Аниқ саволга аниқ жавоб      Бош саҳифа

Энди автомобиллар ҳам синовдан ўтказилади

Истеъмолга яроқсиз бўлиб қолган, сифатсиз, муддати ўтган маҳсулотлар харидорнинг ғазабини келтиради. Шунинг учун яқиндан бошлаб, бу каби салбий ҳолатларнинг олдини олишга киришилади.

Ишлаб чиқариш корхоналарини ишига тўсиқ бўлиб келаётган кўпгина муаммога узил-кесил нуқта қўйиладиган бўлди. Ўзбекистон Республикаси Президентининг 2018 йил 10 декабрь куни эълон қилинган «Техник жиҳатдан тартибга солиш, стандартлаштириш, сертификатлаштириш ва метрология тизимларини янада ривожлантириш чора-тадбирлари тўғрисида»ги қарори қабул қилинди. Хўш, ушбу ҳужжатнинг қабул қилинишига нима туртки бўлди?

— Айни паллада кўплаб ишлаб чиқариш қувватлари ва инвестиция лойиҳалари  амалга оширилмоқда, — дейди «Ўзстандарт» агентлиги техник жиҳатдан тартибга солиш бошқармаси бошлиғи Дилшод ­Ҳожикариев. — Шундай бир шароитда лойиҳа ташаббускорлари учун божхона расмийлаштирувида сертификатлаштириш жараёнларини соддалаштириш лозим. Эндиликда ўлчаш воситаларини хорижий давлатларнинг сертификатлари асосида республикага олиб киришга рухсат берилди. Айнан бир турдаги маҳсулотнинг ижобий синов натижалари қабул қилинган ҳолда, у такрорий синовлардан ўтказилмайди.

— Божхона расмийлаштирувида сертификатлаштириш учун талаб этиладиган муддат қисқардими?

— Бу муддат ўртача ўн кундан 2 кунга қисқартирилди. Бунинг фойдасини тадбиркорлар қисқа вақтда сеза бошлади.

— Ҳозирда халқаро стандартлар ҳиссаси қанча?

— Халқаро стандартларсиз ривожланишни тассавур этиб бўлмайди. Ана шу ҳолат инобатга олиниб, миллий стандартларнинг уйғунлашув даражасини кескин оширишни назарда тутувчи мақсадли кўрсаткичлар тасдиқланиб, 2021 йилга қадар 47 фоизга етказиш белгиланди.Бу — икки йил ичида қарийб етти мингта ҳужжат қайтадан кўриб чиқилади деганидир. Сўнгги ўн йил ичида бор-йўғи уч ярим мингта стандарт қабул қилинган, холос.

— Замонавий лабораториялар ҳам барпо этиладими?

— «Йўл харитаси»да саноат тармоқлари истиқболларини инобатга олган ҳолда, янги халқаро синов усулларини жорий қилиш учун 24 миллион долларлик халқаро молиявий институтлар ва инвесторлар маблағларини жалб этиш кўзда тутилган. Биргина 2019-2020 йилларда лабораторияларга 17,5 миллиард сўмлик ускуналар келтириш кўзда тутилган. Тўққизта лабораторияга халқаро даражадаги мақом берилади.

Тағин бир гап. Тошкент вилоятининг Пискент туманидаги автополигонда автомобилларни тўлиқ синовдан ўтказадиган лаборатория иш бошлайди.

 

Улуғбек Жумаев,

«Оила даврасида» мухбири




Ўхшаш мақолалар

Ер участкалари хусусийлашади, кимлар учун?

Ер участкалари хусусийлашади, кимлар учун?

🕔23:17, 15.08.2019 ✔49

«Қишлоқ хўжалигига мўлжалланмаган ер участкаларини хусусийлаштириш тўғрисида»ги қонун Президент томонидан имзоланди

Батафсил
Таълим инспекцияси огоҳлантиради: ҚАРШИДАГИ ХАЛҚАРО ИЖТИМОИЙ- ИҚТИСОДИЁТ УНИВЕРСИТЕТИ ФАОЛИЯТИ НОҚОНУНИЙ

Таълим инспекцияси огоҳлантиради: ҚАРШИДАГИ ХАЛҚАРО ИЖТИМОИЙ- ИҚТИСОДИЁТ УНИВЕРСИТЕТИ ФАОЛИЯТИ НОҚОНУНИЙ

🕔12:45, 02.08.2019 ✔88

Сўнгги кунларда «XALQARO IJTIMOIY-IQTISODIYOT UNIVERSITETI» нодавлат олий таълим муассасаси ва ушбу муассаса 2019/2020 ўқув йилига ўқишга киришга абитуриентлардан ҳужжат қабул қилаётгани ва ушбу хизмат учун пул ундирилаётгани тўғрисида Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекциясига фуқаролар томонидан кўплаб мурожаатлар келиб тушмоқда.
 

Батафсил
15 августдан  ёқилғи, электр энергияси ва табиий газ истеъмоли учун нарх ва тарифлар ошади

15 августдан ёқилғи, электр энергияси ва табиий газ истеъмоли учун нарх ва тарифлар ошади

🕔12:44, 02.08.2019 ✔102

Ўзбекистон Республикаси Вазирлар Маҳкамасининг 30 июль куни «Ёқилғи-энергетика ресурсларининг нархлари ва тарифларни ўзгартириш тўғрисида»ги қарори имзоланди, дея хабар бермоқда «Kun.uz»­­ интернет нашри.
 

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

Ҳаммасини кўриш 

Фойдали манбаалар