Давр нафаси      Бош саҳифа

Истиқлол – Ўзбекистоннинг шонли тарихида ҳамиша энг ёрқин, ўчмас саҳифа

Мамлакатимиз мустақиллигининг ҳар бир йили қадрли, салмоқли. 30 йиллик эса бу тарихни ўзида қамраган янада шонли сана. Шу кунларда халқимиз мазкур айёмни зўр шоду хуррамлик билан 
нишонламоқда.

Истиқлол –  Ўзбекистоннинг шонли тарихида ҳамиша энг ёрқин, ўчмас саҳифа

Бу йилги байрам тантанаси шу санага бағишлаб бунёд этилган «Янги Ўзбекистон» боғида ўтказилди, дея хабар берди ЎзА.
Ўзбекистон Республикаси Президенти Шавкат Мирзиёев нутқ сўзлаб, бутун халқимизни мустақилликнинг 30 йиллик байрами билан табриклади.
– Барчамизга аёнки, эл-юртимиз асрлар давомида озод ва эркин ҳаётни, адолатли жамиятни орзу қилиб яшади. Бу муқаддас мақсад йўлида жон олиб, жон бериб курашди, машаққатли синовларни мардона енгиб ўтди. Халқимиз қалбидаги ҳуррият сари эзгу интилишни ҳеч қандай босқин, зулм ва зўравонликлар йўқота олмади. 1991 йил 31 август куни мамлакатимиз ҳаёти ва тақдирида туб бурилиш ясаган, том маънодаги буюк тарихий воқеа юз берди. Неча юз йиллар давомида келажакка катта умид ва ишонч билан қараб, ҳамиша сабр-матонат билан яшаган халқимиз улуғ орзусига эришди – ўзининг давлат мустақиллигини қўлга киритди, – деди Шавкат Мирзиёев.
Давлатимиз раҳбари Ўзбекистон мустақиллигини эълон қилиб, тарихимизнинг энг мураккаб ва оғир даврларида давлатимизни бошқарган Биринчи Президентимиз Ислом Каримовни, унинг раҳбарлигида амалга оширилган улкан ишларни эсга олди.
Истиқлол йилларида юртимизда янги давлат ва жамият қурилди. Замонавий давлатчилик асослари, қонун чиқарувчи, ижро этувчи ва суд ҳокимиятлари шаклланди. Қадимий тарихимиз, бой маданий меросимиз, миллий-диний қадриятларимиз, ўзлигимиз тикланди. Ватанимиз жаҳон ҳамжамиятидан муносиб ўрин эгаллади.
Инсон ҳуқуқлари ва қонуний манфаатларини, сўз ва виждон эркинлигини таъминлашга алоҳида эътибор берилмоқда. Инсон ҳуқуқлари бўйича Миллий стратегия қабул қилинди. Кўп йиллардан буён жиддий муаммо бўлиб келган мажбурий ва болалар меҳнати тўлиқ тугатилди.
Ўзбекистон Республикаси тарихда илк бор Бирлашган Миллатлар Ташкилотининг Инсон ҳуқуқлари бўйича кенгаши аъзолигига сайланди. Бу эса ушбу йўналишдаги ислоҳотларимиз халқаро ҳамжамият томонидан эътироф этилаётганининг яққол тасдиғидир.
Охирги беш йил кескин синовлар даври бўлди. Айниқса, 2020 йили бошланган коронавирус пандемияси ва шу сабабли келиб чиққан иқтисодий инқироз глобал дунёнинг ажралмас қисми сифатида Ўзбекистон учун ҳам жиддий муаммоларни юзага келтирди.
– Яратганнинг инояти, эл-юртимизнинг аҳиллиги ва фидокорона меҳнати билан бу машаққатли синовларни мардона енгиб ўтмоқдамиз. Мамлакатимизда олиб борилаётган жадал ва кенг кўламли ислоҳотлар юртимизда янги даврни – янги Ўзбекистон даврини бошлаб берди, – дея таъкидлади Президент.
Бу асосий иқтисодий кўрсаткичларда ҳам намоён. Хусусан, 2017-2020 йилларда мамлакатимизнинг иқтисодий ўсиш даражаси 18,3 фоизни ташкил этиб, ялпи ички маҳсулот 60 миллиард долларга етди. Ташқи савдо айланмаси 2016 йилдаги 24 миллиард доллардан 2020 йилда 36 миллиард долларга кўпайди.
Ишбилармон доираларнинг мамлакатимизга ишончи ортди. Инвестицияларнинг умумий ҳажми қисқа муддатда 2,1 мартага, шу жумладан, хорижий инвестициялар ҳажми 3 баробарга яқин ўсди.
Жойларда йирик заводлар, кичик саноат зоналари, инфратузилма иншоотлари, IT-парклар ишга туширилди. Саноат ва қишлоқ хўжалигида кластер тизими йўлга қўйилди. Тадбиркорлик ҳар томонлама қўллаб-қувватланаётгани аҳолини иш билан таъминлашда муҳим омил бўлмоқда. 
– Бугун ишонч билан айта оламизки, Ўзбекистон учун глобал инқирознинг оғир дамлари ортда қолмоқда, – деди давлат раҳбари.
Иқтисодиёт ривожини аҳолининг реал ялпи даромади 2016 йилга нисбатан 28 фоизга ўсганида ҳам кўриш мумкин. Ислоҳотлар доирасида қабул қилинган йирик дастурлар аҳоли фаровонлигини оширишга хизмат қилмоқда.
«Обод қишлоқ» ва «Обод маҳалла» дастурлари натижасида кўп жойлар қурилиб, таъмирланди. 2017-2020 йиллар давомида 140 мингдан зиёд арзон ва сифатли уй-жойлар бунёд этилди. Ушбу кўрсаткич 2016 йилга нисбатан қарийб 11 бараварга кўп.
Ижтимоий соҳаларда амалга оширилган ишлар ҳам қайд этилди. Бирламчи ва шошилинч тиббий ёрдам тизими сифат жиҳатидан ўзгарди. Ихтисослашган тиббий марказлар, кўплаб клиникалар барпо этилди. Ўз вақтида кўрилган чоралар туфайли коронавирус пандемиясига қарши самарали курашилди.
Таълим соҳасидаги натижаларни алоҳида таъкидлаш жоиз. Аввало, мактабгача таълимга алоҳида эътибор қаратилиб, бу борадаги қамров даражаси 62 фоизга етди.
Янги турдаги таълим масканлари, хусусан, Президент мактаблари, ижод мактаблари, ихтисослашган мактаблар фаолияти йўлга қўйилмоқда. Биргина жорий йилда математика фани бўйича 56 та, кимё-биология фани бўйича 28 та, информатика ва ахборот-коммуникация технологиялари бўйича 14 та ана шундай мактаблар ташкил этилди.
Сўнгги беш йилда 64 та янги олий таълим муассасаси ташкил этилиб, уларнинг сони 141 тага етказилди. Қабул квотаси 3 баробар оширилди. Эндиликда битирувчи ёшларни олий таълим билан қамраб олиш даражаси 2016 йилги 9 фоиздан 28 фоизга етказилди. Бундан ташқари, ёшлар талаб юқори бўлган замонавий касб-ҳунарларга ўргатилмоқда.
Тинчлик-осойишталикни мус­таҳкамлаш, халқаро ҳамкорликни ривожлантириш борасидаги ишларнинг аҳамияти қайд этиб ўтилди.
Охирги йиллардаги очиқ ва прагматик ташқи сиёсат туфайли мамлакатимизнинг минтақа ва жаҳон миқёсидаги нуфузи ошди. Дунёда Ўзбекистонга нисбатан ишонч руҳи ва ҳамкорликка интилиш тамойиллари кучайди.
Минтақамизда дўстлик ва яхши қўшничилик муносабатлари йўлга қўйилгани натижасида жаҳон сиёсатшунослигида «Марказий Осиё руҳи» деган ибора пайдо бўлди.
Сўнгги кунларда Афғонистонда юз бераётган воқеаларга ҳам тўхталиб ўтилди.
Давлатимиз раҳбари Ўзбекис­тон ушбу мамлакатда тезроқ тинчлик ва барқарорлик ўрнатилиши тарафдори эканини, ҳокимият транзити халқаро ҳуқуқнинг умумэътироф этилган меъёрларини инобатга олган ҳолда, миллий келишув асосида тинч йўл билан амалга оширилиши муҳимлигини таъкидлади.
Президентимиз байрам тадбирида қатнашган хорижий давлатлар элчилари, халқаро ташкилотлар вакиллари ва чет эллик шерикларни ҳам қутлаб, эзгу тилакларини билдирди.
Мамлакатимиздаги ислоҳотлар муқаррар тус олгани, халқимиз уларни қўллаб-қувватлаб, фаол иштирокчисига айлангани таъкид­ланди.
Ҳа, орадан ҳали қанча йиллар, асрлар ўтади. Юртимизда янги-янги авлодлар дунёга келади. Миллий давлатчилигимизни тиклаб, бизга тараққиёт ва фаровонликка эришиш йўлида мана шундай беқиёс имкониятларни яратиб берган истиқлолимиз жонажон Ватанимизнинг шонли тарихида ҳамиша энг ёрқин, ўчмас саҳифа бўлиб қолади.
 




Ўхшаш мақолалар

Энди қонун Конституцияга  мувофиқлигини текшириш бўйича  Конституциявий судга  шикоят қилиш мумкин

Энди қонун Конституцияга мувофиқлигини текшириш бўйича Конституциявий судга шикоят қилиш мумкин

🕔16:01, 16.09.2021 ✔30

Суд – барча демократик давлатларда ҳокимиятнинг алоҳида тармоғи сифатида эътироф этилади. Мустақиллик йилларида мамлакатимизда ҳам судлар алоҳида мустақил ҳокимият тармоғи сифатида шаклланди.

Батафсил
Истиқлол –  Ўзбекистоннинг шонли тарихида ҳамиша энг ёрқин, ўчмас саҳифа

Истиқлол – Ўзбекистоннинг шонли тарихида ҳамиша энг ёрқин, ўчмас саҳифа

🕔10:13, 06.09.2021 ✔59

Мамлакатимиз мустақиллигининг ҳар бир йили қадрли, салмоқли. 30 йиллик эса бу тарихни ўзида қамраган янада шонли сана. Шу кунларда халқимиз мазкур айёмни зўр шоду хуррамлик билан 
нишонламоқда.

Батафсил
Халқимиз юрагидаги оғриқ уни ҳамиша изтироб билан ёдга оламиз

Халқимиз юрагидаги оғриқ уни ҳамиша изтироб билан ёдга оламиз

🕔10:11, 06.09.2021 ✔58

31 август куни эрта тонгда Шаҳидлар хотираси хиёбонида Ватан озодлиги йўлида фидо бўлган аждодлар руҳига ҳурмат бажо келтирилди. 
 

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Энди қонун Конституцияга  мувофиқлигини текшириш бўйича  Конституциявий судга  шикоят қилиш мумкин

    Энди қонун Конституцияга мувофиқлигини текшириш бўйича Конституциявий судга шикоят қилиш мумкин

    Суд – барча демократик давлатларда ҳокимиятнинг алоҳида тармоғи сифатида эътироф этилади. Мустақиллик йилларида мамлакатимизда ҳам судлар алоҳида мустақил ҳокимият тармоғи сифатида шаклланди.

    ✔ 30    🕔 16:01, 16.09.2021
  • Истиқлол –  Ўзбекистоннинг шонли тарихида ҳамиша энг ёрқин, ўчмас саҳифа

    Истиқлол – Ўзбекистоннинг шонли тарихида ҳамиша энг ёрқин, ўчмас саҳифа

    Мамлакатимиз мустақиллигининг ҳар бир йили қадрли, салмоқли. 30 йиллик эса бу тарихни ўзида қамраган янада шонли сана. Шу кунларда халқимиз мазкур айёмни зўр шоду хуррамлик билан 
    нишонламоқда.

    ✔ 59    🕔 10:13, 06.09.2021
  • Халқимиз юрагидаги оғриқ уни ҳамиша изтироб билан ёдга оламиз

    Халқимиз юрагидаги оғриқ уни ҳамиша изтироб билан ёдга оламиз

    31 август куни эрта тонгда Шаҳидлар хотираси хиёбонида Ватан озодлиги йўлида фидо бўлган аждодлар руҳига ҳурмат бажо келтирилди. 
     

    ✔ 58    🕔 10:11, 06.09.2021
  • «Демак, ўйинимиз дуранг  билан тугар экан!»

    «Демак, ўйинимиз дуранг билан тугар экан!»

    Ўзбекистон Республикаси Биринчи Президенти Ислом Каримовнинг долзарб минтақавий ва халқаро масалалар юзасидан билдирган фикрлари ҳамиша катта эътибор қозонар, сиёсатшунос ва таҳлилчилар учун катта мунозара объектига айланар эди.
    Мустақилликнинг дастлабки даврида Ислом Каримовнинг тинчлик ва барқарорликни таъминлашга қаратилган халқаро аҳамиятга молик кўплаб ташаббуслари ғоя ҳолидан воқелик сари қимирлар экан, айримлар бу ташаббуслар иш беришига кўзи етмаслигини баён қилар, яна баъзилар уларга сиёсий обрў орттириш йўлидаги ҳаракат, деб таъриф берар эди.

    ✔ 55    🕔 10:08, 06.09.2021
  • Қуёш фотоэлектр  станцияси истиқлолнинг ўттиз йиллигига муносиб совға бўлди

    Қуёш фотоэлектр станцияси истиқлолнинг ўттиз йиллигига муносиб совға бўлди

    Мамлакатимизнинг устувор йўналишларидан бири барчамиз учун глобал масалага айланаётган электр энергиясининг зарурлиги ва ундан оқилона фойдаланиш, арзон, ишончли, барқарор ва замонавий энергетикани жорий этиш чораларини кўришдан иборатдир.

    ✔ 49    🕔 10:07, 06.09.2021
Ҳаммасини кўриш 

Фойдали манбаалар