Аниқ саволга аниқ жавоб      Бош саҳифа

100 миллион сўмлик уйга 200 минг тўлайсиз

Ҳар йили мол-мулк солиғини тўлаймиз. Унинг миқдори эса ўзгариб бораверади. Шу боис 2019 йилда мол-мулкимиздан қанча солиқ тўлаймиз, деган савол кўпчиликни қизиқтириши табиий.

Президентнинг 2018 йил 26 декабрдаги «Ўзбекистон Республикасининг 2019 йилги асосий макроиқтисодий кўрсаткичлари прогнози ва Давлат бюджети параметрлари ҳамда 2020-2021 йилларга бюджет мўлжаллари тўғрисида»ги қарорига асосан, жисмоний шахслардан олинадиган мол-мулк ва ер солиқлари ставкаларига ўзгартиришлар киритилди.
Ҳужжатга мувофиқ, жисмоний шахсларнинг мол-мулк солиғи ставкалари 2019 йил 1 январдан бошлаб мулкнинг умумий майдонидан келиб чиқиб ҳисобланади. 
Бунда 200 м2 гача бўлган турар жойлар, квартиралар, дала ҳовли қурилмалари ва бошқа иморатлар учун солиқ ставкаси мулкнинг кадастр қийматидан келиб чиқиб, 0,2 фоиз; 200 м2 дан 500 м2 гача бўлган турар жойлар, квартиралар ҳамда иморатлар учун солиқ ставкаси мулкнинг кадастр қийматидан 0,35 фоиз этиб белгиланди.
Вазирлар Маҳкамасининг 2017 йил 30 декабрдаги «Солиқ солиш мақсадида жисмоний шахсларга тегишли бўлган кўчмас мулк объектларининг, турар жой фондининг кадастр қийматини ҳисоблаш тартиби тўғрисидаги низомни тасдиқлаш ҳақида»ги қарорига асосан, жисмоний шахсларнинг кўчмас мулк объектларига солиқ солиш мулкнинг инвентар қийматидан эмас, кадастр қийматидан ҳисобланиши йўлга қўйилган.
Масалан, пойтахтдаги 55 м2 ҳажмдаги квартиранинг мулк солиғи қуйидагича бўлади. 2019 йил учун кадастр қийматидан 0,2 фоиз (солиқ ставкаси) мол-мулк солиғи ҳисобланиши лозим. Мулкнинг кадастр қиймати йил бошига 100 миллион сўм деб олсак, мазкур сумманинг 0,2 фоизи 200 минг сўм (100 миллион сўм × 0,2%=200 минг сўм) мол-мулк солиғини ташкил этади.
Жисмоний шахсларнинг мол-мулк солиғи бўйича 2019 йил учун ҳисобланиши лозим бўлган солиқ миқдори 2018 йилдаги солиқ миқдорининг 1,3 баробаридан ошмайди. 
***
— Ногиронлик нафқасини оламан. Сергелида икки хонали квартирамда яшайман. Хонадонимнинг жами майдони 50 м2ни ташкил этади. 2019 йилдан имтиёзлар бекор қилинди, деб эшитдим. Энди қанча мулк солиғи тўлашим керак?  
— Амалдаги солиқ қонунчилигига асосан, эгалигида мулк объектлари ҳамда ер майдонлари бўлган жисмоний шахслар жисмоний шахслардан олинадиган мол-мулк ва ер солиғи тўловчилари ҳисобланади. Шунга кўра, сиз каби кўп қаватли иморатларда мулкка эга фуқаролар жисмоний шахсларнинг фақат мол-мулк солиғи тўловчиси сифатида қаралади.
Бироқ Солиқ кодексининг 275-моддасига биноан, эгалигида мулки бўлган ногирон нафақахўрлар учун мулкнинг 60м2­ майдони доирасида солиқ солинмайдиган чегара белгиланган. Шунга кўра, мулкингиз умумий майдони 50 м2 эканини инобатга олсак, сиз мол-мулк солиғи тўламайсиз. Шунингдек, ушбу имтиёздан солиқ тўловчи танловига кўра, ўзига тегишли (номида бўлган) фақат бир объект учун фойдаланиши мумкинлиги белгилаб қўйилган.

Тошкент шаҳар давлат солиқ бошқармаси маълумотлари асосида тайёрланди.




Ўхшаш мақолалар

Ер участкалари хусусийлашади, кимлар учун?

Ер участкалари хусусийлашади, кимлар учун?

🕔23:17, 15.08.2019 ✔32

«Қишлоқ хўжалигига мўлжалланмаган ер участкаларини хусусийлаштириш тўғрисида»ги қонун Президент томонидан имзоланди

Батафсил
Таълим инспекцияси огоҳлантиради: ҚАРШИДАГИ ХАЛҚАРО ИЖТИМОИЙ- ИҚТИСОДИЁТ УНИВЕРСИТЕТИ ФАОЛИЯТИ НОҚОНУНИЙ

Таълим инспекцияси огоҳлантиради: ҚАРШИДАГИ ХАЛҚАРО ИЖТИМОИЙ- ИҚТИСОДИЁТ УНИВЕРСИТЕТИ ФАОЛИЯТИ НОҚОНУНИЙ

🕔12:45, 02.08.2019 ✔70

Сўнгги кунларда «XALQARO IJTIMOIY-IQTISODIYOT UNIVERSITETI» нодавлат олий таълим муассасаси ва ушбу муассаса 2019/2020 ўқув йилига ўқишга киришга абитуриентлардан ҳужжат қабул қилаётгани ва ушбу хизмат учун пул ундирилаётгани тўғрисида Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекциясига фуқаролар томонидан кўплаб мурожаатлар келиб тушмоқда.
 

Батафсил
15 августдан  ёқилғи, электр энергияси ва табиий газ истеъмоли учун нарх ва тарифлар ошади

15 августдан ёқилғи, электр энергияси ва табиий газ истеъмоли учун нарх ва тарифлар ошади

🕔12:44, 02.08.2019 ✔82

Ўзбекистон Республикаси Вазирлар Маҳкамасининг 30 июль куни «Ёқилғи-энергетика ресурсларининг нархлари ва тарифларни ўзгартириш тўғрисида»ги қарори имзоланди, дея хабар бермоқда «Kun.uz»­­ интернет нашри.
 

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

Ҳаммасини кўриш 

Фойдали манбаалар