Унинг чиройликкина боши, айниқса, эътиборни тортади. Сочлари қоп-қора. Юзлари сип-силлиқ, чунки у бўлар-бўлмасга кулаверадиганлардан эмас. Озода. Тартибли. Хушмуомала. Кўрган одамнинг ҳаваси келади унга.
 

КИТОБХОН

Уни одатда китоб кўтариб юрган, китоб ўқиётган ёки китоблар ҳақида гапираётган ҳолатда учратиш мумкин.
У «принципиальный» шахс. Қилиш мумкин бўлган ва бўлмаган ишларнинг чегарасини қатъий белгилаб олган. Уларга оғишмай амал қилади.
У нозиктаъб инсон. Нарсаларининг жойи ўзгаргани, қоғоз-китобларининг буклангани, кийим-бошига қўнган чанг унинг кайфиятини ёмон бузади. Уйда ҳам, ишда ҳам кун бўйи чангларни қайта-қайта артаверади, қоғозларини тўғрилайверади… Бу ишлардан бўшаганида китоблар ва унинг муаллифлари ҳақида: «Ҳайронман, нега фалончининг ёзганларини кўкка кўтаришади? Кеча ўқиган китобимда аллақандай бўрилар ҳақида ёзилган. Ўзиниям хотинбоз бўлган, дейишади» қабилида гап сотади.
Унинг ишхонасида янги ходима пайдо бўлди-ю, ҳаётида янги саҳифа очилгандек бўлди.
Қиз, энг муҳими, унга ўхшаб яхшигина китобхон экан. У қайси китобдан сўз очса, қиз ҳам ўқиб чиққан бўлади. Ҳа, китобсеварлиги билан қаҳрамонимизга жуда муносиб рафиқа бўлиши мумкин.
Йигит қизни севиб қолди, десак муболаға бўлади. Ҳарқалай, у яна-да озода, хушмуомала бўла борди, чангларни артаверди, қоғозларини тахлайверди. Баъзан қизга Навоийдан Э.Воҳидовгача бўлган ишқий ғазаллардан ўқиб берди.
Яхшиямки, бу муносабат кўпга чўзилмади.
Бир куни йигит:
– Лермонтовнинг «Демон»идаги хотима билан чиқишолмайман, – деб қолди. – Аввало, Тамаранинг қаллиғини унутиши – бевафолик. Шайтонга бўса бергани эса – аҳмоқлик. Оқибатда, ўлди-кетди. Шунча гуноҳларидан ­кейин муаллиф уни жаннатга раво кўргани – мантиқсизлик. Ноҳақлик!
Қизнинг бунга жавобан:
– Наҳотки, тушунмаяпсиз, Тамаранинг муҳаббати демонга нисбатан бўлса-да, соф севги эди, – дегани қизиқ бўлди. – Уни жаннатга элтган – муҳаб­бати!
— Айтматовнинг «Жамила»си ҳақида ҳам шунга яқин фикрдамисиз?
— Жуфти ҳалолига хиёнат қилиб, бошқа йигит билан кетиб қолган Жамилани айтаяпсизми?
Ахлоқсизликни тарғиб қилаётган бундай асарлардан воз кечиш керак.
– Жамиланинг сиз писанда қилаётган гуноҳларини ювиб кетувчи асоси бор. Бу – севги!
Бундай асарлардан воз кечиб бўлмайди. Чунки улар инсонларни тушунишга ўргатади. Қолаверса, нега ўзингиз ўқийсиз бу каби китобларни?
– Ахир, зиёли одамман, ҳамма нарсани билишим керак. Уларни оқлаётганингизга қараганда унчалик иболи қизлардан эмассиз…
Қиз мириқиб кулиб:
– Тўнка экансиз-ку?! – деди.
Бундан сўнг улар кўришиб қолса, йигит бурнини кўтарадиган, қиз жилмайиб қўядиган бўлди.
У вақти келиб тўққизинчи синфни амаллаб битирган қизга уйланди. Унинг гапларини жон қулоғи билан тинглайдиган бу аёл эрининг шоиру ёзувчиларни тап тортмай танқид қилишига беш кетади.
Ҳаммаси яхши. Эрининг чиройликкина бошини: «Танқидчи олим бўлинг», деб қотиргани ёмон!

Дилрабо МИНГБОЕВА
 




Ўхшаш мақолалар

КИТОБХОН

КИТОБХОН

🕔12:03, 22.05.2020 ✔174

Унинг чиройликкина боши, айниқса, эътиборни тортади. Сочлари қоп-қора. Юзлари сип-силлиқ, чунки у бўлар-бўлмасга кулаверадиганлардан эмас. Озода. Тартибли. Хушмуомала. Кўрган одамнинг ҳаваси келади унга.
 

Батафсил
Балога қарши бизнинг ҳиссамиз мана шу

Балога қарши бизнинг ҳиссамиз мана шу

🕔14:21, 31.03.2020 ✔1659

Ҳар бир синовдан яхшилик қидириш азалдан халқимизга хос фазилат. Дунёнинг кўплаб мамлакатларини хавотирга солган коронавирус балоси бизни ҳам четлаб ўтмаяпти. Шундай синовли дамларда элнинг қиёфаси, ҳар бир инсоннинг кимлиги яққол билинади. Бундай балони даф этишнинг йўли эса бирлашиш, ҳар ким ўз вазифасини сидқидилдан бажариши жуда муҳим. Шифокорлар: «Биз сизнинг саломатлигингиз учун ишдамиз, сиз уйда қолинг» дея қайта ва қайта халқимизга айтаётгани бежиз эмас. Демак, уйда қолиб ҳаммамиз ўзимизни, оиламизни ҳимоя қилайлик. Шу энг катта ёрдамимиз бўлади аслида.
 

Батафсил
«МЕНГА «НОБЕЛЬ»  КЕРАК ЭМАС...»

«МЕНГА «НОБЕЛЬ» КЕРАК ЭМАС...»

🕔11:48, 20.03.2020 ✔1162

Америка Қўшма Штатлари Марказий разведка бошқармаси бир машҳур адибнинг асарини 1957 йили Италияда чоп эттирди. Асар  қўлёзмаси океан ортига қандай қилиб етиб боргани ҳозиргача сир бўлиб қолмоқда...
 

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • КИТОБХОН

    КИТОБХОН

    Унинг чиройликкина боши, айниқса, эътиборни тортади. Сочлари қоп-қора. Юзлари сип-силлиқ, чунки у бўлар-бўлмасга кулаверадиганлардан эмас. Озода. Тартибли. Хушмуомала. Кўрган одамнинг ҳаваси келади унга.
     

    ✔ 174    🕔 12:03, 22.05.2020
  • Балога қарши бизнинг ҳиссамиз мана шу

    Балога қарши бизнинг ҳиссамиз мана шу

    Ҳар бир синовдан яхшилик қидириш азалдан халқимизга хос фазилат. Дунёнинг кўплаб мамлакатларини хавотирга солган коронавирус балоси бизни ҳам четлаб ўтмаяпти. Шундай синовли дамларда элнинг қиёфаси, ҳар бир инсоннинг кимлиги яққол билинади. Бундай балони даф этишнинг йўли эса бирлашиш, ҳар ким ўз вазифасини сидқидилдан бажариши жуда муҳим. Шифокорлар: «Биз сизнинг саломатлигингиз учун ишдамиз, сиз уйда қолинг» дея қайта ва қайта халқимизга айтаётгани бежиз эмас. Демак, уйда қолиб ҳаммамиз ўзимизни, оиламизни ҳимоя қилайлик. Шу энг катта ёрдамимиз бўлади аслида.
     

    ✔ 1659    🕔 14:21, 31.03.2020
  • «МЕНГА «НОБЕЛЬ»  КЕРАК ЭМАС...»

    «МЕНГА «НОБЕЛЬ» КЕРАК ЭМАС...»

    Америка Қўшма Штатлари Марказий разведка бошқармаси бир машҳур адибнинг асарини 1957 йили Италияда чоп эттирди. Асар  қўлёзмаси океан ортига қандай қилиб етиб боргани ҳозиргача сир бўлиб қолмоқда...
     

    ✔ 1162    🕔 11:48, 20.03.2020
  • Китобхон танлови ғолибига автомашина

    Китобхон танлови ғолибига автомашина

    Жиззахда «Китоб дунёси» ва «Китоб маркази» савдо тармоқ марказлари томонидан ташкил этилган «Энг китобхон мактаб» кўрик-танлови ғолибларини тақдирлаш маросими бўлиб ўтди.
     

    ✔ 1211    🕔 10:37, 13.03.2020
  • НАВОИЙ “ХАМСА”СИ ОЗАРБАЙЖОН ТИЛИДА

    НАВОИЙ “ХАМСА”СИ ОЗАРБАЙЖОН ТИЛИДА

    Алишер Навоийнинг беш достонни ўз ичига олган “Хамса” асари озарбайжон тилига таржима қилинди.

    ✔ 1057    🕔 11:26, 06.03.2020
Ҳаммасини кўриш 

Фойдали манбаалар