Инсон ўзинг      Бош саҳифа

Шукрона

Узоқ қариндошимизникига меҳмонга бордик. Бизни тўрт киши ўтирган хонага олиб киришди.

Шукрона

У ерда ўрта ёшлардаги киши одоб билан гапирар, қолганлар мафтун тинглашар, аҳён-аҳёнда савол ташлаб қўйишарди. Кўп ўтмай, у киши соатига қаради-да, бир жойга бориши лозимлигини айтиб, ўрнидан турди. Ҳаракатини кузатар эканман, унинг оқсашини сездим, босган қадамидан товуш чиқарди. Демак, бир оёғи ясама...
У кетгандан сўнг ўзаро суҳбатимиз қовушмади, бироз ўтириб, тарқалдик.
Шукрона айтаман сенга Худойим,
Сенинг омонатинг — 
оёқларим буд.
* * *
...Хоразмлик ажойиб ўртоғим бор эди. Огаҳий, Мунис, Шерозий ғазалларининг кўпини ёд олган. Муҳаммад Юсуфни яхши кўриб, тўпламларини кўтариб юрарди. Бир кеча у хонамизга шошиб келиб, нимагадир қоқилиб кетди. (Ўша пайтлар ётоқхонада турардик.) Менда ҳаяжон зўрлик қилди-да: «Кўзингизга қарасангиз бўлмайдими?» деб юбордим. Саволим жавобсиз қолди, унинг кўзлари кўрмас эди.
Шукрона айтаман, ўзингга Аллоҳ,
Сенинг омонатинг — 
соғлом кўзларим.
* * *
...Ёз кунлари эди, оғайнимнинг машинасида қаергадир кетаётган эдик. Йўлда курсдошимизни кўриб қолдик. Шу яқинда турадиган бошқа курсдошимизни кўришга баҳона топилди. Уйига бордик. Отаси чиқди, сўрашдик, эътибор қилмаган эканман, бироздан сўнг оғайнимни сўрадим. Отахон юзларимга қараб қотиб қолди, яна қайтардим. Отахондан садо чиқмади. Шунда йўлда қўшилган дўстим имо-ишора билан тушунтирди. Миямга бир нарса чарсиллаб урилгандай бўлди.
Шукрона айтаман, Аллоҳ ўзингга,
Омонатинг сенинг — 
икки қулоғим...
* * *
Бизнинг оёқларимиз бут, хоҳлаган ишимизни қиламиз, хоҳлаган жойимизга борамиз, кўнглимиз тусаган тўй-ҳашамларни қолдирмаймиз. Нафсимиз буюрганига юрамиз. Аммо ақлимизни жойига қўйиб, кунларимизга осойиш берган Яратувчига шукрона айтмаймиз. Нега?
Дунёнинг мўъжизаларини кўриш учун берилган кўзларимиз соппа-соғ. Ҳар саҳар туриб, тонг отишини кузатаман, гуллар, чиройли нарсаларга қараганда кўзим, дилим қувонади. Бизга бу имкониятларни Аллоҳ берди, истаса маҳрум қилади. Қулоғим қушларнинг сайрашини, момақалдироқнинг гумбурлашини, сувнинг шовқинини, ҳатто итнинг ҳурганинию, пашшанинг ғинғиллаганини-да  эшитади. Аллоҳга шукрлар айтаман...
Шукрона айтаман Сенга Худойим,
Омонатинг ўзим, 
жисмим ва жоним.
Акмал ИКРОМ




Ўхшаш мақолалар

Сақоқушлар қайтмоқда

Сақоқушлар қайтмоқда

🕔14:12, 11.11.2019 ✔178

Ўзбекистоннинг шимолий минтақаси – Қорақалпоғистон Рес­публикаси ва Хоразм вилоятидаги сув ҳавзаларига ноёб сақоқушлар галаси келиб қўнмоқда.

Батафсил
Табиат мўжизаси,  саломатлигимиз посбони

Табиат мўжизаси, саломатлигимиз посбони

🕔14:11, 11.11.2019 ✔175

Ҳашаротлар ичида асаларидек табиат шайдоси бўлмаса керак. Унинг меҳнатсеварлиги, заҳматкашлиги кишини лол қолдиради. Асаларилар қийғос очилган гуллар оламига талпиниб, эртанги кун ташвиши билан яшайдилар.

Батафсил
ЎЗБЕК ХОНАДОНИДА  ЯПОН КЕЛИНЧАК

ЎЗБЕК ХОНАДОНИДА ЯПОН КЕЛИНЧАК

🕔13:53, 01.11.2019 ✔540

Дунёда турфа тақдирли инсонлар яшайди. Уларнинг матонатли ҳаёт тарзи нафақат имконияти чекланган кишилар, балки соппа-соғ бўла туриб муваффақиятсизликдан нолиб яшайдиганлар учун ҳам ўрнак бўлиши мумкин.
Оёқ-қўлсиз туғилиб, матонат тимсолига айланган Николас Вуичич билан турмуш қурган Канае Мийаҳара исмли америкалик япон қизи ҳақида эшитганмисиз? У қиз ўзининг комилликка тўла инсоний қалб соҳибаси эканини исбот қилолди. Аслида японларда комил инсон тушунчаси қайси тамойиллар асосида шаклланишини ўқиб-изланиб ўрганиш мушкул. Буни англаш учун буюк қалб соҳиби бўлиш керак.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Сақоқушлар қайтмоқда

    Сақоқушлар қайтмоқда

    Ўзбекистоннинг шимолий минтақаси – Қорақалпоғистон Рес­публикаси ва Хоразм вилоятидаги сув ҳавзаларига ноёб сақоқушлар галаси келиб қўнмоқда.

    ✔ 178    🕔 14:12, 11.11.2019
  • Табиат мўжизаси,  саломатлигимиз посбони

    Табиат мўжизаси, саломатлигимиз посбони

    Ҳашаротлар ичида асаларидек табиат шайдоси бўлмаса керак. Унинг меҳнатсеварлиги, заҳматкашлиги кишини лол қолдиради. Асаларилар қийғос очилган гуллар оламига талпиниб, эртанги кун ташвиши билан яшайдилар.

    ✔ 175    🕔 14:11, 11.11.2019
  • ЎЗБЕК ХОНАДОНИДА  ЯПОН КЕЛИНЧАК

    ЎЗБЕК ХОНАДОНИДА ЯПОН КЕЛИНЧАК

    Дунёда турфа тақдирли инсонлар яшайди. Уларнинг матонатли ҳаёт тарзи нафақат имконияти чекланган кишилар, балки соппа-соғ бўла туриб муваффақиятсизликдан нолиб яшайдиганлар учун ҳам ўрнак бўлиши мумкин.
    Оёқ-қўлсиз туғилиб, матонат тимсолига айланган Николас Вуичич билан турмуш қурган Канае Мийаҳара исмли америкалик япон қизи ҳақида эшитганмисиз? У қиз ўзининг комилликка тўла инсоний қалб соҳибаси эканини исбот қилолди. Аслида японларда комил инсон тушунчаси қайси тамойиллар асосида шаклланишини ўқиб-изланиб ўрганиш мушкул. Буни англаш учун буюк қалб соҳиби бўлиш керак.

    ✔ 540    🕔 13:53, 01.11.2019
  • СОЧ

    СОЧ

    Шодмон ОТАБЕК

    Қаҳрамон мактабдан чиқиб, тўғри уйга келди. Айвонни супураётган Холтожи хола ўғлини кўриб, ишини тўхтатди.

    ✔ 824    🕔 17:55, 03.10.2019
  • Якуний назорат

    Якуний назорат

    Шафақ тонги отади. Кўз очиб юмгунча Қуёш терак бўйи юксалади. Талабалар издиҳоми ўнгу сўлга эътиборсиз Дорилфунун томон оқади. Серташвиш нигоҳлар Қуёш туриш-турмишидаги бежоликни илғамайди.
     

    ✔ 1145    🕔 22:56, 29.08.2019
Ҳаммасини кўриш 

Фойдали манбаалар