Спорт      Бош саҳифа

Мағлубият ва муваффақият ораси

Баъзан турли ташвишлардан чарчаб, ўзингизни чалғитиш мақсадида ойнаи жаҳон қаршисига михланасиз. Шу тобда спорт телеканалларининг бирортасида албатта қайсидир евроматч эфирга узатилаётган бўлади. Уни шунчаки кузатасиз аввалига. Бироқ...

Мағлубият ва муваффақият ораси

Футбол шунчаки, кўнгил­очарга термилтирадиган ўйин эмас, бир зумда унинг ичига кириб кетганингизни билмай қоласиз. Эҳтимол, шу сабабли ҳам айрим «миллионлар ўйини»га қизиқмайдиганлар ҳам ногоҳ футбол томоша қилиб қолгудек бўлса, зум ўтмай, тутақишга тушади, кимнидир ўзича танқид қилиб қўяди...

Бугунги футболда фақат ақл билан олға интиладиган жамоагина узоққа боради. Шошмашошарлик, ҳовлиқмалик жамоа ўйинига путур етказади. Ахир, овқатнинг энг ширинини ҳам шошиб еб бўлмайди-ку! Шунга қарамай, тўқсон дақиқа мобайнида ақлга таяниб тўп суриш осон эмас. Футбол майдонида ақл ва ҳиссиёт бирлашади, аниқроғи, тўқнашади. Қизғин муҳораба фақатгина икки дарвоза олдида эмас, футболчиларнинг юраги ва тафаккури сарҳадларида ҳам авжга чиқади.

Футбол майдонини ринг билан алмаштириб қўядиган футболчилар бугунги замонавий футболда ўз жамоасига ҳам, рақибга ҳам фақат ва фақат зиён келтиради. Ҳар куни кўряпмиз, асабийлашиш ортида қандай ёқимсиз ҳолатлар, вазиятлар юзага келаяпти... Чиройли шоу томоша қиламан, деб келган мухлислар хўрозларнинг даҳанаки чўқилашувини кўриб, дилини хира қилиб кетади. Шунинг учун ҳам баъзан футбол учрашувларини томоша қилгани келган боксчиларни трибунада кўрсатиб қолса, ҳайрон бўлмаганингиз маъқул.

Бугунги даврда ғалаба қозониш жуда ҳам мушкул. Рақиб қандай даражадаги клуб бўлишидан қатъи назар. Ютиб турган, ташаббусни ўзида ушлаб турган жамоа саноқли сониялар ичида юзага келган биргина хато туфайли имкониятни бой бериши ҳеч гапмас. Омад ва омадсизлик — икки қошнинг орасида. Муваффақият абадий эмас, аммо уни узоқ вақт ушлаб туриш мумкин.

Мана, ниҳоят, адолатпарвар футболнинг ўзи посангини тўғрилаб қўйди. Футбол майдонида шоҳу гадо бир. Ким тўп учун интилса, ҳукмронлик қилса, пировардида ўша жамоага қувониш имконияти ҳадя қилинади. Футбол ногаҳон ёки вақтлироқ тортиқ этган туҳфасини тўқсон дақиқа ичида тортиб олишга ҳам қодир... Шу боисдан то реферининг якуний ҳуштаги чалинмагунча, мавжуд ғалаба ҳам омонат эканини унутмаслик керак. Зўрдан зўр чиқаверади. Фақат иродаси мустаҳкам, бир мақсад йўлида бирлашиб, бир тану бир жон бўлиб тўп сурадиган ЖАМОАгина узоққа боради!

Хуллас, бугунги давр футболида исталган савиядаги клуб ёки миллий терма жамоа майдонда ҳеч ким кутмаган ишни бажаришга қодир. Кучлар ўртасида яққол фарқни сезиб бўлмайди. Ҳар куни тактика янгиланади, амплуалар ўзгартириб турилади... Энг кучли жамоаларнинг тажрибаси бамисоли очиқ шудгор. Уни ҳамма ўрганишга ва қарши чора топишга интилади. Интилганлар эса топишяпти. Қисқаси, бир фурсат тин олиш учун тўхтаган жамоа... кейин ғолиблик ҳақида ўйламаса ҳам бўлади.   

 

Жавоҳир САМАНДАРОВ




Ўхшаш мақолалар

«Буви дейсизми, унда етиб олинг!»

«Буви дейсизми, унда етиб олинг!»

🕔13:05, 16.11.2018 ✔15

У айни пайтда 43 ёшда. Шунга қарамай, ҳамон спортда: профессионал фаолиятини давом эттирмоқда. Айримлар «Спортда барча нарсага эришгансиз, нега ҳанузгача гимнастикадасиз?» деб сўраганида, доим битта гапни айтади: «Шунчаки менга ёқади!»  

Батафсил
Қиличбозларимиз «санчиб» қўйишга тайёрми?

Қиличбозларимиз «санчиб» қўйишга тайёрми?

🕔13:03, 16.11.2018 ✔13

Машҳур қиличбозларнинг эътироф этишича, ушбу спорт ва «ақл гимнастикаси» ўртасида ўхшаш жиҳатлар кўп.

Батафсил
Мағлубият ва муваффақият ораси

Мағлубият ва муваффақият ораси

🕔16:28, 08.11.2018 ✔33

Баъзан турли ташвишлардан чарчаб, ўзингизни чалғитиш мақсадида ойнаи жаҳон қаршисига михланасиз. Шу тобда спорт телеканалларининг бирортасида албатта қайсидир евроматч эфирга узатилаётган бўлади. Уни шунчаки кузатасиз аввалига. Бироқ...

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • «Буви дейсизми, унда етиб олинг!»

    «Буви дейсизми, унда етиб олинг!»

    У айни пайтда 43 ёшда. Шунга қарамай, ҳамон спортда: профессионал фаолиятини давом эттирмоқда. Айримлар «Спортда барча нарсага эришгансиз, нега ҳанузгача гимнастикадасиз?» деб сўраганида, доим битта гапни айтади: «Шунчаки менга ёқади!»  

    ✔ 15    🕔 13:05, 16.11.2018
  • Қиличбозларимиз «санчиб» қўйишга тайёрми?

    Қиличбозларимиз «санчиб» қўйишга тайёрми?

    Машҳур қиличбозларнинг эътироф этишича, ушбу спорт ва «ақл гимнастикаси» ўртасида ўхшаш жиҳатлар кўп.

    ✔ 13    🕔 13:03, 16.11.2018
  • Мағлубият ва муваффақият ораси

    Мағлубият ва муваффақият ораси

    Баъзан турли ташвишлардан чарчаб, ўзингизни чалғитиш мақсадида ойнаи жаҳон қаршисига михланасиз. Шу тобда спорт телеканалларининг бирортасида албатта қайсидир евроматч эфирга узатилаётган бўлади. Уни шунчаки кузатасиз аввалига. Бироқ...

    ✔ 33    🕔 16:28, 08.11.2018
  • Орзулар рўёби сари йўл

    Орзулар рўёби сари йўл

    Биргина инсон сабаб жамиятда кўпчиликнинг ҳаёти ўзгариб кетиши мумкин. Айниқса, катта ютуқларни қўлга киритаётган, ўз муваффақиятлари билан юрт байроғини халқаро майдонларда юқори кўтараётган иқтидор ва маҳорат эгаларининг ёшларга кўрсатадиган таъсири жуда катта.

    ✔ 33    🕔 16:28, 08.11.2018
  • Терма жамоамиз йиғинни қаерда ўтказади?

    Терма жамоамиз йиғинни қаерда ўтказади?

    Эктор Купер бошчилигидаги футбол бўйича ­Ўзбекистон миллий терма жамоаси Осиё Кубогига тайёргарликни давом эттирмоқда.

    ✔ 39    🕔 16:28, 08.11.2018
Ҳаммасини кўриш 

Фойдали манбаалар