Оила хуржун      Бош саҳифа

Матбуотнинг кучи

Бешинчи синфдалигимдаёқ газетага мақола ёза бошлаганман. Еттинчи-саккизинчи синфларга чиқиб шеърлар, кичик-кичик ҳикоя, масаллар ёзардим. Мактабни тамомлаган даврларимда эса газетачиликка қўлим анча келишиб қолганди.

Кунларнинг бирида туман газетасида «Чайқовчи» номли ҳажвий шеърим босилиб чиқди. У пайтлар газеталар кўп минг нусхада босилар, унга ҳамма обуна бўлишарди. Орадан уч кун ўтиб маҳалламизда биздан беш-олти уй нарида яшовчи ёши элликларга бориб қолган Иброҳим испи («испуклант», ўзбекча олибсатор) деган киши кириб келди. Отам билан токларни очаётган эдик. У киши бўлса кела солиб бақира кетди.
– Шоир қани, шоир? Бир кўриб қўяйлик, биззи азаматни.
Отам ҳам, мен ҳам, тўғриси, ҳайрон бўлиб анграйиб қолдик. Биз ҳали гап нимадалигини тушунмай туриб, у яна вайсай кетди.
– Ота, болага шундай тарбия беряпсизми? Келиб-келиб ўзининг қўшнисини газетга ёзадими?
Мен гап нимадалигини тушунгандай бўлдим. Отам ҳам мени газетага у-бу ёзиб юрганимдан хабардор эди. Чунки таҳририятдан ҳар ой 20-30 сўм гонорар олардим-да.
– Ҳов, Иброҳим, кел, кел. Нима гап, бундай ётиғи билан тушунтирсанг-чи? Бизнинг ўғил бирон айб иш қилиб қўйибдими? – деди отам бир менга, бир ҳадеб бақираётган Иброҳим испига қараб.
– Мана бу ўғлингиз мени, мана, газетага ёзибди, – деди қўлидаги газетани отамнинг бурни тагигача келтириб. Отам газетани қўлига олиб кўзига шошмасдан ойнагини тақди-да, жўрттагами, шеърни овоз чиқариб ўқиди. Ўқиб бўлгач, «боплабсан-ку, хумпар», деб елкамга уриб қўйди.
– Иброҳим, биринчидан шеърда сенинг исминг ёзилмаган. Буни адабиёт дейдилар. Иккинчидан, ўз қилмишингга иқрор бўлиб келганинг шеърнинг кучини кўрсатиб турибди. Тўғри-да, балодай кучинг бор, далада ишла, келиб- келиб хотинларнинг кўйлагини беш сўмга олиб, ўн сўмга сотгунча, – деди отам жаҳл билан.
– Ҳей, садқаи ота кетинг-эй. Келиб-келиб дардимни сизга айт­димми?
– Иброҳим, оғзингга қараб гапир, тилингга эрк берма. Агар яна жанжал қилиб келадиган бўлсанг, болага айтаман кейинги гал шеър­га исмингни ҳам қўйиб чиқаради.
Иброҳим испи қандай тез келган бўлса, шундай тез чиқиб кетди. Отам белни ерга чалқанчасига қўйиб устига ўтириб қўлидаги газетани яна ўқишга тутунди.
– Аммо, барибир боплабсан, бола. Тузук, тузук. Шеъринг тўғри нишонга тегибди-я...

Болтабой МУҲАММАД ҚУРБОН




Ўхшаш мақолалар

«Ҳайдалган мухбир»

«Ҳайдалган мухбир»

🕔12:43, 26.06.2020 ✔227

Журналистика касбининг ўзига хос ажабтовур олами бор. Журналист деган мардум кунда-кунора бирор «бошоғриқ»қа учрайди, қизиқарли бир ҳангома устидан чиқади. Баъзан ёш боладек соддалиги ҳам бу фидойи инсонлар танлаган касбига мос. Касб байрами арафасида иш жараёнида, ҳаётда содир бўлган «бир қайнови ичида» гаплар, айрим воқеаларни ёдга олмоқчи бўлдик.

Батафсил
Матбуотнинг кучи

Матбуотнинг кучи

🕔12:41, 26.06.2020 ✔230

Бешинчи синфдалигимдаёқ газетага мақола ёза бошлаганман. Еттинчи-саккизинчи синфларга чиқиб шеърлар, кичик-кичик ҳикоя, масаллар ёзардим. Мактабни тамомлаган даврларимда эса газетачиликка қўлим анча келишиб қолганди.

Батафсил
Ханка билан танка

Ханка билан танка

🕔12:24, 26.06.2020 ✔230

Саид АҲМАД

Олимбой ака келинини кутиб олиш учун раисдан «Волга»ни сўраб, қоқ пешинда станцияга чиқди. Поезд келиб вагон эшигидан ўғли Тантибой билан келинининг қораси кўриниши биланоқ пешонасига шарт этиб биттани туширди! Бай-бай-бай! Келин деган ҳам шундоқ, латта қўғирчоқ бўладими? Ойдеккина экансан-ку, ола-байроқ кийимларга бало борми? Ўзинг-ку, ҳомиладорсан, сипороқ кийинмайсанми, қизталоқ!
 

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • «Ҳайдалган мухбир»

    «Ҳайдалган мухбир»

    Журналистика касбининг ўзига хос ажабтовур олами бор. Журналист деган мардум кунда-кунора бирор «бошоғриқ»қа учрайди, қизиқарли бир ҳангома устидан чиқади. Баъзан ёш боладек соддалиги ҳам бу фидойи инсонлар танлаган касбига мос. Касб байрами арафасида иш жараёнида, ҳаётда содир бўлган «бир қайнови ичида» гаплар, айрим воқеаларни ёдга олмоқчи бўлдик.

    ✔ 227    🕔 12:43, 26.06.2020
  • Матбуотнинг кучи

    Матбуотнинг кучи

    Бешинчи синфдалигимдаёқ газетага мақола ёза бошлаганман. Еттинчи-саккизинчи синфларга чиқиб шеърлар, кичик-кичик ҳикоя, масаллар ёзардим. Мактабни тамомлаган даврларимда эса газетачиликка қўлим анча келишиб қолганди.

    ✔ 230    🕔 12:41, 26.06.2020
  • Ханка билан танка

    Ханка билан танка

    Саид АҲМАД

    Олимбой ака келинини кутиб олиш учун раисдан «Волга»ни сўраб, қоқ пешинда станцияга чиқди. Поезд келиб вагон эшигидан ўғли Тантибой билан келинининг қораси кўриниши биланоқ пешонасига шарт этиб биттани туширди! Бай-бай-бай! Келин деган ҳам шундоқ, латта қўғирчоқ бўладими? Ойдеккина экансан-ку, ола-байроқ кийимларга бало борми? Ўзинг-ку, ҳомиладорсан, сипороқ кийинмайсанми, қизталоқ!
     

    ✔ 230    🕔 12:24, 26.06.2020
  • Анализ

    Анализ

    Одамнинг шарманда бўлиши жуда осон экан. Ўн беш кун шифохонада ётаман деб, элу-юртга масхара бўлаёздим.
     

    ✔ 412    🕔 12:15, 15.06.2020
  • Куёвбола ва тўтиқуш

    Куёвбола ва тўтиқуш

    Ниҳоят, ўғилни уйлайдиган бўлдик. Ўзига қолса ҳали-бери уйланиш хаёлига келмайди. Ҳозир қайси бола «Ота, менга хотин олиб беринг!», дейди?
     

    ✔ 209    🕔 11:34, 15.06.2020
Ҳаммасини кўриш 

Фойдали манбаалар