Жиноят ва жазо      Бош саҳифа

Пақилдоқ: тақиқланган, аммо исталганча бор

«Нега бошқаларга мумкин-у, менга мумкин эмас? Ахир, ўртоқларимни ҳеч ким уришаётгани йўқ-куНорози бўлиб, ҳовлини бошига кўтараётган жиянимни тинчлантирдим-да, онасининг нимадан жиғибийрон бўлаётганини сўрадим. Онасининг айтишича, жияним тушликка деб берилган пулни йиғиб, қаердандир пақилдоқ сотиб олибди...

Пақилдоқ: тақиқланган, аммо исталганча бор

И-е, ахир бунинг савдоси қонун билан тақиқланган-ку! Қаердан сотиб олади? Суриштирсам, болалар пақилдоқларни мактаб атрофидаги писта-қурут сотувчи баққолдан олаётганмиш...

Ҳар йили Янги йил байрами олдидан мутасадди ташкилотлар томонидан аҳоли орасида пиротехника воситаларини мамлакатимиз ҳудудига олиб кириш, ушбу турдаги маҳсулотни ишлаб чиқариш, савдоси билан шуғулланиш каби ҳолатлар қонун билан чегаралангани, бундай ишга қўл урган шахслар жавобгарликка тортилиши хусусида тушунтириш ишлари олиб борилади. Афсуски, кўнгилсиз оқибатларга, айрим ҳолларда ҳатто, инсон ҳаётига зомин бўлишгача бўлган салбий ҳолатларни келтириб чиқарадиган бундай воситалар билан боғлиқ ноқонуний хатти-ҳаракатлар ҳали-ҳануз учрамоқда.

Давлат божхона қўмитаси хабарига қараганда, жорий йилнинг ўтган даври мобайнида республикамиз божхоначилари томонидан ҳуқуқни муҳофаза қилувчи идоралар вакиллари билан ҳамкорликда аниқланган 62 та қонунбузарлик ҳолатида қиймати 294 миллион сўмдан ортиқ 37,1 минг дона пиротехника воситасининг ноқонуний олиб ўтилишига чек қўйилган.

Демак, пиротехника воситаларини юртимиз ҳудудига олиб киришга уринишлар ортмоқда. Нега? Болалар-ку, бунинг аянчли оқибатини фаҳмламай, ўйинқароқлик қилар. Аммо катталар-чи? Ахир, улар пақилдоқнинг талафотини яхши англайди-ку! Аслида бундай воситалар юртимизга қандай йўллар билан олиб келиняпти? Кўча-кўйда яшириб пақилдоқ сотаётган баъзи нопок кимсаларга қарши бирор чора кўриляптими?

— Айни пайтда юртимиз ҳудудига сифат ва хавфсизлик стандартларига жавоб бермайдиган маиший пиротехника воситалари кириб келишининг олдини олиш бўйича божхоначилар томонидан доимий тезкор тадбирлар олиб борилмоқда, — дейди Давлат божхона қўмитаси Жамоатчилик ва ОАВ билан алоқалар бўлими бош инспектори Ҳусан ТАНГРИЕВ. — Жумладан, Тошкент шаҳар божхона бошқармаси Келес темир йўл чегара-божхона постида Давлат хавфсизлик хизмати, Давлат чегараларини ҳимоя қилувчи қўмита ходимлари билан ҳамкорликда республикамизга қўшни давлатдан кириб келган юк поезди вагонларини божхона кўригидан ўтказиш давомида йирик миқдордаги пиротехника воситаларининг ноқонуний олиб кирилиши олди олинди.

Тезкор тадбир давомида вагонларга йўл-юк кузатув ҳужжатларида умуман қайд этилмаган 822 килограмм оғирликдаги пиротехника воситалари ортилгани маълум бўлди. Қорақалпоғистон Республикаси божхона бошқармаси Доут-ота чегара-божхона пости орқали қўшни давлатдан кириб келган фуқаро Қ.Л.га тегишли юклар назорат-рентген аппарати кўмагида кўздан кечирилганида, ушбу шахс йўловчи божхона декларациясида кўрсатмай ҳамда божхона ходимларининг оғзаки сўрови вақтида маълум қилмасдан туриб, 3 турдаги ва 5,4 килограмм оғирликдаги 43 дона пиротехника воситаларини олиб киришга урингани фош бўлди.

Сирдарё вилояти божхона бошқармасининг «Сирдарё» чегара-божхона постида эса, қўшни давлатдан пиёда кириб келган фуқаро М.А.нинг хатти-ҳаракатлари бежиз шубҳа уйғотмаган экан. Ушбу шахс холислар иштирокида шахсий кўрикдан ўтказилганида кийимлари остидан 400 дона пиротехника воситасини яширганча олиб кираётгани аниқланди.

Ҳа, Янги йил байрами яқинлашган сайин пақилдоқларнинг яширин сотувини қизитиш, шу орқали мўмай пул ишлаб олишга уринишлар бўлади. Ўзгалар фарзандининг ҳаётини сариқ чақага олмасдан, ўз нафсини ўйлайдиган бундай кимсаларга қарши жиддий курашмоқ керак. Болаларимиз соғлиғи, ҳаёти хавфсизлигию байрамнинг осойишта ўтиши барчамиз учун муҳим.

 

Ғуломжон МИРАҲМЕДОВ,

«Оила даврасида» мухбири




Ўхшаш мақолалар

Мулк дахлсизлигининг ноёб рамзи

Мулк дахлсизлигининг ноёб рамзи

🕔10:27, 16.03.2019 ✔135

Қирол  буздира олмаган шамол тегирмони икки асрдан кўпроқ вақт зарар кўрмаган. Зеро, фуқаролар учун қиролдан ҳам қудратлироқ нарсалар бор эди.

Батафсил
Ғафлат уйқусидаги аёллар

Ғафлат уйқусидаги аёллар

🕔10:25, 16.03.2019 ✔128

Жиноят ишлари бўйича Олмазор туман судига навбатдаги жиноят иши келди. Уни диққат билан ўқиб чиқдик. Ачинарлиси, бу жиноятни аёл содир этган...

Батафсил
Пора канда қилмаса, пароканда бўлмаймизми?

Пора канда қилмаса, пароканда бўлмаймизми?

🕔12:19, 17.01.2019 ✔282

Ёзувчи Абдулла Қаҳҳорнинг «Порахўр» сарлавҳали эртак-фельетони ёдингиздами? Замонамизда кирпини «пора» деб берса, битиб қолган томоғини очиш учун уни тескари ютадиганлар борми, йўқми? Йўқ бўлса, нега ўша кирпини тутишга интилиб, ўзи қопқонга тушиб қолганлар ҳақида ўқиб қоляпмиз?

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Мулк дахлсизлигининг ноёб рамзи

    Мулк дахлсизлигининг ноёб рамзи

    Қирол  буздира олмаган шамол тегирмони икки асрдан кўпроқ вақт зарар кўрмаган. Зеро, фуқаролар учун қиролдан ҳам қудратлироқ нарсалар бор эди.

    ✔ 135    🕔 10:27, 16.03.2019
  • Ғафлат уйқусидаги аёллар

    Ғафлат уйқусидаги аёллар

    Жиноят ишлари бўйича Олмазор туман судига навбатдаги жиноят иши келди. Уни диққат билан ўқиб чиқдик. Ачинарлиси, бу жиноятни аёл содир этган...

    ✔ 128    🕔 10:25, 16.03.2019
  • Пора канда қилмаса, пароканда бўлмаймизми?

    Пора канда қилмаса, пароканда бўлмаймизми?

    Ёзувчи Абдулла Қаҳҳорнинг «Порахўр» сарлавҳали эртак-фельетони ёдингиздами? Замонамизда кирпини «пора» деб берса, битиб қолган томоғини очиш учун уни тескари ютадиганлар борми, йўқми? Йўқ бўлса, нега ўша кирпини тутишга интилиб, ўзи қопқонга тушиб қолганлар ҳақида ўқиб қоляпмиз?

    ✔ 282    🕔 12:19, 17.01.2019
  • Маънавий қашшоқлик қандай пайдо бўлади?

    Маънавий қашшоқлик қандай пайдо бўлади?

    Жиноятнинг қайси бир турини олиб қараманг, уни ҳар қандай дин, миллат, умуминсоний тамойиллар қоралайди. Сабаби, ҳар бир ножўя иш замирида инсонларнинг ўзаро ҳақ-ҳуқуқлари поймол бўлиши ёхуд давлат ва жамият муносабатларининг бузилиши ётади.

    ✔ 300    🕔 14:22, 10.01.2019
  • Ўсмир қўлидаги беш қути наша

    Ўсмир қўлидаги беш қути наша

    Охирги пайтларда оғир жиноятларга қўрқмасдан қўл ураётган ўсмир-ёшларнинг аксарияти бу йўлга кириб қолишида, асосан, ота-онасининг назоратисиз қолгани ёки носоғлом оилада катта бўлаётгани, уларнинг тарбияси билан ҳеч ким шуғулланмаётганини айтишади. Аслида ҳам шундай.

    ✔ 261    🕔 09:09, 21.12.2018
Ҳаммасини кўриш 

Фойдали манбаалар