Давр нафаси      Бош саҳифа

БУЮК МЕЪМОРНИНГ ЭСКИ ШАҲАРДАГИ БУЮК ИШЛАРИ

Ойлар, йиллар ўтаверади, Биринчи Президентимиз Ислом Каримовнинг мамлакатимиз, жумладан, пойтахтимизда амалга оширган буюк бунёдкорлик ишлари бот-бот эсга олинаверади, халқимиз ўзининг улуғ Йўлбошчисини ҳеч қачон унутмайди...

БУЮК МЕЪМОРНИНГ ЭСКИ ШАҲАРДАГИ БУЮК ИШЛАРИ

Нақадар бахтли миллатмиз. Тўрт фасли тугал, серқуёш, саховатли ва баракали заминимиз бор. Дунёда саноқли давлатлар қатори ер усти ва ер ости бой ресурсларига эгамиз. Энг муҳими, Ислом Каримовдай тинчлик, барқарорлик, фаровонлик ва тараққиёт раҳнамоси, буюк давлат арбоби раҳбарлигида халқимиз ўз ҳаётини ўнглаб, аниқ йўлга солиб олди.

Пойтахтимизнинг истиқлолдан аввалги ва бугунги қиёфасини, айниқса, Эски шаҳардаги ўзгаришларни таққосласам, ер билан осмонча фарқ кўраман.

Ислом Каримов республикамизга раҳбар бўлгач, кўп ўтмай, Тошкентнинг Эски шаҳар қисмидаги  аҳвол билан бевосита танишди. Бир хонадонга кирди: каталакдай ҳовлида тўққиз оила тиқилиб яшаётган экан. Ичимлик сув танқис — одамлар ярим тунда челагини жўмрак остига қўяр, саҳаргача томчилаган сувдан челак тўлиб-тўлмасди. Ичимлик сув машинада келтириларди. Ҳаммом масаласини-ку гапирмаса ҳам бўлади. Кимдир уйига кўмир келтирса, маҳалла бошидан замбилда таширди. Чунки кўчага машина киролмасди.

Ислом Каримов бутун республикамиз мураккаб иқтисодий-ижтимоий муаммолар гирдобига ботган бир пайтда — 1990 йил 20 январда Тошкент шаҳар фаоллари билан учрашиб, бу долзарб масалалар сабаб-оқибатлари ва амалий ечимини муҳокама қилди. Эски шаҳарда 7 минг оила киши бошига ўртача 5 квадрат метр тўғри келадиган шароитда яшаётгани, бу энг оддий ҳаёт таъминоти шартларига ҳам мос келмаслиги рўй-рост айтилди. Тарихда биринчи марта Эски шаҳарнинг тарихий меъморий қиёфасини асраб қолган ҳолда тубдан таъмирлаш ва ободонлаштириш ҳақида гап борди.

Биринчи Президентимиз ғояси асосида Эски шаҳарни қайта қуришнинг бош режаси ишлаб чиқилгач, аввал кўчалар ке­нгайтирилди. Бунда бир муаммо — илгари йўллар учун захира ер ташлаб кетилмагани кўп халал берди. Чунки бир кун келиб Ўзбекистон мустақил бўлиши, ўзи автомобиль заводи қуриши, ҳар икки оиладан бири шахсий автомобилга эга бўлиши кимнинг тушига кирибди дейсиз?!

Эски шаҳарни қайта қуришнинг бош режасида келгуси авлодларнинг ҳам манфаатлари ҳисобга олинди. Шу бош режа асосида 2013 йили Хадра майдони ободонлаштирилиб, Фурқат кўчасини Зарқайнар ва Себзор кўчалари билан боғлайдиган ер ости автомобиль йўли реконструкция қилинди. Фурқат кўчасидан ўтувчи 82 метрлик пиёдалар йўлаги таъмирланди. Хадра майдонида 12 метрлик рангли фаввора бунёд этилгач, бу ер оилавий дам оладиган гўзал масканлардан бирига айланди.

2015 йил май ойида Себзор ва Абдулла Қодирий кўчалари кесишган чорраҳада янги, замонавий кўприк очилиб, бу чорраҳадаги тирбандликлар бартараф бўлди. Шу пайтгача Себзор кўчасидан соатига 3,2 минг автомобиль қатнаган бўлса, энди бу кўрсаткич 9,8 мингтага етди.

Яна бир жиҳат: шундай замонавий, муҳташам кўприк 8 ойда бунёд этилди. Ахир илгари бунинг учун камида икки-уч йил вақт ва четдан мутахассислар ёрдами керак бўларди. Энди мамлакатимизда замонавий шаҳарсозлик, йўлсозлик тажрибаси тўла шаклланди.

Эски шаҳарни янгилаш бош режасида бир муаммо юзага келди: илгари бу ҳудудларга марказлашган муҳандислик-коммуникация тизими келтирилмаган экан. Шу боис Биринчи Президентимиз бу ерда уйлар қуришдан аввал 2014 йили Олмазор ва Шайхонтоҳур туманларини кесиб ўтган, Форобий, Қорасарой, Сағбон, Себзор ва Лабзак кўчаларини ўзаро туташтирган 5,1 километр узунликдаги янги Нурафшон кўчасини барпо қилдирди. Кўчанинг икки четидан кундалик турмуш учун зарур барча муҳандислик-коммуникация тизими ўтказилди.

Президентимиз Эски шаҳардаги кўп қаватли уйларни қурдиришда шамол йўналиши, қуёш нурининг тушишигача ҳисобга олди. Мирзо Улуғбек номидаги Астрономия институти олимлари йил ва кун давомида қуёш ҳудуднинг қайси нуқталари устидан ўтишини аниқлади. Шунга асосан уйлар хоналарга қуёш нури 2,5-3 соат тушадиган қилиб жойлаштирилди. Бу билан ёзда уй исиб кетмайди, қишда уларни иситиш таъминланади. Бинонинг деворлари уй ичидаги иссиқликни сақлайдиган қилиб қурилган. Ҳар хонадонда алоҳида иссиқлик ва сув иситиш тизимлари ўрнатилган. Бу хона ҳароратини индивидуал бошқариш, энергия сарфини 2 баробаргача қисқартириш имконини беради.

Йўл бўйидаги уйлар бир қаторга эмас, балки кўчадан ҳар хил узоқликда қурилган: оралиқ масофалари кенг олинган. Бу — мавзеда шамол айланишини яхшилайди. Умуман, Эски шаҳардаги кўплаб пала-партиш иморатлар тартибга келтирилгач, бу ернинг аҳолиси илк марта уйидан туриб тоғни кўрди, кўксига шабада тегди.

...Оққан дарё оқаверади, Ислом Каримов бошлаган улуғ бунёдкорликлар янги авлодлар куч-ғайрати, ақл-салоҳияти ва жасорати билан бардавом бўлаверади. Аслида қурилишдан мақсад — ободлик. Бу фақат ҳудуд эмас, балки кўнгил ободлигидир. Инсонлар ҳар бир иморат, маскан, борингки, оддий фавворада ҳам ўзининг эркин ва фаровон ҳаётини кўрса, шунга интилиб яшаса, ўзи истаган ёруғ манзилга, албатта, етади.        

Муҳаммаджон ЗУФАРОВ,

 «Нуроний» жамғармаси Тошкент шаҳар бўлими Кенгаши раиси,

Олий Мажлис Сенати аъзоси.

(ЎзА)




Ўхшаш мақолалар

Шавкат МИРЗИЁЕВ: АДАБИЁТ ХАЛҚНИНГ ЮРАГИ,  ЭЛНИНГ МАЪНАВИЯТИНИ КЎРСАТАДИ

Шавкат МИРЗИЁЕВ: АДАБИЁТ ХАЛҚНИНГ ЮРАГИ, ЭЛНИНГ МАЪНАВИЯТИНИ КЎРСАТАДИ

🕔11:24, 27.05.2020 ✔256

Президент Шавкат Мирзиёев 20 май куни Алишер Навоий номидаги Ўзбекистон Миллий боғида барпо этилган Адиблар хиёбонига ташриф буюрди, дея хабар берди Ўзбекистон Президентининг Матбуот хизмати.

Батафсил
НИЯТ ХОЛИС БЎЛМАСА,  АМАЛЛАРНИНГ ФОЙДАСИ ЙЎҚ

НИЯТ ХОЛИС БЎЛМАСА, АМАЛЛАРНИНГ ФОЙДАСИ ЙЎҚ

🕔11:23, 27.05.2020 ✔256

Бисмиллаҳир Роҳманир Роҳийм.
Аллоҳ таолога беадад шукрки, умримизнинг яна бир ойи тинчлик- хотиржамлик билан ўтиб, поёнига етиб боряпти. 
Бу ойни ғанимат билиб, ундан имкон қадар унумли фойдаланишимиз учун махсус таълимотларни бизга таълим берган муаллим Пайғамбаримизга дуою саломларимиз бўлсин.

Батафсил
ЭЗГУЛИКЛАР ЭГИЗИ

ЭЗГУЛИКЛАР ЭГИЗИ

🕔12:12, 22.05.2020 ✔310

Аслида одам боласига яратган тарафидан инъом қилинган кун, ойларнинг ёмони йўқ. Инсон яхши нияти, ойдин фикрати, меҳнаткаш қўли, эзгу орзу-мақсадлари билан ҳар бир лаҳзани баракага, файзга айлантира олади.
Аммо ҳам жисмонан, ҳам руҳан тикланиш ойи бўлган моҳи Рамазоннинг ўзгача хосияти, ўзгача ҳикмати борлиги аён. Бу ой ҳеч қайси муслим, муслиманинг ҳаётидан беиз ўтиб кетмайди. Ўйлаб кўрсам, менда ҳам шу ой билан боғлиқ талай хотиралар бор экан… 
 

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Шавкат МИРЗИЁЕВ: АДАБИЁТ ХАЛҚНИНГ ЮРАГИ,  ЭЛНИНГ МАЪНАВИЯТИНИ КЎРСАТАДИ

    Шавкат МИРЗИЁЕВ: АДАБИЁТ ХАЛҚНИНГ ЮРАГИ, ЭЛНИНГ МАЪНАВИЯТИНИ КЎРСАТАДИ

    Президент Шавкат Мирзиёев 20 май куни Алишер Навоий номидаги Ўзбекистон Миллий боғида барпо этилган Адиблар хиёбонига ташриф буюрди, дея хабар берди Ўзбекистон Президентининг Матбуот хизмати.

    ✔ 256    🕔 11:24, 27.05.2020
  • НИЯТ ХОЛИС БЎЛМАСА,  АМАЛЛАРНИНГ ФОЙДАСИ ЙЎҚ

    НИЯТ ХОЛИС БЎЛМАСА, АМАЛЛАРНИНГ ФОЙДАСИ ЙЎҚ

    Бисмиллаҳир Роҳманир Роҳийм.
    Аллоҳ таолога беадад шукрки, умримизнинг яна бир ойи тинчлик- хотиржамлик билан ўтиб, поёнига етиб боряпти. 
    Бу ойни ғанимат билиб, ундан имкон қадар унумли фойдаланишимиз учун махсус таълимотларни бизга таълим берган муаллим Пайғамбаримизга дуою саломларимиз бўлсин.

    ✔ 256    🕔 11:23, 27.05.2020
  • ЭЗГУЛИКЛАР ЭГИЗИ

    ЭЗГУЛИКЛАР ЭГИЗИ

    Аслида одам боласига яратган тарафидан инъом қилинган кун, ойларнинг ёмони йўқ. Инсон яхши нияти, ойдин фикрати, меҳнаткаш қўли, эзгу орзу-мақсадлари билан ҳар бир лаҳзани баракага, файзга айлантира олади.
    Аммо ҳам жисмонан, ҳам руҳан тикланиш ойи бўлган моҳи Рамазоннинг ўзгача хосияти, ўзгача ҳикмати борлиги аён. Бу ой ҳеч қайси муслим, муслиманинг ҳаётидан беиз ўтиб кетмайди. Ўйлаб кўрсам, менда ҳам шу ой билан боғлиқ талай хотиралар бор экан… 
     

    ✔ 310    🕔 12:12, 22.05.2020
  • БИТТА ДАЛДА ИЛИНЖИ

    БИТТА ДАЛДА ИЛИНЖИ

    Қишлоғимизга сел келгани эсимда. Жуда кўп уйлар талафот кўрганди ўшанда. Лойли сув уйлар ичкарисигача кириб борган, ошхонаю ертўлалар тўлганди. Ҳамма экин-тикиндан бутунлай айрилганди. Лекин ўшанда ҳеч бўлмаса вилоят ёки туман каттаконларидан кимдир келиб жабрдийдаларга ёрдам бергани ёки офатни бартараф этиш жараёнининг тепасида турганини билмайман...
     

    ✔ 175    🕔 11:37, 22.05.2020
  • КАРАНТИН ЕНГИЛЛАШАДИ

    КАРАНТИН ЕНГИЛЛАШАДИ

    Эпидемиологик вазият яхши бўлган ҳудудларда, санитария талабларини белгилаган ҳолда, ноозиқ-овқат дўконлари, тиббий диагностика, такси хизмати, таъмирлаш, тикувчилик, маиший техника ва пойабзал тузатиш, сартарошхоналар фаолиятига рухсат бериш кераклиги қайд этилди. Шунингдек, стикерлар бекор қилиниб, шахсий автомобиллардан фойдаланиш мумкин бўлади.
     

    ✔ 91    🕔 11:36, 22.05.2020
Ҳаммасини кўриш 

Фойдали манбаалар