Мустаҳкам оила      Бош саҳифа

«Ассалом»нинг ҳикмати

Эрталаб ишга кеч қолмаслик учун Муҳаммадалини боғчасига шошилтириб олиб борадиган отасининг ҳам, онасининг ҳам зарур юмуши чиқиб қолиб, барчалари тез-тез нонушта қилиб кетиб қолишди.

«Ассалом»нинг ҳикмати

Болакайни боғчага элтиб қўйиш ўғли ва келинининг илтимосига кўра Қодирдадага қолди.
Қодирдада ва Муҳаммадали ҳам дастурхондаги у-бу нарсалардан тотинган бўлиб, аста боғчага бориш тараддудига тушишди. Улар қўл ушлашиб кўчага чиқишди. Ҳамма ўз юмуши билан кетган. Кўчада деярли ҳеч ким кўринмас, фақатгина уйқучи болалар турасолиб орқаларига папкаларини илиб олиб, бир қўлида бир тишлам нон билан мактаб томон югуриб кетмоқда.
Муҳаммадали бобоси билан кўчанинг ўнг томонидан, бир чеккадан аста юриб боришаркан, кўчанинг ўртасидан бир секин, бир лўкиллаб кетаётган бола ўтиб қолди. Қодирдада болага қараб: «Ассалому алайкум», деди. Муҳаммадали катта одам кичикларга салом беришига ҳайрон бўлиб, бобосига қаради. Югуриб кетаётган бола бу саломни эшитдими, йўқми, индамай кетаверди. Сал юргач, қаршиларидан яна бир бола кўк елим халтада бир нарса кўтариб келарди. Рўпарама-рўпара келганларида боладан садо чиқмаганини кўриб, отахон унга ҳам салом берди. Бола елка оша бир қараб қўйди-да, пичирлаб салом берган бўлди. Шунда Қодирдада: «Ҳа, оиласида оз бўлса-да, тарбия бор экан», деб қўйди.
Муҳаммадали бобосига бир нима айтмоқчи бўлиб турганида, боғча эшигига етиб қолишди. Боғчанинг тўғрисидаги эшик олдида гўё уларни кузатаётгандек турган йигитча ҳам орқага бурилиб уйига кириб кетди. Муҳаммадали ҳам боғча дарвозасидан ичкари кириб, ўз гуруҳига бориб қўшилди...
Муҳаммадалининг онасини кечки пайт ота-оналар мажлиси бўлиб қолганлиги туфайли ўғлини боғчадан олиб кела олмаслигини айтиб, яна қайнотасидан илтимос қилди. Отахон бу хабардан хушнуд бўлиб, неварасини боғчага олиб бориб, олиб қайтишга қодир қилиб қўйган Яратган эгамга шукроналар айтди.
Бобо ва невара боғчадан уйга қайтишмоқда. Кўча анчагина гавжум: катта-кичик, ота-бола, она-бола, йигит-қизлар уйга қайтишяпти. Зингил солсангиз ҳар хил кайфиятда, бири бошқасига ўхшамайди. Уларнинг ёнидан елим халта кўтарган катта одамлар, ёш йигит-қизлар ва папкасини ортмоқлаб, қадамини зўрға санаб босиб, хорғин кайфиятда мактабдан қайтаётган болалар ўтарди. Қодирдада ёнларидан ким ўтса, унга қараб салом бераверарди.
Муҳаммадали бунинг сабабини энди сўрамоқчи бўлиб турганида, ўрта ёшлардаги қўшнилари Содиқ ака бобо билан саломлашиб қолди: «Ассалому алайкум Қодир ака, яхшимисиз, соғ-саломат юрибсизми, барака топинг, неварангизни боғчадан олиб келай дебсиз-да, борингизга шукр!».
«Муҳаммадали бу гал ҳам оғиз очолмади. Кўча эшигидан ҳовлига киришгач, ­Муҳаммадали гап бошлади: «Бобо нега сиз ўзингиздан кичкинага салом бердингиз? Кичиклар катталарга салом берадилар-ку?»
Қодирдада неварасига қараб туриб, қани бу ёққа юринг-чи, дея ўзи яшайдиган хонага бошлаб кирди. Токчадан бир китоб олиб, «Болам, яхшилаб қулоқ солинг, мен ўқийман тушунмаганингизни сўрарсиз. Энди сиз катта бўлиб, мактабга тайёргарлик гуруҳига ўтдингиз», дея ўқишга киришди.
«Абдуллоҳ ибн Масъуд (р.а.) ривоят қиладилар: Расулуллоҳ (с.а.в.): «Ассалом, Аллоҳ субҳонаҳу ва таолонинг исмларидан биридир. Ўзаро саломлашишни одат қилинг. Салом берган ва саломга жавоб қайтарган ҳар бир мусулмонга фаришталар етмиш марта салавот юборадилар. Бир-бирини кўриб саломлашмаган ва саломга жавоб бермаган мусулмонга улар етмиш марта лаънат юборадилар, — деб марҳамат қилдилар...»
— Болам маъносига тушундингизми?
— Яхши тушунмадим
— Тушунмаган бўлсангиз эшитинг: «Аллоҳнинг гўзал исмлари бор. Шулардан бири «Ассалом». «Ассалом» бу «саломатлик» деган маънони билдиради. Ким «Ассалом» деб  саломлашса, Аллоҳни эслаган бўлади. Аллоҳ номини эслаганни яхши кўради. Чунки, у ҳар бир нарсани кўргувчи, билгувчи, эшитгувчидир. Шу боис уни соғлом қилади, омонда сақлайди. Аллоҳни эслаган болани ахлоқли, одобли, яхши хулқли қилади. Бундан ташқари, унинг фаришталари салом берганга яхшиликлар етказишини сўрайди».
Қодирдада ўқишда давом этади: «Имрон ибн ол-Ҳусайн (р.а.) шундай ривоят қиладилар: «Бир куни бир одам келиб Расулуллоҳ (с.а.в.)га: «Ассалому алайкум», деди. Расулуллоҳ (с.а.в.) унинг саломига жавоб бериб: «Номаи аъмолингга ўн савоб ёзилди», дедилар. Бошқа бир одам келиб: «Ассалому алайкум ва раҳматуллоҳи ва баракотуҳ», деди. Расулуллоҳ (с.а.в.) унинг саломига жавоб бериб: «Сенинг номаи аъмолингга йигирма савоб ёзилди», дедилар. Яна бошқа одам келди-да: «Ассалому алайкум ва раҳматуллоҳи ва баракотуҳ ва мағфирати», деб айтди. Расулуллоҳ (с.а.в.) «Сенинг номаи аъмолингга ўттиз савоб ёзилди», дедилар...
— Бобо «номаи аъмол» дегани нима, — деб сўради Муҳаммадали.
— Болам, Аллоҳ одамларни яратиб, ҳар бир инсонни дунёда нима ишлар қилиб ўтганини ўзига кўрсатиш учун иккита фариштани бириктириб, бирини ўнг елкасига, иккинчисини чап елкасига ўтқазиб қўйди. Ўнг елкасидаги фаришта ўша инсон қандай яхши ишлар қилса, чап елкасидагиси қандай ёмон ишлар қилса, шуни ёзиб қўяди. Ана шу дафтар «номаи аъмол» деб юритилади. Энди тушуниб олдингизми? Ҳа, баракалла, демак, салом беришнинг қанчалик улуғ эканлигини билиб олдингиз. Борди-ю бир қўлингизни кўксингизга қўйиб салом берсангиз, ҳурматингиз янада ошади. Болам сизга насиҳатим, маслаҳатим шуки, сиз танийсизми, танимайсизми, катта кишими, кичикми — ким бўлишидан қатъи назар салом бераверинг.
Салом берган одам ҳеч қачон кам бўлмайди, ёмонлик кўрмайди, иззат ҳурмати улуғ бўлади.

Баҳодир ҚОДИРОВ




Ўхшаш мақолалар

АРЗИМАС САБАБЛАРДА ҲАМ  КАТТА ХАВФ БОР

АРЗИМАС САБАБЛАРДА ҲАМ КАТТА ХАВФ БОР

🕔17:56, 03.10.2019 ✔151

Миллат маънавиятини юксалтиришда, шубҳасиз, оиланинг ўрни муҳим. Зеро, жамиятда мавжуд қайси бир муаммога назар ташламанг, илдизи оила ва унинг моддий, маънавий-маърифий ҳолатига бориб тақалаверади. Шу боис ҳам мамлакат келажаги оиланинг мустаҳкамлиги билан чамбарчас боғлиқлигини мутлақо инкор этиб бўлмайди.

Батафсил
Қайнона-келинга мактуб

Қайнона-келинга мактуб

🕔18:28, 12.09.2019 ✔430

Таҳририятимизга келган ушбу мактубни газетада эълон қилиш-қилмаслик борасида анча мулоҳазага бордик. Бир оиланинг сири кўчага чиқиб кетишига замин яратиб бериш мақбул иш эмас, албатта. Лекин бир оиладаги чигал муносабатлар яна изга тушиб кетиши учун хат эгаси биздан шу мактубнинг газетада эълон қилинишига ёрдам беришимизни сўрабди. Исм-шарифини, манзилини ва бошқа номларни сир тутибди.

Батафсил
«Ассалом»нинг ҳикмати

«Ассалом»нинг ҳикмати

🕔10:56, 17.05.2019 ✔745

Эрталаб ишга кеч қолмаслик учун Муҳаммадалини боғчасига шошилтириб олиб борадиган отасининг ҳам, онасининг ҳам зарур юмуши чиқиб қолиб, барчалари тез-тез нонушта қилиб кетиб қолишди.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • АРЗИМАС САБАБЛАРДА ҲАМ  КАТТА ХАВФ БОР

    АРЗИМАС САБАБЛАРДА ҲАМ КАТТА ХАВФ БОР

    Миллат маънавиятини юксалтиришда, шубҳасиз, оиланинг ўрни муҳим. Зеро, жамиятда мавжуд қайси бир муаммога назар ташламанг, илдизи оила ва унинг моддий, маънавий-маърифий ҳолатига бориб тақалаверади. Шу боис ҳам мамлакат келажаги оиланинг мустаҳкамлиги билан чамбарчас боғлиқлигини мутлақо инкор этиб бўлмайди.

    ✔ 151    🕔 17:56, 03.10.2019
  • Қайнона-келинга мактуб

    Қайнона-келинга мактуб

    Таҳририятимизга келган ушбу мактубни газетада эълон қилиш-қилмаслик борасида анча мулоҳазага бордик. Бир оиланинг сири кўчага чиқиб кетишига замин яратиб бериш мақбул иш эмас, албатта. Лекин бир оиладаги чигал муносабатлар яна изга тушиб кетиши учун хат эгаси биздан шу мактубнинг газетада эълон қилинишига ёрдам беришимизни сўрабди. Исм-шарифини, манзилини ва бошқа номларни сир тутибди.

    ✔ 430    🕔 18:28, 12.09.2019
  • «Ассалом»нинг ҳикмати

    «Ассалом»нинг ҳикмати

    Эрталаб ишга кеч қолмаслик учун Муҳаммадалини боғчасига шошилтириб олиб борадиган отасининг ҳам, онасининг ҳам зарур юмуши чиқиб қолиб, барчалари тез-тез нонушта қилиб кетиб қолишди.

    ✔ 745    🕔 10:56, 17.05.2019
  • Оилани  сақлаш  устунлари

    Оилани сақлаш устунлари

    ёхуд ажрашишлар олдини олишда Тошкент вилоятида амалга оширилаётган ишлар мақтовга лойиқми?

    ✔ 797    🕔 10:55, 17.05.2019
  • 219 Оила ажрашиш аризасини қайтариб олди

    219 Оила ажрашиш аризасини қайтариб олди

    Қорақалпоғистонда оилалар  мустаҳкамлиги  қай даражада?

    ✔ 692    🕔 11:36, 26.04.2019
Ҳаммасини кўриш 

Фойдали манбаалар