Давр нафаси      Бош саҳифа

Қасам билан ҳосил кўпаядими?

Қишлоқ хўжалигида муаммолар бўлса, барчага «оммавий» қасам ичириш зарурми?

Қасам билан ҳосил кўпаядими?

Мамлакатимизда аҳоли фаровонлигини таъминлаш, муносиб ҳаёт шароитларини яратиш, жамиятимизда демократик тамойилларни татбиқ этиш учун изчил, тизимли ишлар олиб борилмоқда. Ишлаб чиқаришнинг ҳар бир йўналишига илғор техника ва технологияларни олиб кириш, инновация яратишни даврнинг ўзи талаб қилмоқда.

Шу жумладан, қишлоқ хўжалигида ҳам маҳсулотларни жаҳон бозорига олиб чиқиш, мамлакатга даромад келтириш, давлатни ҳам, фермерни ҳам бой қилиш мақсад-муддаога айланган.

Шу кунларда Сирдарё вилоятида бўлиб ўтган «фермерлар қасамёди» ҳам аслида юқорида келтирилган мақсадга эришиш учун амалга оширилган. Лекин бу қанчалик тўғри бўлди ва бу қасамёд билан қишлоқ хўжалигидаги бугунги аҳволни яхшилаб бўладими?

Демократик тузумларда қасам­ёд масъулият ҳажми улкан бўлган, масъулиятсизлик оқибатида жамият катта талафот кўриши мумкин бўлган ҳолатларда ҳамда судда — ҳақиқатни юзага чиқаришга сафарбар этилган идорадагина қўлланилади.

Амалдаги қонунчиликка кўра, фермер бу — тадбиркор. У қишлоқ хўжалиги маҳсулотлари етиштиради ва ўз фаолиятини бозор талаблари асосида юритиши керак. Фермерга қасам ичириш билан биз унга «маънавий чеклов» қўймоқдамиз, деҳқонни қасамга таянтириш жамиятимиз ривожи учун фойда келтирадими ёки зарар?

Бу ҳолат раҳбарият олдида «янгилик» яратиб, обрў олишга уриниш эмасми?

Қишлоқ хўжалигидаги салбий ҳолатлар саноқли бўлса, барчага «оммавий» қасам ичириш зарурми? Агар бундай ҳолатлар кўп бўлса, унда уларни келтириб чиқарган сабабларни таҳлил қилиш, тизимли чоралар кўрилиши керак-ку!

Менинг фикримча, фермерларимизнинг бу йилги ноқулай шароитда мўлжалдаги ҳосилни етиштира олмаганига фақат об-ҳаво ёки деҳқоннинг дангасалиги эмас, балки ишни ташкил қилишдаги тизимли камчиликларимиз сабаб бўлган. Туманларда бўлиб фермерлар, тажрибали деҳқонлар билан суҳбатлашиб қуйидаги сабабларни аниқладик. Яъни, фермерларда зарур даражада билим етишмаслиги, техникалар эскиргани ёки камлиги ернинг мелиоратив ҳолатини тўғри баҳолай олмаслик ва унга чора кўришдаги ночорлик, фермер хўжаликларининг аксариятида агрономлар етишмаслиги, уруғчиликнинг ачинарли аҳволдалиги, суғориш илми унутилиб бораётгани, сув тақсимотидаги хатоликлар ва яна бир қатор...

Қишлоқ хўжалигидаги қийинчиликларни бартараф этиш учун, аввало, юқорида келтирилган камчиликларни қандай йўқотиш мумкин, деган саволга жавоб топиш керак. Балки майда фермер хўжаликларидан уюшма ташкил этиб, уларда иш бошқарувчи, агроном, бухгалтер, тракторчи, сувчи каби зарур лавозимлар жорий этилиши молия, агрономия ишларидаги, умуман, ишни ташкил этишдаги камчиликларнинг олдини олар. Мана шундай фермер-деҳқон уюшмаларига тажрибали инсонлар бошчилик қилса, фермерларнинг масъулият ҳисси бир қанча кўтарилар?! (xdp.uz).

«Қасамёд — ҳарбий ёки бошқа шу турдаги хизматга кираётганда, маълум бир статусни олаётганда (масалан, фуқаролик олаётганда ёки судда гувоҳлик бераётганда), лавозимга тайинланаётгандаги расмий ва тантанали онт ичиш маросими. Қасамёд фақат оммавий тарзда (омма кўз ўнгида) амалга оширилади ва қасамёд қилувчига қасамёдни адо этмагани учун юридик жавобгарликни юклайди».

 

Мақсуда ВОРИСОВА,

Олий Мажлис Сенати аъзоси, Ўзбекистон ХДП Марказий Кенгаши раиси ўринбосари




Ўхшаш мақолалар

Медиа оламдаги «ахлат жанги» қачон тугайди?

Медиа оламдаги «ахлат жанги» қачон тугайди?

🕔23:03, 18.07.2019 ✔19

Жамиятимизнинг оғриқли нуқталари ҳақидаги муҳокамалар борган сари уларнинг ечимларини топишга эмас, янги бўлмағур муаммоларни келтириб чиқаришга асос бўлмоқда. Оқибатда эса асосий муаммолар қолиб, кимнингдир шахсиятига, оиласи, бизнеси умуман барчасига тош ота бошлаяпмиз...

Батафсил
МУСТАҚИЛЛИК БАЙРАМИГА  «старт» берилди

МУСТАҚИЛЛИК БАЙРАМИГА «старт» берилди

🕔18:46, 11.07.2019 ✔51

Ўзбекистон мустақиллигининг йигирма саккиз йиллиги «Жонажон Ўзбекистоним, мангу бўл омон!» бош ғояси асосида нишонланади

Батафсил
ЎҚИШ «МУМКИН ЭМАС»...

ЎҚИШ «МУМКИН ЭМАС»...

🕔20:33, 04.07.2019 ✔70

Қайси ташкилотга эшик қоқиб бормайлик, «мумкин эмас» деган гапни эшитиш остонадан бошланади.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Медиа оламдаги «ахлат жанги» қачон тугайди?

    Медиа оламдаги «ахлат жанги» қачон тугайди?

    Жамиятимизнинг оғриқли нуқталари ҳақидаги муҳокамалар борган сари уларнинг ечимларини топишга эмас, янги бўлмағур муаммоларни келтириб чиқаришга асос бўлмоқда. Оқибатда эса асосий муаммолар қолиб, кимнингдир шахсиятига, оиласи, бизнеси умуман барчасига тош ота бошлаяпмиз...

    ✔ 19    🕔 23:03, 18.07.2019
  • МУСТАҚИЛЛИК БАЙРАМИГА  «старт» берилди

    МУСТАҚИЛЛИК БАЙРАМИГА «старт» берилди

    Ўзбекистон мустақиллигининг йигирма саккиз йиллиги «Жонажон Ўзбекистоним, мангу бўл омон!» бош ғояси асосида нишонланади

    ✔ 51    🕔 18:46, 11.07.2019
  • ЎҚИШ «МУМКИН ЭМАС»...

    ЎҚИШ «МУМКИН ЭМАС»...

    Қайси ташкилотга эшик қоқиб бормайлик, «мумкин эмас» деган гапни эшитиш остонадан бошланади.

    ✔ 70    🕔 20:33, 04.07.2019
  • СОБИҚ БОШ ПРОКУРОРГА СУД ҲУКМИ ЎҚИЛДИ

    СОБИҚ БОШ ПРОКУРОРГА СУД ҲУКМИ ЎҚИЛДИ

    Жиноий гуруҳ бир қатор оғир ва ўта оғир жиноятларни содир қилганликда айбли деб топилди

    ✔ 75    🕔 11:41, 28.06.2019
  • Энг улуғ мўъжиза

    Энг улуғ мўъжиза

    Инсоният яратган энг улуғ мўъжиза бу – китоб. Китоб орқали тарихни, қадим маданиятни билдик, билимимиз, дунёқарашимиз шаклланди. Бугунги кунга келиб эса тараққиётни китобсиз тасаввур қилиб бўлмайди.

    ✔ 97    🕔 11:20, 21.06.2019
Ҳаммасини кўриш 

Фойдали манбаалар