни қаерда ўтказади?

    Эктор Купер бошчилигидаги футбол бўйича ­Ўзбекистон миллий терма жамоаси Осиё Кубогига тайёргарликни давом эттирмоқда.

    ✔ 39    🕔 16:28, 08.11.2018
Ҳаммасини кўриш 

Фойдали манбаалар