Мустаҳкам оила      Бош саҳифа

Иморат бир кунда битмайди

Зарифа опанинг қизи йўқ, аммо «қизларим» деган сўз тилидан тушмайди. Чунки...

Иморат бир кунда битмайди

Олис сафарга йўл олган бир киши анча масофа юриб ҳолдан тойибди. Жазирамада суви тугаб, ташналик азобига дош беролмай қолгач, дуч келган бир хонадон эшигини қоқибди. Ичкаридан нуроний бир аёлнинг чорлови эшитилгач, остона хатлаб кирибди ва бир косагина сув беришини сўрабди. Юзидан нур ёғилиб турган аёл эса, у сўзини якунламай ошхона томон кетибди. Меҳмонга олиб келаётган бир коса сувни энди узатаман деганида бехос оёғи тойиб, йиқилибди-ю, сувни тўкиб юборибди. Қилган ишидан минг хижолат тортиб, яна сув олиб келибди. Чанқоғини босган мусофир раҳмат айтиб, чиқиб кетаётган маҳал кекса аёл қилган иши учун узр сўрабди. Оёғи бехос тойиб кетмагани, балки атайин сувни тўкиб юборганини айтибди. Меҳмоннинг юзидаги таажжубни кўриб, буни шундай изоҳлабди: «Аслида қуёш тиғида терлаб кириб келгани­нгизни кўриб, муздек сув саломатлигингизга салбий таъсир кўрсатишини тушундим. Агар бироз шошманг, нафас ростлаб олинг, десам, ҳурматсизлик бўларди. Танангиз ҳарна совиб олсин, мен берган сув соғлиғингизга таъсир қилмасин, дедим».

Мен бу воқеани эшитгач, анча вақтгача таъсирланиб юрдим. Нуроний бир онахоннинг илк марта кўрган инсонини шунчалар ўз яқинидек кўриб, ғамхўрлик кўрсатиши ҳақиқий инсонийлик намунаси эди. Аслида ҳам одам одамга ғанимат, инсон инсон билан тирик. Тўғри, ҳозир ҳам бундай кишиларни кўплаб учратиш мумкин. Қанийди, уларнинг сафи янада кенгайса. Аслида бу каби фазилатларнинг барчаси оилада, ота-она тарбияси билан сингдирилиши ҳаммамизга аён, ҳақиқат. Бир оилада тарбияли, тўла-тўкис камол топган фарзанд инсонларга, жамиятга қанча наф келтиради. Атрофидагиларни рози қилиб яшайди. Бу жуда катта шараф дегани.

Яқинда Ҳаж сафаридан келган қўқонлик онахонимиз Зарифа опа билан телефон орқали боғланганмизда ҳам мана шу ҳақиқатларнинг нечоғли муҳим эканига яна бир карра ишонч ҳосил қилдик. Суҳбатдошимизнинг оила ва фарзандлар тарбияси ҳақида фикрларини тинглар эканмиз, гап орасида «қизларим» деган иборани кўпроқ қўллаганидан фарзандлари ҳақида сўрадик. Кейин маълум бўлдики, аслида онахоннинг тўрт ўғли бор экан. Хонадонига кириб келган келинларини ўша кундан буён қиз ўрнида кўрганидан ҳам уларни тилдан қўймаётган экан.

— Бир куни қайнонам телефон қилиб қолди, — дейди Фарғона вилояти Қўқон шаҳри Сунбула маҳалласида истиқомат қилувчи Зарифа ­АЪЗАМОВА. — Ҳа, болам, кўнглингизни оғритдимми, мендан хафа бўлдингизми, деса, ҳайрон қолдим. Кейин билсам, уч кун боролмай қолганимга айбни ўзидан қидириб, хижолат бўлаётган экан. Ҳақиқатан ҳам, алоҳида яшай бошлаганимиздан кейин олис бўлса-да, қайнота-қайнонамнинг кунда бир бор ҳолидан хабар олишга вақт топардим. Арзимас сабабларга чалғиб, боролмай қолганим дарров билинибди. Ҳозир ўша дамларни эслаб, қайнонамнинг оналарча меҳрини, муҳаббатини қумсайвераман. У киши берган ўгитлар, панд-насиҳатлари билан олти келин аҳил-иноқ бўлдик. Бу фарзандларимизни тарбиялашда ҳам жуда асқатди.

Ҳар бир ота-онанинг ҳаётдаги энг олий мақсади фарзандларининг бахтини кўриш, кексайганда улардан меҳр топиш, эҳтиром кўриш, албатта. Ҳашаматли иморатни бир кунда бунёд этиб бўлмаганидек, фарзанд тарбиясида ҳам тизим ва машаққатли меҳнат даркор. 

Зарифа опа хотираларга берилиб, онасини эслаб гапирар экан, қизларига фақат инсонларнинг яхши томонини кўришга ўргатганини, ўзгалар дардини худди ўзиникидек билиб, куюнганини сездик. Ўзи ва опа-сингилларининг келин бўлган хонадонида ҳақиқий бахтга эришишида тарбиянинг мана шу омили муҳим аҳамият касб этганини, турмуш ўртоғининг ота-онасини ўзиникидек билиб, эъзозлаган онахон бугун келинларидан ҳам шундай ҳурмат топиб яшаётганини англадик. 

Мақсадимиз бугун жонимизни койитиб, минг азоб чекиб тарбиялаётган фарзандларимиз эртага бизга ҳам муносиб эҳтиром кўрсатсин. Фақат ўз ота-онаси учун эмас, бутун юртга ҳам наф келтирсин. Юқорида айтилганидек, керак вақтида ва ўз ўрнида қўлимизга бир коса сув тутишсин. Зеро, инсонийликнинг асл моҳияти ҳам шунда.

 

Шаҳноза РАҲИМХЎЖАЕВА,

«Оила даврасида» мухбири




Ўхшаш мақолалар

МУРОСА – ТОТУВЛИК КАФОЛАТИ

МУРОСА – ТОТУВЛИК КАФОЛАТИ

🕔11:13, 27.05.2020 ✔64

Шунақа экан – Бағдод туманининг Қирқволида маҳалласида яшовчи Мусаевлар оиласининг бошлиғи айтди шу гапни! Иймани-и-и-иб ўтирмади, ҳижолат тортмади, қандай тушунаркин, деб ўйламадиям. Шартта айтди-қўйди: «Гоҳида янгангизнинг гапигаям хўп деймиз, сизники маъқул, деймиз. Хонадонимиздаги файз, тинчлик-тотувликнинг сабаби – шу», дейди Мўминжон ака.
 

Батафсил
Оилаларни ажратаётган учунчи қўл

Оилаларни ажратаётган учунчи қўл

🕔10:26, 13.03.2020 ✔1120

— Шерзод, икки кундан бери нега мактабга бормаяпсан? Ёки дарслар ёқмаяптими?..
Аввалига у бироз жим қолади, саволга жавоб бергиси келмайди. Лекин яна нимадандир ташвишланиб, бошини эгганича секин гап бошлайди:

Батафсил
ҚАЙНОНА-КЕЛИН МУНОСАБАТЛАРИНИНГ ХОРАЗМЧА «ДЕМОКРАТИЯСИ»

ҚАЙНОНА-КЕЛИН МУНОСАБАТЛАРИНИНГ ХОРАЗМЧА «ДЕМОКРАТИЯСИ»

🕔14:45, 29.12.2019 ✔2638

Бугунги кунда қайнона-келин муносабатлари жуда катта ижтимоий муаммога айлангандек гўё. Буни телесериаллар ва телекўрсатувларнинг кундалик мавзуси бўлиб қолаётганидан ҳам англаш мумкин. Айрим телелавҳалар кўп жойларда келинларга хизматкор сифатида қаралаётганини яққол кўрсатиб қўймоқда. Келинларнинг эри, қайнота ва қайнонасига тавозе билан чой қуйиб узатиши, қўлларига сув қуйиши каби одатлар миллатимизга шу қадар сингиб кетганки, бунинг туб негизида «зулм» борлигини, афсуски кўпчилик англаб етмайди.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • МУРОСА – ТОТУВЛИК КАФОЛАТИ

    МУРОСА – ТОТУВЛИК КАФОЛАТИ

    Шунақа экан – Бағдод туманининг Қирқволида маҳалласида яшовчи Мусаевлар оиласининг бошлиғи айтди шу гапни! Иймани-и-и-иб ўтирмади, ҳижолат тортмади, қандай тушунаркин, деб ўйламадиям. Шартта айтди-қўйди: «Гоҳида янгангизнинг гапигаям хўп деймиз, сизники маъқул, деймиз. Хонадонимиздаги файз, тинчлик-тотувликнинг сабаби – шу», дейди Мўминжон ака.
     

    ✔ 64    🕔 11:13, 27.05.2020
  • Оилаларни ажратаётган учунчи қўл

    Оилаларни ажратаётган учунчи қўл

    — Шерзод, икки кундан бери нега мактабга бормаяпсан? Ёки дарслар ёқмаяптими?..
    Аввалига у бироз жим қолади, саволга жавоб бергиси келмайди. Лекин яна нимадандир ташвишланиб, бошини эгганича секин гап бошлайди:

    ✔ 1120    🕔 10:26, 13.03.2020
  • ҚАЙНОНА-КЕЛИН МУНОСАБАТЛАРИНИНГ ХОРАЗМЧА «ДЕМОКРАТИЯСИ»

    ҚАЙНОНА-КЕЛИН МУНОСАБАТЛАРИНИНГ ХОРАЗМЧА «ДЕМОКРАТИЯСИ»

    Бугунги кунда қайнона-келин муносабатлари жуда катта ижтимоий муаммога айлангандек гўё. Буни телесериаллар ва телекўрсатувларнинг кундалик мавзуси бўлиб қолаётганидан ҳам англаш мумкин. Айрим телелавҳалар кўп жойларда келинларга хизматкор сифатида қаралаётганини яққол кўрсатиб қўймоқда. Келинларнинг эри, қайнота ва қайнонасига тавозе билан чой қуйиб узатиши, қўлларига сув қуйиши каби одатлар миллатимизга шу қадар сингиб кетганки, бунинг туб негизида «зулм» борлигини, афсуски кўпчилик англаб етмайди.

    ✔ 2638    🕔 14:45, 29.12.2019
  • ОИЛА БАХТИ – ЖАМИЯТ БАХТИ

    ОИЛА БАХТИ – ЖАМИЯТ БАХТИ

    оила муаммоси – жамият аъзолари, яъни барчамизнинг муаммомиздир

    ✔ 3434    🕔 17:40, 29.11.2019
  • «ИБРАТЛИ  ОИЛА» ҒОЛИБИ МИСРГА  САЁҲАТ  ҚИЛАДИ

    «ИБРАТЛИ ОИЛА» ҒОЛИБИ МИСРГА САЁҲАТ ҚИЛАДИ

    Бугун давр биздан оила институтини мустаҳкамлаш масалаларига чуқур илмий ёндашувни, соҳада илмий-тадқиқот муассасалари ва жамоат ташкилотлари билан яқин амалий ҳамкорликда иш олиб боришни талаб этмоқда. 

    ✔ 3500    🕔 17:39, 29.11.2019
Ҳаммасини кўриш 

Фойдали манбаалар