Аниқ саволга аниқ жавоб      Бош саҳифа

Афв этилган тўлиқ озодликка чиқади...ми?

Республикамизда муҳим саналар, байрамлар олдидан Президентимизнинг маҳкумларни кечириш, уларни афв этиш фармони яхши бир анъанага айланиб бормоқда. Бу борада, яъни билиб-билмай жиноят содир этган, қилмишига чин кўнгилдан пушаймон бўлган маҳкум ўзини афв этиш учун қаерга, кимга мурожаат этилади, унинг  тартибини тушунтириб беринг.

Қаҳрамон БОЗОРОВ,

Ғаллаорол тумани

Афв этилган тўлиқ озодликка чиқади...ми?

 

Ўзбекистон Республикаси суди томонидан судланган ҳар қандай шахс давлатимиз раҳбари томонидан инсонпараварлик нуқтаи назаридан афв этилиши мумкин. Бу борада Президент ҳузуридаги Афв этиш масалалари бўйича комиссия кўмаклашади.

Афв этиш тўғрисидаги илтимоснома маҳкум томонидан Президент номига ёзилади. Шунингдек, қонунда илтимоснома киритиш ҳуқуқига эга бўлган бошқа шахс (орган) томонидан ҳам киритилиши мумкин эканлиги белгиланган. Бунда илтимоснома бошқа шахс (орган) томонидан берилганда афв этилиши сўралаётган шахснинг ёзма розилиги бўлиши керак.

Вояга етмаган шахснинг фойдасини кўзлаб илтимосномани Вояга етмаганлар ишлари бўйича туман (шаҳар) идоралараро комиссияси қўзғатиши кўзда тутилган.

Қорақалпоғистон Республикаси Жўқорғи Кенгесининг Раиси ҳам муайян судланган фуқаронинг афв этиш ҳақида масала қўзғаши мумкин.

Афв этиш ҳақидаги илтимоснома судланган шахснинг жазони ижро этиш ёки ҳукмни ижро қилувчи муассаса маъмурияти томонидан рўйхатга олиниб, унга лозим бўлган ҳужжатларни илова қилган ҳолда тегишли тартибда расмийлаштириб, Афв этиш масалалари бўйича комиссияга юборилишини таъминлайди.

Илтимоснома Афв этиш масалалари бўйича комиссия томонидан қуйидагича ҳал қилинади:

• илтимоснома рад этилса, маҳкум хабардор қилинади;

• илтимоснома маъқулланса, Ўзбекистон Республикаси Президентига маҳкумни афв этиш юзасидан таклиф киритилади.

Афв этиш Президент томонидан қуйидаги шаклларда амалга оширилади:

— асосий ва ўталмаган қўшимча жазодан тўлиқ ёки қисман озод этиш;

— жазодан шартли озод қилиш;

— умрбод озодликдан маҳрум қилиш жазосини ёки ўталмай қолган озодликдан маҳрум қилиш жазоси қисмини енгилроқ жазога алмаштириш;

— судланганликни олиб ташлаш.

Президент маҳкумни афв этишга қарор қилса, бу ҳақда Фармон қабул қилади. Фармон ижро қилиш учун жазони ижро этиш идорасига, маълумот тариқасида Олий судга ва назорат учун Бош прокуратурага юборилади.




Ўхшаш мақолалар

Ер участкалари хусусийлашади, кимлар учун?

Ер участкалари хусусийлашади, кимлар учун?

🕔23:17, 15.08.2019 ✔49

«Қишлоқ хўжалигига мўлжалланмаган ер участкаларини хусусийлаштириш тўғрисида»ги қонун Президент томонидан имзоланди

Батафсил
Таълим инспекцияси огоҳлантиради: ҚАРШИДАГИ ХАЛҚАРО ИЖТИМОИЙ- ИҚТИСОДИЁТ УНИВЕРСИТЕТИ ФАОЛИЯТИ НОҚОНУНИЙ

Таълим инспекцияси огоҳлантиради: ҚАРШИДАГИ ХАЛҚАРО ИЖТИМОИЙ- ИҚТИСОДИЁТ УНИВЕРСИТЕТИ ФАОЛИЯТИ НОҚОНУНИЙ

🕔12:45, 02.08.2019 ✔88

Сўнгги кунларда «XALQARO IJTIMOIY-IQTISODIYOT UNIVERSITETI» нодавлат олий таълим муассасаси ва ушбу муассаса 2019/2020 ўқув йилига ўқишга киришга абитуриентлардан ҳужжат қабул қилаётгани ва ушбу хизмат учун пул ундирилаётгани тўғрисида Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекциясига фуқаролар томонидан кўплаб мурожаатлар келиб тушмоқда.
 

Батафсил
15 августдан  ёқилғи, электр энергияси ва табиий газ истеъмоли учун нарх ва тарифлар ошади

15 августдан ёқилғи, электр энергияси ва табиий газ истеъмоли учун нарх ва тарифлар ошади

🕔12:44, 02.08.2019 ✔102

Ўзбекистон Республикаси Вазирлар Маҳкамасининг 30 июль куни «Ёқилғи-энергетика ресурсларининг нархлари ва тарифларни ўзгартириш тўғрисида»ги қарори имзоланди, дея хабар бермоқда «Kun.uz»­­ интернет нашри.
 

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

Ҳаммасини кўриш 

Фойдали манбаалар