Давр нафаси      Бош саҳифа

МАНГУЛИКНИНГ БИР ЛАҲЗАСИ

Дунёда ҳамма нарса вақт тегирмонида янчилиб ўзгаргани билан инсон барибир ўша-ўша. Туғилиш, ҳаёт ва ўлим ҳамиша барқарор. Айни шунинг учун ҳам асрлар ўтиши, даврнинг ўзгариши, тамаддуннинг эврилишлари абадий саволлар ва уларнинг жавобига заҳа етказа олмайди. Бундан минг йил олдинги савол ҳам, унинг жавоби ҳам тафаккуримизда ҳали-ҳануз оҳори тўкилмаган ҳолда тураверади. 

МАНГУЛИКНИНГ  БИР ЛАҲЗАСИ

Балки шу сабабдан бўлса керак, ҳаёт сафарига ҳар бир киши абадият оралаб йўлга чиқади. Манзилга етиш йўлнинг охирига бориш дегани эмас. Ҳар кимнинг ўз ҳаёт траекторияси мавжуд. Бу ўринда йўлнинг охири эмас, сафарнинг якуни муҳимроқ саналади. 
Абадият сафарида мангулик олдида кечадиган вақт эса, жуда қисқа. Кимдир уни ҳатто лаҳзага тенг кўради. Яхшилаб ўйлаб кўрсак, умримизнинг ўзи мангуликнинг бир лаҳзаси эканига амин бўламиз. Айни кунларда ўша мангу лаҳзаларнинг яна бир бекати ортда қолаётир. Лаҳзаларни ортда қолдириб олдинга илгарилашнинг нима билан якун топиши эса, ҳаммага маълум...
Олдинда муқаррар келажак яшириниб ётибди. У ҳамиша кўзимизга орзу-умидларимиз рўёби, мўъжизалар олами, умримизнинг интиқ манзили бўлиб кўринаверади.     
Вақтни негадир «ғанимат» дейишади. Унинг ғаниматлиги нимада экан? Назаримда, ўтган муддатда нималарга эриша олингани вақтнинг ғаниматлигини ифода этса керак. Сарҳисоб қилиб кўрадиган бўлсак, ўтган бир йил давомида нималар қила олдик? Учқур вақт тулпорида нималарга улгурдик? Биздан нима қолди?
Эски ва янги йил алмашинаётган бир паллада бу каби саволларга жавоб излашнинг айни мавриди бўлса керак... Гарчи, шоир айтган ушбу фикрлар ҳақиқатдан холи эмас: 

Неча йил яшадинг? Гап унда эмас...
Нима иш қилгансан, ўшандан гапир.
Ўтган умр эмас, қилган иш билан
Қиймати ўлчанар инсоннинг ахир. 
Аслида, ҳар бир кунини сарҳисоб қилиб борадиган киши учун бундай саволларга жавоб топишнинг ҳеч бокиси йўқ. Аммо бир неча ўн йиллар давомида бу ҳақда ўйлаб кўрмаган кимсанинг бирон хулоса чиқариши қийин. Умр дарбадар поезд эмаски, ҳар мақомга йўрғалаб, боши оққан томонга ўз билганича кетаверса. Унинг қатъий ҳаракат низоми – рельси ва қатнов жадвали (графиги) бор.
Ҳозир айримлар кеча-кундузнинг олдингидан кўра анча қисқа эканини нолиб гапиришади. Эмишки, ҳозирда ота-боболаримиз замонига ­қараганда сутка бироз қисқарганмиш. Шундан ҳаётда кўп нарсаларга улгуриб бўлмаётганмиш. Вақт бир зумда, кўз юмиб очгунча ўтиб ­кетаётганмиш. Бундай иддаоларга инониш мумкинми? 
Даромади гап шуки, вақтимизнинг баракаси кетиб қоляпти. Кўпда нокерак юмушлар билан, баъзан зерикиб фурсат ўтказяпмиз. Мана биргина мисол: бир суткада телефон деган матоҳ қанча вақтингизни оляпти? У орқали интернетдаги бекорчи «сайру саёҳат»ларчи?
Ҳадиси шарифларнинг бирида «Банданинг Аллоҳ наздида энг севимли иши бу – оз бўлса-да, давомли бўлган яхшиликдир», дейилади. Ҳар ким ўз имкони етган ишни, гарчи у кичкина ва арзимас бўлса ҳам, ҳамиша бардавом қилиб борса, куни келиб, катта муваффақиятларга эришиши мумкин. Кўп ҳолларда бундай ишларга қунт ва ҳафсала етишмайди, холос. Ёки астойдил бел боғлаб киришилган ишни салдан кейин шундайича ташлаб қўя қоламиз. Донишмандларнинг «Оз-оз ўрганиб доно бўлур, қатра-қатра йиғилиб, дарё бўлур», деган ҳикматлари ҳам бежиз эмас.
Одатда янги йилни катта орзу-ҳаваслар, умид ва интилишлар билан кутиб оламиз. Бир-бировга эзгу тилаклар тилаймиз. Соғлиқ, бойлик, омад, бахт сўраймиз. Лекин негадир умримизга, қилаётган касбу коримизга барака тиламаймиз. Агар инсоннинг вақти, умри баракали бўлса, шунинг ўзи энг катта бойлик, омад ва бахт эмасми?.. 
Янги йил остонасида бир-биримизга қиладиган хайрли тилакларимизда аввало қут-барака тилашни эсдан чиқармайлик. Зеро, заррагина барака лаҳзага мангулик мақомини беришга қодир.

Муқаддас КАРИМОВА




Ўхшаш мақолалар

Наврўзинг –  янги кун, янги давронинг муборак, жонажон Ўзбекистоним!

Наврўзинг – янги кун, янги давронинг муборак, жонажон Ўзбекистоним!

🕔11:41, 20.03.2020 ✔187

ҚАДРИЯТЛАРИМИЗНИНГ БЕБАҲО НАМУНАСИ

Наврўз байрамининг моҳияти азалдан умуминсонийлик ғояларига йўғрилгани билан ажралиб туради. Бу байрам қанчалик қадимий бўлмасин, замонлар ўтган сайин инсоният қалбида шунчалик янгича илҳом, куч ва  иштиёқ уйғотади. 
 

Батафсил
ПРЕЗИДЕНТ КОРОНАВИРУС БИЛАН БОҒЛИҚ ВАЗИЯТ БЎЙИЧА ХАЛҚҚА МУРОЖААТ ҚИЛДИ

ПРЕЗИДЕНТ КОРОНАВИРУС БИЛАН БОҒЛИҚ ВАЗИЯТ БЎЙИЧА ХАЛҚҚА МУРОЖААТ ҚИЛДИ

🕔11:31, 20.03.2020 ✔100

Ўзбекистон Республикаси Президенти Шавкат Мирзиёев 18 март куни маҳалла ва оила масалаларига бағишланган видеоселектор йиғилишининг бошида коронавирус муаммосига тўхталиб ўтди, дея хабар берди ЎзА.

Батафсил
ОБОД ЮРТГА ЯРАШАДИГАН АНЪАНА

ОБОД ЮРТГА ЯРАШАДИГАН АНЪАНА

🕔10:44, 13.03.2020 ✔331

Мамлакатимизда 14-15 март кунлари умумхалқ хайрия ҳашари бўлиб ўтади. Тўю тантаналар ўтказиладиган манзиллар қиёфасини бир кўз олдингизга келтиринг. Ҳаммаёқ саришта, ҳаммаёқ озода, ҳаммаёқ саранжом... Бу — инсоннинг тутуми. Қадимий таомил. Аслида эса буни одам боласи табиатнинг йўриғидан ўрганган бўлса, ажаб эмас.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Наврўзинг –  янги кун, янги давронинг муборак, жонажон Ўзбекистоним!

    Наврўзинг – янги кун, янги давронинг муборак, жонажон Ўзбекистоним!

    ҚАДРИЯТЛАРИМИЗНИНГ БЕБАҲО НАМУНАСИ

    Наврўз байрамининг моҳияти азалдан умуминсонийлик ғояларига йўғрилгани билан ажралиб туради. Бу байрам қанчалик қадимий бўлмасин, замонлар ўтган сайин инсоният қалбида шунчалик янгича илҳом, куч ва  иштиёқ уйғотади. 
     

    ✔ 187    🕔 11:41, 20.03.2020
  • ПРЕЗИДЕНТ КОРОНАВИРУС БИЛАН БОҒЛИҚ ВАЗИЯТ БЎЙИЧА ХАЛҚҚА МУРОЖААТ ҚИЛДИ

    ПРЕЗИДЕНТ КОРОНАВИРУС БИЛАН БОҒЛИҚ ВАЗИЯТ БЎЙИЧА ХАЛҚҚА МУРОЖААТ ҚИЛДИ

    Ўзбекистон Республикаси Президенти Шавкат Мирзиёев 18 март куни маҳалла ва оила масалаларига бағишланган видеоселектор йиғилишининг бошида коронавирус муаммосига тўхталиб ўтди, дея хабар берди ЎзА.

    ✔ 100    🕔 11:31, 20.03.2020
  • ОБОД ЮРТГА ЯРАШАДИГАН АНЪАНА

    ОБОД ЮРТГА ЯРАШАДИГАН АНЪАНА

    Мамлакатимизда 14-15 март кунлари умумхалқ хайрия ҳашари бўлиб ўтади. Тўю тантаналар ўтказиладиган манзиллар қиёфасини бир кўз олдингизга келтиринг. Ҳаммаёқ саришта, ҳаммаёқ озода, ҳаммаёқ саранжом... Бу — инсоннинг тутуми. Қадимий таомил. Аслида эса буни одам боласи табиатнинг йўриғидан ўрганган бўлса, ажаб эмас.

    ✔ 331    🕔 10:44, 13.03.2020
  • «Саҳрода савдойи кетган азимман»

    «Саҳрода савдойи кетган азимман»

    9 март куни халқимизнинг ардоқли шоири, Ўзбекистон Ёзувчилар уюшмаси аъзоси, Ўзбекистонда хизмат кўрсатган маданият ходими Азим Суюн оламдан ўтди.
    Азим Суюн (Азимбой Алимович Суюнов) — 1948 йил Самарқанд вилоятига қарашли Накурт қишлоғида туғилган.

    ✔ 260    🕔 10:42, 13.03.2020
  • ИМОМ МОТУРИДИЙ ҒОЯСИНИНГ КУЧИ

    ИМОМ МОТУРИДИЙ ҒОЯСИНИНГ КУЧИ

    Самарқандда ўтган нуфузли халқаро анжуман муҳокамасида бўлди

    ✔ 184    🕔 11:19, 06.03.2020
Ҳаммасини кўриш 

Фойдали манбаалар