Бугуннинг гапи      Бош саҳифа

РИЁ  ЯХШИЛИКЛАРНИ  КЕТКАЗАДИ

— Баъзилар Рамазон ойида катта-катта ресторан ва тўйхоналарда кўпчиликка дабдабали ифторликлар қилиб беришади.

РИЁ  ЯХШИЛИКЛАРНИ  КЕТКАЗАДИ

Тўй ва маросимларни ихчамлаштириш долзарб масала бўлиб турган бугунги кунда диний удум саналган ифторликларни бунчалик дабдаба билан ўтказиш, унга имом-хатибларимиз бош бўлиши тўғримикан?  

Рислиғой СОЛИХЎЖАЕВА,

Тошкент шаҳри

— Аслида Рамазон ойи барча амаллар холис қилинадиган, риё ва ҳаддан ошишдан, бошқаларга малол келтиришдан сақланиладиган муборак ой. Бу ойда инсон буюрилган хайрли ишларга кеча-кундуз қатъий амал қилиш ҳаракатида бўлади.

Ҳадислардан бирида яримта хурмо садақа қилиб бўлса ҳам банда ўзини дўзах азобидан қутқариши лозимлиги баён қилинган. Бу ҳадис бандаларни марҳаматли ва мурувватли бўлишга, бошқаларга ёрдам кўрсатишга, хайр-эҳсон қилишга даъват этади. Муҳтожларга таом улашиш эса Рамазон ойида қилинадиган энг хайрли амаллардан биридир. Бу амал юртимизда асосан саҳарлик ва ифторлик тарзида намоён бўлади.

Дастурхон ёзиб, халқни таомлантириш яхши амал, фақат шариатимизда унинг ўзига яраша талаблари бор. Аввало, халқни таомлантириш ўз бойлигини бировларга кўз-кўз қилиб, билдириб қўйиш учун эмас, савоб умидида, холис қилиниши керак. Таклиф этиладиганлар ҳақиқатда эҳсонга муносиб, таомланишга муҳтож кишилар бўлишига ҳам алоҳида эътибор қаратиш зарур.

Рўза еб-ичишдан маълум миқдорда тийилишни талаб этади. Жумладан, саҳарликда ҳар куни нонуштада тановул қилинадиган миқдордан камроқ овқатланиш керак. Шу билан рўзадор субҳдан шомгача ҳеч нарса истеъмол қилмайди. Ифторликда эса Рамазондан бошқа кунлари кечги овқатга ейдиган таомидан камроғини истеъмол қилади. Рамазонда бировнинг олдига саҳарлик ё ифторлик учун дастурхон ёзмоқчи бўлган киши мана шу жиҳатларни албатта инобатга олиши ва қатъий риоя қилиши шарт. Акс ҳолда, рўзадорни малоллантириб қўяди. Мижози бир-бирига мутлақо тўғри келмайдиган таомларни кетма-кет тановул қилиш, унинг устига турли қўшимча ноз-неъматлар билан озиқланиш, ҳазми оғир овқатларни истеъмол қилиш рўзадан кўзланган умумий мақсадларга зиддир.

Айниқса, шаҳарларимизда ифторлик баҳонасида — хоҳ у уйда бўлсин, хоҳ ресторанда — юзлаб кишиларга дастурхон ёзилади. Энг ачинарлиси шундаки, ифторлик тугагандан кейин дастурхондаги етмиш-саксон фоиз ноз-неъмат шундайлигича қолиб кетади. Кўп ҳолларда бировнинг қўли теккан ва дастурхондан қайтган озиқ-овқатлар исроф қилинади. Бу шариатга мувофиқ эмас, чунки шариатимизда исрофгарчилик қаттиқ қораланган. Натижада, ифторлик қилиб савобга эришаман деган киши йўл қўйган риёкорлиги, дабдабабозлиги ва исрофгарлиги учун гуноҳкор бўлади.                              

Бунинг ўрнига ифторлик масаллиқларини бир неча муҳтож оилаларга улашиб бериш ҳам мумкин. Бундай қилиш юқорида санаб ўтилган ва гуноҳга сабаб бўладиган ҳолатнинг олдини олади.

Рамазон ойидаги бундай амалларни ортиқча дабдабаларсиз элу юртга манфаати тегадиган тарзда ўтказишга имом-хатибларимиз ва тегишли масъуллар доимий тарғиб қилиб келишяпти.

Ислом УБАЙДУЛЛАЕВ,

Тошкент шаҳридаги

«Доруссалом» жоме масжиди имом ноиби     




Ўхшаш мақолалар

Оларда кирар жоним, берарда чиқар...

Оларда кирар жоним, берарда чиқар...

🕔10:23, 16.03.2019 ✔27

Аслида йўқ, лекин солиқчилар рўйхатида бор шаҳарча

Батафсил
«Х» ва «Ҳ»...  даҳмазаси

«Х» ва «Ҳ»... даҳмазаси

🕔12:00, 07.03.2019 ✔38

Пенсияга чиқиш арафасида айрим фуқароларимиз дуч келадиган бир муаммо бор. Гап шундаки, шахсини тасдиқлови ҳужжатда исм-шарифи меҳнат дафтарчасида ёинки талаб этиладиган бошқа бирор ҳужжатда ёзилгани билан тўғри келмай қолса, бу ўз-ўзидан пенсия тайинлашда мураккабликларни туғдиради.

Батафсил
Орқага йўл йўқ

Орқага йўл йўқ

🕔11:59, 07.03.2019 ✔41

Миллионлаб ёшлар қайта савод чиқарадими?

Лотин ёзувига асосланган янги имлога ўтиш ҳақидаги ишлар бошланганига деярли чорак аср вақт бўлиб қолди.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Оларда кирар жоним, берарда чиқар...

    Оларда кирар жоним, берарда чиқар...

    Аслида йўқ, лекин солиқчилар рўйхатида бор шаҳарча

    ✔ 27    🕔 10:23, 16.03.2019
  • «Х» ва «Ҳ»...  даҳмазаси

    «Х» ва «Ҳ»... даҳмазаси

    Пенсияга чиқиш арафасида айрим фуқароларимиз дуч келадиган бир муаммо бор. Гап шундаки, шахсини тасдиқлови ҳужжатда исм-шарифи меҳнат дафтарчасида ёинки талаб этиладиган бошқа бирор ҳужжатда ёзилгани билан тўғри келмай қолса, бу ўз-ўзидан пенсия тайинлашда мураккабликларни туғдиради.

    ✔ 38    🕔 12:00, 07.03.2019
  • Орқага йўл йўқ

    Орқага йўл йўқ

    Миллионлаб ёшлар қайта савод чиқарадими?

    Лотин ёзувига асосланган янги имлога ўтиш ҳақидаги ишлар бошланганига деярли чорак аср вақт бўлиб қолди.

    ✔ 41    🕔 11:59, 07.03.2019
  • Менинг 500 сўмим...

    Менинг 500 сўмим...

    Қўл кўтармасимдан «маршрутка» ғиз этиб келиб тўхтади. Машина эшигини очар-очмасимдан «қаергача», дея сўради ҳайдовчи. Тушадиган манзилимни айтдим. «Ундай бўлса, 2000 сўм, — деди у бамайлихотир. — Яқинроқда тушсангиз, 1500 сўм бўлади».

    ✔ 48    🕔 11:57, 07.03.2019
  • Энди фақат пул тўлаганлар ва...  билимлилар ўқишга киради (ми?)

    Энди фақат пул тўлаганлар ва... билимлилар ўқишга киради (ми?)

    Бугун олий таълимни тамомлаб ишга келган ёш кадрларнинг билимсиз ва жуда «хом» экани кўп соҳаларда баралла айтиляпти. Таълим тизими вакиллари эса бунга қинғир йўллар билан ўқишга кириб, шу аҳволда битираётганларни сабаб қилиб кўрсатишади.

    ✔ 69    🕔 14:16, 01.03.2019
Ҳаммасини кўриш 

Фойдали манбаалар