Мустаҳкам оила      Бош саҳифа

120 ЁШЛИ ЎҒИЛЖОН МОМО

Шовот туманининг Бешмарган қишлоғида 120 ёшни тўлдириб 121 ёшга қадам қўйган Ўғилжон момо Эшёзова умргузаронлик қилади. Момо вилоятимиздагина эмас, балки Ўзбекистондаги энг ёши улуғ инсонлардан бўлса ажаб эмас.

120 ЁШЛИ ЎҒИЛЖОН МОМО

Ўғилжон момо 1900 йилнинг 16 июлида таваллуд топган. Унинг отаси Эшниёзбек ўзига тўқ, бадавлат инсон бўлган, онаси ҳам ўз даврининг илғор саводли аёлларидан бўлиб отинойилик қилган. Маълумки, хонликлар тугатилиб, қизил империя ўз ҳукмронлигини ўрнатгач, катта ер эгалари ва бойларни йўқ қилишга киришилган. Эшниёзбек ҳам Хива қамоқхонасига олиниб, ўша ерда отувга ҳукм қилинган экан.

Ўғилжон момонинг оиласида ўзи билан бирга уч нафар қиз дунёга келган. Эшниёзбекнинг ўғил фарзанди бўлмаган, шунинг учун ўғлим бўлар, деган ниятда кенжа қизига Ўғилжон деб исм қўйган экан.

Ўғилжон момо бутун умрини қишлоқ хўжалигида меҳнат қилиш билан ўтказди. У анча кечроқ турмушга чиқди. Турмуш ўртоғи Рўзмат Ҳакимов яккаю ягона фарзанди Холмурод тўрт ёшга кирганида, яъни 1954 йили вафот этади. Момо бутун ҳаётини ана шу фарзанди тарбиясига бағишлади. Бошқа турмуш қилмади.

Бугун Ўғилжон момо Эшёзова дориломон кунларга шукрона келтириб, беш невара, 12 чевара ва элу юрти ардоғида умргузаронлик қилмоқда. Дарвоқе, ўтган йили Россия Федерацияси Президенти В.Путин томонидан Ўғилжон момо «Буюк ғалабанинг 75 йиллиги» медали билан тақдирланди.

Табаррук момодан Бешмерган қишлоғининг ёшу қариси тез-тез хабар олиб туришади. Айниқса, шу қишлоқлик «Уста Матсафо» кўп тармоқли фермер хўжалиги раҳбари Шуҳрат Ўдабоев ҳар байрамда онахонни совға-саломлар билан йўқлайди. Яқинда Наврўз байрами муносабати билан ҳам фермер Ўғилжон момонинг дуосини олди. – Табаррук момомиз билан фахрланамиз, – дейди «Бешмарган» маҳалла фуқаролар йиғини раиси Шарифзода Уйғун Ўрозбой ўғли. – Онахон зиёратига вилоятимизнинг турли бурчакларидан одамлар тез-тез келиб, у кишининг дуосини олишади. Ҳаммамизни шундай улуғ ёшларга етказсин!

Ҳа, бир асрдан кўпроқ даврнинг қанча-қанча суронларини бошдан кечирган, не-не синовларга бардош бериб, бу ёруғ дунёга илиниб турган онахонга узоқ умр тилаймиз. Ўғилжон момодек табаррук инсонлар элимизнинг чинакам фахри-ифтихоридир.

Болтабой МАТҚУРБОНОВ, Хоразм вилояти




Ўхшаш мақолалар

«Ўзларидан ортмаган» қизларнинг аччиқ қисмати  ёхуд «...вачча-никоҳ»га замонавий назар

«Ўзларидан ортмаган» қизларнинг аччиқ қисмати ёхуд «...вачча-никоҳ»га замонавий назар

🕔16:15, 07.10.2021 ✔48

Давлат хизматлари агентлиги хабарига кўра, мамлакатимизда жорий йилнинг июль-сентябрь ойларида қариндош бўлган 675 жуфт келин-куёвнинг никоҳи қайд қилинган. Шундан 285 жуфти – бир-бирига холавачча, 172 жуфти – тоғавачча, 114 жуфти – амакивачча ва 104 жуфти – аммаваччалар экан.

Батафсил
ИНСОНИЯТ УСТУНИ — ОТА

ИНСОНИЯТ УСТУНИ — ОТА

🕔13:46, 27.05.2021 ✔297

Қадим замонларда адолатпарвар Саодатшоҳ ҳукмронлик қилган улусдаги бир деҳқон йигитнинг онаси қазо қилиб, ўғил отаси билан қолибди. Боз устига, ота қутуриш касалига йўлиқиб, шоҳнинг буйруғига кўра ўтда куйдирилиши керак экан...

Батафсил
120 ЁШЛИ ЎҒИЛЖОН МОМО

120 ЁШЛИ ЎҒИЛЖОН МОМО

🕔17:34, 23.04.2021 ✔643

Шовот туманининг Бешмарган қишлоғида 120 ёшни тўлдириб 121 ёшга қадам қўйган Ўғилжон момо Эшёзова умргузаронлик қилади. Момо вилоятимиздагина эмас, балки Ўзбекистондаги энг ёши улуғ инсонлардан бўлса ажаб эмас.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • «Ўзларидан ортмаган» қизларнинг аччиқ қисмати  ёхуд «...вачча-никоҳ»га замонавий назар

    «Ўзларидан ортмаган» қизларнинг аччиқ қисмати ёхуд «...вачча-никоҳ»га замонавий назар

    Давлат хизматлари агентлиги хабарига кўра, мамлакатимизда жорий йилнинг июль-сентябрь ойларида қариндош бўлган 675 жуфт келин-куёвнинг никоҳи қайд қилинган. Шундан 285 жуфти – бир-бирига холавачча, 172 жуфти – тоғавачча, 114 жуфти – амакивачча ва 104 жуфти – аммаваччалар экан.

    ✔ 48    🕔 16:15, 07.10.2021
  • ИНСОНИЯТ УСТУНИ — ОТА

    ИНСОНИЯТ УСТУНИ — ОТА

    Қадим замонларда адолатпарвар Саодатшоҳ ҳукмронлик қилган улусдаги бир деҳқон йигитнинг онаси қазо қилиб, ўғил отаси билан қолибди. Боз устига, ота қутуриш касалига йўлиқиб, шоҳнинг буйруғига кўра ўтда куйдирилиши керак экан...

    ✔ 297    🕔 13:46, 27.05.2021
  • 120 ЁШЛИ ЎҒИЛЖОН МОМО

    120 ЁШЛИ ЎҒИЛЖОН МОМО

    Шовот туманининг Бешмарган қишлоғида 120 ёшни тўлдириб 121 ёшга қадам қўйган Ўғилжон момо Эшёзова умргузаронлик қилади. Момо вилоятимиздагина эмас, балки Ўзбекистондаги энг ёши улуғ инсонлардан бўлса ажаб эмас.

    ✔ 643    🕔 17:34, 23.04.2021
  • УНИ ОНА ДЕРЛАР...

    УНИ ОНА ДЕРЛАР...

    Халқимиз қариси бор уйнинг париси бор дейди. Дарҳақиқат, хонадонларимиз тўрида ўтирган нуроний инсонлар бизларнинг беқиёс бойлигимиздир. Улар ҳаётимиз ҳикмати, умримиз мазмунидир.

    ✔ 640    🕔 17:33, 23.04.2021
  • ҲИКМАТ

    ҲИКМАТ

    Турмуш қурганлар учун ҳам, қурмаганлар учун ҳам, турмуш қуриш арафасида турганлар учун ҳам ибратли воқеа.

    ✔ 604    🕔 17:32, 23.04.2021
Ҳаммасини кўриш 

Фойдали манбаалар