Долзарб мавзу      Бош саҳифа

МОНОПОЛЛАР, УЯЛМАЙСИЗМИ?!

Депутат монопол компанияларни жиддий саволга тутди

МОНОПОЛЛАР, УЯЛМАЙСИЗМИ?!

Инқирозга қарши курашиш жамғармаси маблағларининг сарфланиши бўйича Олий Мажлис Қонунчилик палатаси депутати Расул Кушербаев ижтимоий тармоқлардаги саҳифаларида ўз муносабатини билдирди:

Яқинда Президент Фармони билан Молия вазирлиги ҳузурида Инқирозга қарши курашиш жамғармаси ташкил этилганди. Жамғарманинг асосий мақсади коронавирусга қарши курашиш бўйича чораларга сарфланиши керак бўлган маблағлар ташкил этади. Бу ҳаммага маълум.

Куни кеча ушбу жамғарманинг даромад ва харажатлари эълон қилинди. Рақамларни кўриб, мана шундай оғир шароитда ҳам бизни «боқиманда», халқ ҳисобига кун кўриб юрган монополистларимиз «безбетларча» катта-катта маблағларга эга бўлаётганлиги асабларни таранг қилмоқда.

Эътибор қилинг: корона-вирусга қарши кураш тадбирлари учун мамлакат бўйича 907 млрд., шифохона ва карантин мажмуаларини қуриш ва жиҳозлаш учун жами 684 млрд. сўм ажратилган бир вақтда иқтисодиётни қўллаб-қувватлаш деган банд билан бизни «боқиманда», «эркатой» монополчиларимиз бўлган «Uzbekistan airways» АЖга ссуда тариқасида 406 млрд., «Uzbekistan airports» АЖга ссуда тариқасида 101 млрд., «Ўзбекнефтгаз» АЖга субсидия ҳисобида 401 млрд., «Биринчи резинотехника заводи» МЧЖга ссуда тариқасида 40 млрд., «Иссиқлик электр станциялари» АЖга субсидия тариқасида 500 млрд., «Ҳудудий электр тармоқлари» АЖга ссуда тариқасида 250 млрд. сўм миқдоридаги маблағлар ажратилган. Бир нечта монополистга ажратилган маблағ жами коронавирусга қарши кураш учун ажратилаётган маблағдан ҳам кўп. Бу инсофсизлик эмасми?

Истеъмолчи сифатида халқимизга танлов имкониятини бермайдиган ҳурматли монополчиларимиз фаолиятидан одамларимиз шу кунга қадар рози бўлиб келганда ҳам алам қилмасди.

Айтинг, қайси биридан биз розимиз: дунёда нефт нархи минус даражага тушган вақтда ҳам бензин нархини бир икки ҳафтага номига тушириб, яна қайтариб қўйган «ўйинчи» «Ўзбекнефтгаз»данми, билет нархлари осмон, сифати паст «Uzbekistan airways» номли ҳаво йўллариданми ёки жойларда нормал чироқ ёқиб ўтиришдан ҳам маҳрум қилаётган электр тармоқлариданми?

Айтинг, ҳурматли монополлар: халқ бошига тушган кулфат вазиятда сиз қайси хизматингиз учун бу пулларга шерик бўляпсиз? Шу кунларда ҳам халқ бўйнига ўлигингизни ташлашга уялмайсизми?

Мана монополиянинг оқибати: улар давлат ва халқнинг танасини ўлгунча зулукдек сўришади, халқ кулса ҳам, ўлса ҳам улар доимо юк, миллионлаб одамлар бир нечта «эркатой»ни боқишга маҳкум бўлади. Шу сабаб, давлат бу зулуклардан кечиб майдонни мард, ҳалол, масъулиятли  рақобатчиларга тезроқ бўшатиб бериши керак.




Ўхшаш мақолалар

«ХАЛҚ МАШИНАСИ»НИНГ НАРХИ

«ХАЛҚ МАШИНАСИ»НИНГ НАРХИ

🕔16:02, 03.08.2020 ✔73

нега халқнинг чўнтагига яраша эмас?

Батафсил
ҚУРБОН ҲАЙИТИДА  БАЖАРИЛАДИГАН АМАЛЛАР

ҚУРБОН ҲАЙИТИДА БАЖАРИЛАДИГАН АМАЛЛАР

🕔15:59, 03.08.2020 ✔45

Ноқулай шароит уларга монелик қилмайдими?

Батафсил
Калтак яна тиббиётнинг “етим” бўғини бошида синадимми?

Калтак яна тиббиётнинг “етим” бўғини бошида синадимми?

🕔13:58, 25.07.2020 ✔325

Амалга оширилаётган, оширилиши лозим бўлган тадбирлар ҳақида ҳамма ўз фикрини билдирмоқда, кимдир раҳбарларни танқид қилса, кимдир аҳоли жон бошига пул тарқатилишини талаб қилади, кимдир карантин чоралари узайтирилиши шарт деса, бошқаси карантиндан фойда йўқлигини даъво қилмоқда.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

Ҳаммасини кўриш 

Фойдали манбаалар