Давр нафаси      Бош саҳифа

МУАЛЛИМ – КЕЛАЖАКНИНГ БУНЁДКОРИ

Инсон дунёқарашининг шаклланиши, унинг келажаги мактаб партасида ўтирган пайтидан қатъий бир йўсинга туша боради. Ўрганилган билим ҳаётнинг келгусидаги паллалари учун нечоғли аҳамиятли экани, болага нималар бера олиши, унинг тақдирига қанчалик дахлдорлиги жуда муҳим хусусиятдир. Буни устоз-муаллимлар тўғри англаб етсагина таълимдан кўзда тутилган мақсадга эришиш имкони бор.

МУАЛЛИМ – КЕЛАЖАКНИНГ  БУНЁДКОРИ

Баъзан ўнлаб фанлар орасида биргина ўқитув­чининг саъй-ҳаракати бола дунёқараши кескин ривожланишига сабаб бўлиши мумкин. Пойтахтимизнинг Сергели туманидаги 7-умумий ўрта таълим мактабининг кимё фани ўқитувчиси Алевтина Люкшина худди шундай фидойи ўқитувчилар сирасига киради. Унинг фанни бола онггига муносиб тарзда етказиб бера олиши, ўз касбига ҳамда ўқувчиларга муносабати чинакам тажрибали ва билимдон устоз эканини кўрсатиб туради.
Бугун Президентимиз Шавкат Мирзиёев томонидан илгари сурилган бешта муҳим ташаббусни амалга ошириш бўйича ҳар ким ўз ҳиссасини қўшишга интиляпти. Жумладан, ўқитувчилар ҳам ўқувчилар билим-салоҳиятини ошириш учун турли интеллектуал тадбирлар, илмий беллашувлар ташкил этмоқда. Сабаби, ўқувчилар бундай машғулотларда дарсдагидан ҳам кўра кўпроқ рағбат билан иштирок этишади.
Ўттиз йиллик педагогик тажрибага эга ўқитув­чи Алевтина Люкшина болалардаги бу рағбатни тўғри илғай олган моҳир педагогдир. Унинг дарсларни замонавий методлар асосида ўтиши, ахборот технологияларидан фойдаланиб ўқув машғулотларини олиб бориши, фидойи ва касб­га бўлган жонкуярлигидан барча ўқитувчилар ўрнак олса арзийди. Албатта, мактаб директори Ирода Юлдашева буларнинг барчасида бош-қош, ўқитувчилар ва ўқувчиларнинг интеллектуал салоҳиятини юксалтириш учун кенг имкониятлар яратиб беришга ҳаракат қилади.
Алевтина Люкшина куни кеча 5-синф ўқувчи­лари билан жуда қизиқарли ва маълумотларга бой тадбир – «Нима? Қаерда? Қачон?» интеллектуал ўйинини ташкил этди. Жамоаларга бўлинган ўқувчилар мантиқий саволларга жавоб беришди. Тадбирга ташриф буюрган ота-оналардан бири Тимур Таштанов Алевтина Люкшина ҳақида шундай дейди:
– Ушбу мактабда ҳозирда икки фарзандим ўқийди. Бир фарзандимнинг синф раҳбари Алевтина Николаевна. Шунингдек, ушбу мактабни тамомлаган катта қизим Малика ҳозирда хорижда тиббиёт соҳасида таҳсил олмоқда. Унинг кимё фанига қизиқиши ва фаннинг сир-асрорларини ўрганишида ўқитувчиларининг хизмати беқиёс. Айниқса, Алевтина Николаевнанинг жуда хушмуомала, адолатли, ўқувчиларга бўлган чексиз меҳрини эътибордан четда қолдириб бўлмайди. Биз, ота-оналар, фарзандларимиз мана шундай билимли ва фидойи устоз қўлида таълим олаётганидан мамнунмиз.
Ўтган йили, ўқитувчилар байрами арафасида Ўзбекистон Президентининг фармонига асосан Алевтина Люкшина таълим соҳасида қилган хизматлари учун давлатимизнинг юксак мукофоти – «Дўстлик» ордени билан тақдирланди. Моҳир педагог бугунги кунда кимё фанини ўқитиш усул­лари, шакллари ва технологияларини ўзлаш­тиришда изланишлар олиб бормоқда, замонавий жамиятда ҳар томонлама баркамол шахсни тарбия­лаш бўйича жонбозлик кўрсатмоқда.
Таълим соҳасида фаолият юритаётган ҳар бир муаллим ўз касбига фидойи, келажак авлоднинг замон руҳида таълим-тарбия олишида кўмакдош бўлиб, ҳар бир дарсини масъулият билан олиб борса, вояга етаётган фарзандлар келгусида илмга чанқоқ, юртнинг эртасини ўйлайдиган, билим-салоҳияти ўткир авлод бўлишига шубҳа йўқ. Шу маънода, эртанги кунимизнинг қандай қурилиши келажак бунёдкорларига таълим-тарбия бераётган ана шундай фидойи муаллимлар қўлида эканини унутмаслик зарур.
Замира ЗАЙНИДДИНОВА,
Сергели туманидаги 7-умумий ўрта таълим мактабининг 8-синф ўқувчиси
 




Ўхшаш мақолалар

АБГОР ШАРТ-ШАРОИТ — ҚИЙНОҚ БИЛАН ТЕНГ

АБГОР ШАРТ-ШАРОИТ — ҚИЙНОҚ БИЛАН ТЕНГ

🕔12:59, 26.06.2020 ✔167

Инсон манфаатлари ҳамма нарсадан устун, инсон ҳуқуқлари олий қадрият, деб кўп эътироф этилади. Чунки бу улуғвор ғоялар қонунларимиз туб моҳиятига сингдирилган. Муҳими, ана шу имкониятлардан барча бирдек фойдаланиши. Аммо амалда бундан баҳраманд бўла олмаётган одамлар йўқ эмас.

Батафсил
Аёллар учун қўшимча грант кимларга берилади?

Аёллар учун қўшимча грант кимларга берилади?

🕔12:59, 26.06.2020 ✔172

Ҳукумат қарори билан хотин-қизлар учун қўшимча грант асосида олий таълим муассасаларига кириш тартиби белгиланди, дея хабар берди Адлия вазирлиги.
 

Батафсил
«ОБОД ХОНАДОН» АКЦИЯСИ

«ОБОД ХОНАДОН» АКЦИЯСИ

🕔12:38, 26.06.2020 ✔195

Одамлар кўнглига ободлик нафасини олиб кирмоқда

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • АБГОР ШАРТ-ШАРОИТ — ҚИЙНОҚ БИЛАН ТЕНГ

    АБГОР ШАРТ-ШАРОИТ — ҚИЙНОҚ БИЛАН ТЕНГ

    Инсон манфаатлари ҳамма нарсадан устун, инсон ҳуқуқлари олий қадрият, деб кўп эътироф этилади. Чунки бу улуғвор ғоялар қонунларимиз туб моҳиятига сингдирилган. Муҳими, ана шу имкониятлардан барча бирдек фойдаланиши. Аммо амалда бундан баҳраманд бўла олмаётган одамлар йўқ эмас.

    ✔ 167    🕔 12:59, 26.06.2020
  • Аёллар учун қўшимча грант кимларга берилади?

    Аёллар учун қўшимча грант кимларга берилади?

    Ҳукумат қарори билан хотин-қизлар учун қўшимча грант асосида олий таълим муассасаларига кириш тартиби белгиланди, дея хабар берди Адлия вазирлиги.
     

    ✔ 172    🕔 12:59, 26.06.2020
  • «ОБОД ХОНАДОН» АКЦИЯСИ

    «ОБОД ХОНАДОН» АКЦИЯСИ

    Одамлар кўнглига ободлик нафасини олиб кирмоқда

    ✔ 195    🕔 12:38, 26.06.2020
  • ПРЕЗИДЕНТ МАКТАБЛАРИГА ҚАБУЛ ҚАЧОН БОШЛАНАДИ?

    ПРЕЗИДЕНТ МАКТАБЛАРИГА ҚАБУЛ ҚАЧОН БОШЛАНАДИ?

    Президент, ижод ва ихтисослаштирилган мактабларни ривожлантириш агентлиги тасарруфидаги мактабларга 2020/2021 ўқув йили учун ўқувчиларни қабул қилиш имтиҳонлари бўйича маълумот берилди.

    ✔ 107    🕔 12:37, 26.06.2020
  • БЕПАРВОЛИК «ВИРУСИ» БОР ЭКАН,  «ТОЖДОР ЁВ» КУЧАЙИБ БОРАВЕРАДИ

    БЕПАРВОЛИК «ВИРУСИ» БОР ЭКАН, «ТОЖДОР ЁВ» КУЧАЙИБ БОРАВЕРАДИ

    Жонс Хопкинс университети маълумотларига кўра, дунё бўйича янги турдаги коронавирусга чалинганлар сони олти миллиондан ошди, 375 минг нафардан зиёд киши эса вафот этди.
     

    ✔ 206    🕔 11:49, 15.06.2020
Ҳаммасини кўриш 

Фойдали манбаалар